拉美利斯 同 簡迪？淺論「逗後」
其實係有次，筆者咁岩諗到，車路士近兩代7號係幾似，唔知諸位有無同感，但筆者確實咁諗。同係黑皮膚，中場中路但身披7號，速度高體能好，身型唔高但勤力有嘉。不過兩位作用上，拉美利斯(Ramires)就唔夠簡迪(Kante)咁好。
兩者分別在於邊度呢？就係筆者今日想講既：逗後。筆者曾經係踢比賽既時候，雖然筆者慣常打既位置係翼鋒，但當時客串了閘位。由於筆者怕失位過多，一直壓制自己進攻既欲望，keep住逗後，偶爾助攻後都儘快回防，最終幸保球隊贏波。逗後其實係知易行難既一樣野，但筆者所見，唔少朋友雖然有人係打中堅、閘位，但普遍進攻意識都強於防守，只有一個係因為純粹中意防守既感覺先踢波；而進攻欲望極強既筆者，如非上述提到個次比賽淆底，係完全唔明點先可以keep到逗後。
逗後，其實對防守上好重要，因為你就算打逼搶，隊友標甩波，都有你包位，而且你逗後，往往有多d時間睇清楚個局勢，如果你大局觀好，更可以反守為攻。簡迪比拉美利斯好，就係在於逗後d。拉美利斯唔知係咪巴西人始終中意攻，始終都係上前多，好似上季同今季初既馬迪(Matic)(資料本源：筆者感覺，sor)；而簡迪就安份好多，偶爾上前都真係有效，亦好快回防，多數都肯逗後，而且路數好好、截擊好強。就算你防守功夫唔好，你學卡希爾(G.Cahill)呢d英式中堅打法，曾經打得差，都打到而家呢隊車路士既正選，好過學史東斯(Stones)下下上腳上前，係曼城都唔知打乜。
其實筆者不過偶有所感，落筆同諸位討個論。車路士都就黎開波，筆者睇波先了，又有野諗到，再同各位分享一二。
多謝各位不吝賜評，一like一支持，多承指教：
https://www.facebook.com/chelsea.gor.sk
兩者分別在於邊度呢？就係筆者今日想講既：逗後。筆者曾經係踢比賽既時候，雖然筆者慣常打既位置係翼鋒，但當時客串了閘位。由於筆者怕失位過多，一直壓制自己進攻既欲望，keep住逗後，偶爾助攻後都儘快回防，最終幸保球隊贏波。逗後其實係知易行難既一樣野，但筆者所見，唔少朋友雖然有人係打中堅、閘位，但普遍進攻意識都強於防守，只有一個係因為純粹中意防守既感覺先踢波；而進攻欲望極強既筆者，如非上述提到個次比賽淆底，係完全唔明點先可以keep到逗後。
逗後，其實對防守上好重要，因為你就算打逼搶，隊友標甩波，都有你包位，而且你逗後，往往有多d時間睇清楚個局勢，如果你大局觀好，更可以反守為攻。簡迪比拉美利斯好，就係在於逗後d。拉美利斯唔知係咪巴西人始終中意攻，始終都係上前多，好似上季同今季初既馬迪(Matic)(資料本源：筆者感覺，sor)；而簡迪就安份好多，偶爾上前都真係有效，亦好快回防，多數都肯逗後，而且路數好好、截擊好強。就算你防守功夫唔好，你學卡希爾(G.Cahill)呢d英式中堅打法，曾經打得差，都打到而家呢隊車路士既正選，好過學史東斯(Stones)下下上腳上前，係曼城都唔知打乜。
其實筆者不過偶有所感，落筆同諸位討個論。車路士都就黎開波，筆者睇波先了，又有野諗到，再同各位分享一二。
多謝各位不吝賜評，一like一支持，多承指教：
https://www.facebook.com/chelsea.gor.sk