[吹水預測] 早左d既英超列預測 - 雙曼篇
上次講左阿仙奴(算講左啦)、利物浦、熱刺同李斯特城，今次講埋筆者對雙曼既睇法。
講曼城先啦。筆者唔睇好今季曼城爭冠，雖然哥迪奧拿係幾勁，戰術造詣高，加上人腳又唔差。不過，真係唔差only，今季曼城無乜收購啲即時戰力，最勁既領軍人物就係阿古路(Aguero)啦，之後仲有迪布尼(de Bruyne)、大衛施華(David Silva)、費蘭甸奴(Fernandinho)、甘賓尼(Kompany)等，如果有態，其實耶耶托尼(Yaya Toure)、史達寧(Sterling)、奧坦文迪(Otamandi)等屬實力戰將，但打唔打得好就好睇哥帥，加上根度簡(Gundogan)、巴禾(Bravo)先後落實加盟，人腳都唔差，但一d位置如中場中、閘位都需要補充，反而翼位人腳稍多，加上有幾名收購屬未來戰力，未必幫到手。另外哥帥初到時，通常都引起部分人反感，正如佢隊波係場上要控球控制場面，佢控制欲都幾強，而且唔中意就無面俾，有時棄用得有爭議，巴塞賣左耶耶，拜仁棄過舒韋恩史迪加(Schweinsteiger)，今次到祖赫特(Joe Hart)，人心方面會有不穩，佢自己加盟前既官宣事件都出過事，又加上佢既戰術都係要啲時間去適應，今季筆者唔睇好，但前四以班底應該都夠做，同利記、熱刺爭位。
至於曼聯，由摩連奴(Mourinho)執教，呢位見效快既領隊即刻精簡左人手，雖然手法過硬，但小豬被棄都岩。摩佬擅打防反，而筆者都講近期防反有抬頭既趨勢，加上防反為前提下，有伊巴謙莫域(Ibrahimovic)坐鎮前場，佢既全面性豐富左進攻模式，應可以推動原有人腳既攻力，解決上季攻力不足既問題。加上收購左拜利(Bailey)中路防守加強，係摩佬訓練下更加有條件打防反，何況仲有迪基亞(de Gea)？而且中場有普巴(Pogba)，如果佢頂得住壓力，佢對中場運轉既幫助會好大，加上助攻助守，會發揮到摩佬戰術既威力。所以，如果講爭冠，筆者反而睇好曼聯，因為就算摩佬更衣室出問題，或者小將處理不當，都係下季先會有事，今季爭冠同呢d無乜關係。
下篇再講埋對筆者愛隊車路士既睇法。
多謝各位不吝賜評，一like一支持，多承指教：
https://www.facebook.com/chelsea.gor.sk
講曼城先啦。筆者唔睇好今季曼城爭冠，雖然哥迪奧拿係幾勁，戰術造詣高，加上人腳又唔差。不過，真係唔差only，今季曼城無乜收購啲即時戰力，最勁既領軍人物就係阿古路(Aguero)啦，之後仲有迪布尼(de Bruyne)、大衛施華(David Silva)、費蘭甸奴(Fernandinho)、甘賓尼(Kompany)等，如果有態，其實耶耶托尼(Yaya Toure)、史達寧(Sterling)、奧坦文迪(Otamandi)等屬實力戰將，但打唔打得好就好睇哥帥，加上根度簡(Gundogan)、巴禾(Bravo)先後落實加盟，人腳都唔差，但一d位置如中場中、閘位都需要補充，反而翼位人腳稍多，加上有幾名收購屬未來戰力，未必幫到手。另外哥帥初到時，通常都引起部分人反感，正如佢隊波係場上要控球控制場面，佢控制欲都幾強，而且唔中意就無面俾，有時棄用得有爭議，巴塞賣左耶耶，拜仁棄過舒韋恩史迪加(Schweinsteiger)，今次到祖赫特(Joe Hart)，人心方面會有不穩，佢自己加盟前既官宣事件都出過事，又加上佢既戰術都係要啲時間去適應，今季筆者唔睇好，但前四以班底應該都夠做，同利記、熱刺爭位。
至於曼聯，由摩連奴(Mourinho)執教，呢位見效快既領隊即刻精簡左人手，雖然手法過硬，但小豬被棄都岩。摩佬擅打防反，而筆者都講近期防反有抬頭既趨勢，加上防反為前提下，有伊巴謙莫域(Ibrahimovic)坐鎮前場，佢既全面性豐富左進攻模式，應可以推動原有人腳既攻力，解決上季攻力不足既問題。加上收購左拜利(Bailey)中路防守加強，係摩佬訓練下更加有條件打防反，何況仲有迪基亞(de Gea)？而且中場有普巴(Pogba)，如果佢頂得住壓力，佢對中場運轉既幫助會好大，加上助攻助守，會發揮到摩佬戰術既威力。所以，如果講爭冠，筆者反而睇好曼聯，因為就算摩佬更衣室出問題，或者小將處理不當，都係下季先會有事，今季爭冠同呢d無乜關係。
下篇再講埋對筆者愛隊車路士既睇法。
多謝各位不吝賜評，一like一支持，多承指教：
https://www.facebook.com/chelsea.gor.sk