李斯特城，該如何走下去？
李斯特城今季係雲尼亞里(Ranieri)既帶領下，勇奪英超似乎已成定局。作為近季既升班馬，雲尼亞里如此迅速搵到極有效既戰術，而又能對抗強隊同保持穩定，發揮出球員既水準，實在領人始料不及。上一次有類似場面，一隊升班馬級既球隊脫胎換骨，打出水準，表現凸出並取得前列位置，似乎係當時普捷天奴(Pochettino)帶領下既修咸頓。不過當時都只係取得第八位，已贏得一眾掌聲。
今季下，普捷天奴帶領熱刺，都已經有長足進步，發揮出理想既表現，係一眾年青小將都打出水準下，已經排係第二位，點知雲尼亞里表現更好，加上馬列斯(Mahrez)、占美華迪(Vardy)、簡迪(Kante)、真禾特(Drinkwater)等核心或綠葉都發揮上佳，打少一場領先第二位既熱刺兩分，奪冠應該唔算太大難度，始終各隊對佢地強力、迅速既反擊似乎未有合適既應對方法。
不過，一本天書用到老，唔係長安之道。今季既車路士就係好好既教材，雖然我地車仔係將帥、軍心等方面都有問題，但戰術單調都係其一，而且明顯球員係同前任主帥摩連奴(Mourinho)不和、而且無其指揮下，發揮唔到打法既威力，到左希汀克執教後加強自由度，先打返d水準出黎。(有少少離題，遲d先再撰文講。)李城如果唔想重蹈覆轍，雲尼亞里就要盡早搵定一d可行既變化，嘗試增加唔同進攻套路，昇華戰術，否則一旦被摸透，任球員狀態再好，都未必打到成績，而下季有哥迪奧拿(Guardiola)空降，而摩連奴亦有機會回歸，加上車仔既未來主帥，下季既領隊必然更難應付，而上三者既戰術能力更是大患。總唔可以寄望球隊好似洛賓(Robben)咁，明明得一招但人地點都防唔到。
另外，球員要打足一季單打聯賽，可能都ok，但如果要長期高水準發揮，仲有可能多線作戰，似乎強人所難。雲尼亞里今個夏天要針對收購，除左要簽入上述令球隊戰術更多元化既球員外，仲要因應球隊主力既特點買入替補，一來加強競爭，亦可以作輪換之用。不過雲尼亞里對輪換既能力似乎有些不足(如果筆者無記錯)，要下佢願唔願意嘗試再進一步。仲要睇埋對歐聯同盃賽既取捨，英超同有唔少前車之鑒，要好好汲取經驗，相信以雲尼亞里既功力其實唔難，不過要睇佢點取捨。
且睇(應該)勇奪英超既李城，今個夏天會如何應對。
多謝各位不吝賜評，一like一支持，多承指教：https://www.facebook.com/chelsea.gor.sk
今季下，普捷天奴帶領熱刺，都已經有長足進步，發揮出理想既表現，係一眾年青小將都打出水準下，已經排係第二位，點知雲尼亞里表現更好，加上馬列斯(Mahrez)、占美華迪(Vardy)、簡迪(Kante)、真禾特(Drinkwater)等核心或綠葉都發揮上佳，打少一場領先第二位既熱刺兩分，奪冠應該唔算太大難度，始終各隊對佢地強力、迅速既反擊似乎未有合適既應對方法。
不過，一本天書用到老，唔係長安之道。今季既車路士就係好好既教材，雖然我地車仔係將帥、軍心等方面都有問題，但戰術單調都係其一，而且明顯球員係同前任主帥摩連奴(Mourinho)不和、而且無其指揮下，發揮唔到打法既威力，到左希汀克執教後加強自由度，先打返d水準出黎。(有少少離題，遲d先再撰文講。)李城如果唔想重蹈覆轍，雲尼亞里就要盡早搵定一d可行既變化，嘗試增加唔同進攻套路，昇華戰術，否則一旦被摸透，任球員狀態再好，都未必打到成績，而下季有哥迪奧拿(Guardiola)空降，而摩連奴亦有機會回歸，加上車仔既未來主帥，下季既領隊必然更難應付，而上三者既戰術能力更是大患。總唔可以寄望球隊好似洛賓(Robben)咁，明明得一招但人地點都防唔到。
另外，球員要打足一季單打聯賽，可能都ok，但如果要長期高水準發揮，仲有可能多線作戰，似乎強人所難。雲尼亞里今個夏天要針對收購，除左要簽入上述令球隊戰術更多元化既球員外，仲要因應球隊主力既特點買入替補，一來加強競爭，亦可以作輪換之用。不過雲尼亞里對輪換既能力似乎有些不足(如果筆者無記錯)，要下佢願唔願意嘗試再進一步。仲要睇埋對歐聯同盃賽既取捨，英超同有唔少前車之鑒，要好好汲取經驗，相信以雲尼亞里既功力其實唔難，不過要睇佢點取捨。
且睇(應該)勇奪英超既李城，今個夏天會如何應對。
多謝各位不吝賜評，一like一支持，多承指教：https://www.facebook.com/chelsea.gor.sk