淺談車路士既重建工程
車路士今季災難級既表現，預示住今年夏天既重建工程都勢在必行。領隊人選方面，本來筆者仲想談論下唔同人選，不過似乎干地(Conte)上任都係板上釘釘既事，筆者就提一提算，想轉而講多少少球員人腳方面。
干地都係一位軍紀嚴明既主帥，據聞佢會嚴格要求球員遵守紀律，甚至會將軍規貼到周圍都係，要球員聽佢講先得。如果你問筆者，我當然係同意搵佢呢d風格既領隊，因為要整頓返隊球隊，要show返d勢鎮一鎮班大帝。當然有人會覺得要搵個好人d既鼓舞返更衣室既士氣會更好。不過要知道車路士既球員其實有d都有性格既type黎，你好人佢會恰返你轉頭，而且要整頓士氣，其實而家既希汀克(Hiddink)就係做緊呢樣野，所以黎緊一個真係寄予重任既主帥，需要係一個約束到班球員既人先得。當然…都要睇再有內部分歧時，老闆係撐邊一邊啦…
至於人腳，早前筆者拜讀過一篇文章，當中狠批車路士不少球員根本就未夠級數，主要靠摩連奴(Mourinho)力谷同球員配合有超水準發揮，才得以奪冠，今季球員就全部進入怠倦期，缺乏飢餓感同鬥心，先顯露不足既一面。當中已離隊既拉美利斯(Ramires)及近期回落既韋利安(Willian)都被指只有體能係有頂級水平；夏薩特(Hazard)、法比加斯(Fabregas)、馬迪(Matic)等就被批評不善保持狀態，並非頂級球員應有既水平；奧斯卡(Oscar)以及伊雲奴域(Ivanovic)、卡希爾(Cahill)等既防線就更被指實力不足。
確實，車路士，甚至現時既英超豪門中，三線實力強勁、球星雲集既球隊，似乎都無乜邊隊，可能得曼城叫攞得下出手。當你同你既fd打機，(如果大家打機能力接近)人地揀左祖雲達斯、拜仁、皇馬巴塞，你都唔會用英超球隊去打，因為牌面上你就已經輸左。車路士欠缺頂級球員係事實，呢點確實有需要係夏天進行收購，至少有返兩個領軍人物帶起隊波。
前線上其實迪亞高哥斯達(Diego Costa)係勁，筆者其實曾經出過文講及以佢能力，絕對係球隊既全能前鋒，不過佢之前既多小動作既表現令人忽視呢點，而家終於展現到。不過如果佢要返馬體都頭痕，因為市場上根本無一個入球能力相近既前鋒，而近排傳聞有機會他投既前鋒中，莫拉達(Morata)、賓施馬(Benzema)、卡雲尼(Cavani)都身價不菲，又多人爭，伊巴謙莫域(Ibrahimovic)又唔會頂到幾耐。奧斯卡、夏薩特等確實一直未能交出足夠表現，但摩連奴既任下，技術型球員既發揮或多或少都會受到限制，如果新帥能夠幫佢地及時調整，相信佢地仍然有力更進一步。另外，有傳干地會回收古亞達度(Cuadrado)，相信車迷都樂見呢點，因為古亞達度都係係摩佬麾下難以發揮，但絕對有實力，而佢既側擊力係現時車路士攻擊球員中缺乏既。而柏度既定位都值得關注，但新帥要發揮脫離巴塞體系既佢，可能要係戰術上作出遷就。
而防中方面，其實米基爾(Mikel)既磨蝕程度太大，要放都無可厚非，但筆者認為只要上到陣，佢都一定打到表現，無需要放，反而可以一用，馬迪就要睇佢能否修正方向，努力保持狀態，但夏天就一定要買多個頂級防中，否則要博今季既人腳復甦，個賭注有d大。不過要有強悍防守能力又有一定轉守為攻既能力，呢點就會難d，FF d黎講最好都係普巴(Pogba)，不過維度爾(Vidal)有機會離隊，都係FF得過。
後防要買個中堅，頂替卡希爾，佢確實係有能力，但級數真係未夠，如果有個頂級中堅帶住蘇馬(Zouma)或基斯甸臣(Christensen)，配以後備上有伊雲同泰利(Terry)補充經驗同做精神領袖角色，相信係車迷最期待既畫面。當然，仲要一個左閘，等艾斯派古達(Azpilicueta)可以返右路，同時收回艾基(Ake)作副選，後防先會完整。
古圖斯(Courtois)其實真係唔夠級數，有d出迎、接傳中等都唔算做得好好，但無人擔心過，因為佢夠後生，有時間成長，不過令人堪憂既係佢既態度問題。近黎佢係場外不斷向媒體發表唔少言論，包括批評前主帥及球隊訓練水平。呢樣絕對唔係一個職業球員應有既行為，相信如果係干地上任，首先會處理呢點，仲有上季積落既將帥矛盾問題。
新帥既重建工程，其實絕對係難而複雜，現時既車路士，有實力既發揮唔出、唔實力既踢得力有不逮，同時更衣室既問題，都要耗費唔少心力。筆者就先講到呢度，但願能拋磚引玉，睇下諸位師兄更有何看法。
多謝各位不吝賜評，一like一支持，多承指教：https://www.facebook.com/chelsea.gor.sk
干地都係一位軍紀嚴明既主帥，據聞佢會嚴格要求球員遵守紀律，甚至會將軍規貼到周圍都係，要球員聽佢講先得。如果你問筆者，我當然係同意搵佢呢d風格既領隊，因為要整頓返隊球隊，要show返d勢鎮一鎮班大帝。當然有人會覺得要搵個好人d既鼓舞返更衣室既士氣會更好。不過要知道車路士既球員其實有d都有性格既type黎，你好人佢會恰返你轉頭，而且要整頓士氣，其實而家既希汀克(Hiddink)就係做緊呢樣野，所以黎緊一個真係寄予重任既主帥，需要係一個約束到班球員既人先得。當然…都要睇再有內部分歧時，老闆係撐邊一邊啦…
至於人腳，早前筆者拜讀過一篇文章，當中狠批車路士不少球員根本就未夠級數，主要靠摩連奴(Mourinho)力谷同球員配合有超水準發揮，才得以奪冠，今季球員就全部進入怠倦期，缺乏飢餓感同鬥心，先顯露不足既一面。當中已離隊既拉美利斯(Ramires)及近期回落既韋利安(Willian)都被指只有體能係有頂級水平；夏薩特(Hazard)、法比加斯(Fabregas)、馬迪(Matic)等就被批評不善保持狀態，並非頂級球員應有既水平；奧斯卡(Oscar)以及伊雲奴域(Ivanovic)、卡希爾(Cahill)等既防線就更被指實力不足。
確實，車路士，甚至現時既英超豪門中，三線實力強勁、球星雲集既球隊，似乎都無乜邊隊，可能得曼城叫攞得下出手。當你同你既fd打機，(如果大家打機能力接近)人地揀左祖雲達斯、拜仁、皇馬巴塞，你都唔會用英超球隊去打，因為牌面上你就已經輸左。車路士欠缺頂級球員係事實，呢點確實有需要係夏天進行收購，至少有返兩個領軍人物帶起隊波。
前線上其實迪亞高哥斯達(Diego Costa)係勁，筆者其實曾經出過文講及以佢能力，絕對係球隊既全能前鋒，不過佢之前既多小動作既表現令人忽視呢點，而家終於展現到。不過如果佢要返馬體都頭痕，因為市場上根本無一個入球能力相近既前鋒，而近排傳聞有機會他投既前鋒中，莫拉達(Morata)、賓施馬(Benzema)、卡雲尼(Cavani)都身價不菲，又多人爭，伊巴謙莫域(Ibrahimovic)又唔會頂到幾耐。奧斯卡、夏薩特等確實一直未能交出足夠表現，但摩連奴既任下，技術型球員既發揮或多或少都會受到限制，如果新帥能夠幫佢地及時調整，相信佢地仍然有力更進一步。另外，有傳干地會回收古亞達度(Cuadrado)，相信車迷都樂見呢點，因為古亞達度都係係摩佬麾下難以發揮，但絕對有實力，而佢既側擊力係現時車路士攻擊球員中缺乏既。而柏度既定位都值得關注，但新帥要發揮脫離巴塞體系既佢，可能要係戰術上作出遷就。
而防中方面，其實米基爾(Mikel)既磨蝕程度太大，要放都無可厚非，但筆者認為只要上到陣，佢都一定打到表現，無需要放，反而可以一用，馬迪就要睇佢能否修正方向，努力保持狀態，但夏天就一定要買多個頂級防中，否則要博今季既人腳復甦，個賭注有d大。不過要有強悍防守能力又有一定轉守為攻既能力，呢點就會難d，FF d黎講最好都係普巴(Pogba)，不過維度爾(Vidal)有機會離隊，都係FF得過。
後防要買個中堅，頂替卡希爾，佢確實係有能力，但級數真係未夠，如果有個頂級中堅帶住蘇馬(Zouma)或基斯甸臣(Christensen)，配以後備上有伊雲同泰利(Terry)補充經驗同做精神領袖角色，相信係車迷最期待既畫面。當然，仲要一個左閘，等艾斯派古達(Azpilicueta)可以返右路，同時收回艾基(Ake)作副選，後防先會完整。
古圖斯(Courtois)其實真係唔夠級數，有d出迎、接傳中等都唔算做得好好，但無人擔心過，因為佢夠後生，有時間成長，不過令人堪憂既係佢既態度問題。近黎佢係場外不斷向媒體發表唔少言論，包括批評前主帥及球隊訓練水平。呢樣絕對唔係一個職業球員應有既行為，相信如果係干地上任，首先會處理呢點，仲有上季積落既將帥矛盾問題。
新帥既重建工程，其實絕對係難而複雜，現時既車路士，有實力既發揮唔出、唔實力既踢得力有不逮，同時更衣室既問題，都要耗費唔少心力。筆者就先講到呢度，但願能拋磚引玉，睇下諸位師兄更有何看法。
多謝各位不吝賜評，一like一支持，多承指教：https://www.facebook.com/chelsea.gor.sk