被忽視的防線問題？
今季有兩隊本來都被睇好既球隊，因為後防既問題，遇上程度不同既問題，而佢地同樣既地方，就係係夏季既轉會窗，係收購方面並未有針對性既行動，呢兩隊分別係車路士同曼城。
眾所周知，呢兩隊分別有兩個油王射住，照理錢唔係問題，但由於歐洲財政公平條例，使費上都有所制肘，而且球會其實都需要保持財政健康，好多時既瘋狂收購都只係入主初期先常見，而家兩者買人都相對謹慎，希望主帥可以運用手上既牌打好隊波。感覺上同實際上，哥迪奧拿(Guardiola) 比干地(Conte) 應稍勝一籌，雖然二人對球隊既整頓及灌輸理念既工作都做得幾好，但哥帥比較著迷於改造球員位置同改革戰術，呢方面會比較優勝。
開季初期，哥迪奧拿打出既牌係將兩閘收入近中路，同以高拉洛夫(Kolarov) 打中堅，利用佢既長傳能力同打出針對被打防反既部署，加上後期有史東斯(Stones) 後高拉洛夫打返左閘，佢拉入中路同史東斯二人都擅長傳送，令哥帥既傳控打法好順，前場人選都係快速型，打法一直運行順暢。而車路士收購左簡迪(Kante) ，加上馬迪(Matic) 、奧斯卡(Oscar) 兩個拍檔防守力都不俗，後防艾斯派古達(Azpilicueta) 打左，加上一直夾開既防線組合同干地既訓練打法，都做得幾好。
不過問題就慢慢出黎，車路士由於人腳有限，加上老將退化得快，問題好快就浮現。伊雲奴域(Ivanovic) 、加利卡希爾(Gary Cahill) 表現不穩，泰利(Terry)已老，古圖斯(Courtois) 亦見不穩、撲救成功率人所難及，成績自然都差。而曼城方面，高拉洛夫防守能力不足都出見問題，加上對抗性不足同邊路既弱點被睇穿，門將巴禾(Bravo) 又未融入哂，出現左對些路迪同熱刺既不穩。
就如我係開頭所講，兩者同樣既地方，就係係夏季既轉會窗，係收購方面並未有針對性既行動，兩隊明顯係閘位都極需補強，但奇怪卻是，車路士雖然有一隻閘係可靠，但都收購定一個左閘阿朗素(Marcos Alonso)，等Azp可以隨時返右；而曼城雖然有四隻閘，但右路二人高峰已過、左路二人防守不足，偏偏沒有係邊路上有咩補充或者換血，雖然哥帥用戰術隱藏閘位問題既弱點(當然睇拜仁既艾拉巴(Alaba) 同拿姆(Lahm) 都知哥帥都會用呢個方式加強控球) ，但閘位等問題應該會係對完熱刺之後被睇通哂，睇哥帥點執同一月點都要買人，唔係既，我開季前講既就中了。
而車路士問題就幾大，中堅明顯青黃不接，大衛雷斯(David Luiz) 並非救火人選，不過佢搭泰利應該有機會，加上蘇馬(Zouma) 復出並不在遠，但一月筆者認為至少都要買個勁人，同補充多一個閘位，之後等下季基斯甸臣(Christensen)等小將回來接班上位，會係比較理想既解決方法，畢竟無可能要小將一月就返黎救亡。而其他位置都唔係買唔買人既問題，純粹並未搵到個套路發揮，不過問題係點用好法比加斯(Fabregas) 控制中場，同埋馬迪(Matic)經常上得太前、分薄防守力既問題。
兩隊彷彿好似忽視防守人腳上既問題，並未有合適既收購，當然勁既防守球員越黎越少，身價都越黎越高，可能係買唔到，又諗住戰術上可以解決到，反而一向俾人感覺防守力不足既阿仙奴，係終於收購一個勁中堅後打得幾好，有時合理收購可能真係需要。
多謝各位不吝賜評，一like一支持，多承指教：
https://www.facebook.com/chelsea.gor.sk
眾所周知，呢兩隊分別有兩個油王射住，照理錢唔係問題，但由於歐洲財政公平條例，使費上都有所制肘，而且球會其實都需要保持財政健康，好多時既瘋狂收購都只係入主初期先常見，而家兩者買人都相對謹慎，希望主帥可以運用手上既牌打好隊波。感覺上同實際上，哥迪奧拿(Guardiola) 比干地(Conte) 應稍勝一籌，雖然二人對球隊既整頓及灌輸理念既工作都做得幾好，但哥帥比較著迷於改造球員位置同改革戰術，呢方面會比較優勝。
開季初期，哥迪奧拿打出既牌係將兩閘收入近中路，同以高拉洛夫(Kolarov) 打中堅，利用佢既長傳能力同打出針對被打防反既部署，加上後期有史東斯(Stones) 後高拉洛夫打返左閘，佢拉入中路同史東斯二人都擅長傳送，令哥帥既傳控打法好順，前場人選都係快速型，打法一直運行順暢。而車路士收購左簡迪(Kante) ，加上馬迪(Matic) 、奧斯卡(Oscar) 兩個拍檔防守力都不俗，後防艾斯派古達(Azpilicueta) 打左，加上一直夾開既防線組合同干地既訓練打法，都做得幾好。
不過問題就慢慢出黎，車路士由於人腳有限，加上老將退化得快，問題好快就浮現。伊雲奴域(Ivanovic) 、加利卡希爾(Gary Cahill) 表現不穩，泰利(Terry)已老，古圖斯(Courtois) 亦見不穩、撲救成功率人所難及，成績自然都差。而曼城方面，高拉洛夫防守能力不足都出見問題，加上對抗性不足同邊路既弱點被睇穿，門將巴禾(Bravo) 又未融入哂，出現左對些路迪同熱刺既不穩。
就如我係開頭所講，兩者同樣既地方，就係係夏季既轉會窗，係收購方面並未有針對性既行動，兩隊明顯係閘位都極需補強，但奇怪卻是，車路士雖然有一隻閘係可靠，但都收購定一個左閘阿朗素(Marcos Alonso)，等Azp可以隨時返右；而曼城雖然有四隻閘，但右路二人高峰已過、左路二人防守不足，偏偏沒有係邊路上有咩補充或者換血，雖然哥帥用戰術隱藏閘位問題既弱點(當然睇拜仁既艾拉巴(Alaba) 同拿姆(Lahm) 都知哥帥都會用呢個方式加強控球) ，但閘位等問題應該會係對完熱刺之後被睇通哂，睇哥帥點執同一月點都要買人，唔係既，我開季前講既就中了。
而車路士問題就幾大，中堅明顯青黃不接，大衛雷斯(David Luiz) 並非救火人選，不過佢搭泰利應該有機會，加上蘇馬(Zouma) 復出並不在遠，但一月筆者認為至少都要買個勁人，同補充多一個閘位，之後等下季基斯甸臣(Christensen)等小將回來接班上位，會係比較理想既解決方法，畢竟無可能要小將一月就返黎救亡。而其他位置都唔係買唔買人既問題，純粹並未搵到個套路發揮，不過問題係點用好法比加斯(Fabregas) 控制中場，同埋馬迪(Matic)經常上得太前、分薄防守力既問題。
兩隊彷彿好似忽視防守人腳上既問題，並未有合適既收購，當然勁既防守球員越黎越少，身價都越黎越高，可能係買唔到，又諗住戰術上可以解決到，反而一向俾人感覺防守力不足既阿仙奴，係終於收購一個勁中堅後打得幾好，有時合理收購可能真係需要。
多謝各位不吝賜評，一like一支持，多承指教：
https://www.facebook.com/chelsea.gor.sk