淺論車路士近況
由於今日下午先有時間睇返場波，所以都要而家先至寫到少少睇法。其實車路士既近況真係非常唔錯，對戰術既執行性非常高，以球員既鬥志同專注度都冇咩大問題，單線作戰對於球員既體能同埋預防傷病都好有好處。
睇返尋晚果場波，其實近排用法比加斯(Fabregas)打中場中其實效果唔錯，因為一早都有唔少意見認為應該出法比加強創造力，因為馬迪(Matic)加簡迪(Kante)防守性太強，如果係強強對壘效果故之然好，因為會加強中場防守既穩定性，但係犧牲既就係組織能力，因為兩人都冇派牌既能力，如果前場三子缺乏進攻既板斧，容易造成球隊啞火。而家咁樣至少前面夏薩特(Hazard)扭唔入去，中場都有一個人可以嘗試用長傳配合兩個翼衛創造進攻既空間。
咁當然難得既事法比加斯呢一名技術型既中場，喺對球隊呢個放手要求咁高既戰術之中，佢都好努力去執行佢既角色，咁樣球隊先至可以打得好，因為而家既戰術好講求成個團隊既配合，所以打出嚟既效果先至會咁好。就係因為咁，所以而家其實有越來越大既呼聲，指車路士好有機會影到英超冠軍。好似今場，其實韋斯咸先係打得好個一隊，蘭仙尼(Lazzini)、基士維(Cresswell)、辛洛加斯(Snodgrass)都打得幾好，如果唔係卡路爾(A. Caroll)早段頂傷鼻有d就住黎打，應該會製造更多麻煩。當然，車路士前場既配合同反擊既把握力，絕對係高質素，係最強既一環。
呢隊車路士其實依然有一d位需要去改善，但因為而家打既係度氣，全對好齊心協力、專注集中去打，如果你講戰術上其實依然有不足既地方，但係因為嗰度氣，而且都有唔少有利既條件，例如其他強隊有唔同程度既問題、冇傷病亦都冇歐聯既負擔，情況其實有少少似上季既李斯特城，不過車路士既人腳更加具質素，領隊設立既戰術深度亦都更高。不過去到下一季，點樣去維持返呢一種高歌猛進既氣勢，就一定要去改善返d弱點，同埋留意番點樣係d有利條件不足既情況之下，扭轉返不利的局面。
首先，後防上缺乏一個後場指揮官提場，已經係對住真正強隊既時候一個好大既弱點，頂尖既進攻球員一定會利用呢一點去進攻；另外，好似今場尾段一樣，用蘇馬(Zouma)打右中堅，艾斯派古達(Azpilicueta)打右翼衛，呢一個排陣明顯未適應，要留意新人對呢個打法既融入速度。但相對而言，呢個排位對於右路既防守，尤其是高空防守或者右路既截擊、防傳中等方面既問題都較有好處。
仲有，呢一點干地(Conte)應該都喺度預備緊，就係板凳深度既問題，夏季應該都一定需要買人，因為要將球隊發揮既實力昇華，提拔小將係唔足夠既，但係干地都有預備俾一d小將準備上一隊，久唔久出一出，加快佢哋融入球隊既進度，下季既時候就可以作為後備力量，配合埋新買既球員，咁樣球員既質、量都可以足夠應付多條戰線，加上將帥都有經驗，咁就唔驚會重蹈上季李斯特城既覆轍。
以上其實係啱啱睇完場波，加上對於近期同朋友講波、或者聽及一d球評家既意見得出來的諗法，大家可以隨便討論下啦都。
多謝各位不吝賜評，一like一支持，多承指教：
https://www.facebook.com/chelsea.gor.sk
睇返尋晚果場波，其實近排用法比加斯(Fabregas)打中場中其實效果唔錯，因為一早都有唔少意見認為應該出法比加強創造力，因為馬迪(Matic)加簡迪(Kante)防守性太強，如果係強強對壘效果故之然好，因為會加強中場防守既穩定性，但係犧牲既就係組織能力，因為兩人都冇派牌既能力，如果前場三子缺乏進攻既板斧，容易造成球隊啞火。而家咁樣至少前面夏薩特(Hazard)扭唔入去，中場都有一個人可以嘗試用長傳配合兩個翼衛創造進攻既空間。
咁當然難得既事法比加斯呢一名技術型既中場，喺對球隊呢個放手要求咁高既戰術之中，佢都好努力去執行佢既角色，咁樣球隊先至可以打得好，因為而家既戰術好講求成個團隊既配合，所以打出嚟既效果先至會咁好。就係因為咁，所以而家其實有越來越大既呼聲，指車路士好有機會影到英超冠軍。好似今場，其實韋斯咸先係打得好個一隊，蘭仙尼(Lazzini)、基士維(Cresswell)、辛洛加斯(Snodgrass)都打得幾好，如果唔係卡路爾(A. Caroll)早段頂傷鼻有d就住黎打，應該會製造更多麻煩。當然，車路士前場既配合同反擊既把握力，絕對係高質素，係最強既一環。
呢隊車路士其實依然有一d位需要去改善，但因為而家打既係度氣，全對好齊心協力、專注集中去打，如果你講戰術上其實依然有不足既地方，但係因為嗰度氣，而且都有唔少有利既條件，例如其他強隊有唔同程度既問題、冇傷病亦都冇歐聯既負擔，情況其實有少少似上季既李斯特城，不過車路士既人腳更加具質素，領隊設立既戰術深度亦都更高。不過去到下一季，點樣去維持返呢一種高歌猛進既氣勢，就一定要去改善返d弱點，同埋留意番點樣係d有利條件不足既情況之下，扭轉返不利的局面。
首先，後防上缺乏一個後場指揮官提場，已經係對住真正強隊既時候一個好大既弱點，頂尖既進攻球員一定會利用呢一點去進攻；另外，好似今場尾段一樣，用蘇馬(Zouma)打右中堅，艾斯派古達(Azpilicueta)打右翼衛，呢一個排陣明顯未適應，要留意新人對呢個打法既融入速度。但相對而言，呢個排位對於右路既防守，尤其是高空防守或者右路既截擊、防傳中等方面既問題都較有好處。
仲有，呢一點干地(Conte)應該都喺度預備緊，就係板凳深度既問題，夏季應該都一定需要買人，因為要將球隊發揮既實力昇華，提拔小將係唔足夠既，但係干地都有預備俾一d小將準備上一隊，久唔久出一出，加快佢哋融入球隊既進度，下季既時候就可以作為後備力量，配合埋新買既球員，咁樣球員既質、量都可以足夠應付多條戰線，加上將帥都有經驗，咁就唔驚會重蹈上季李斯特城既覆轍。
以上其實係啱啱睇完場波，加上對於近期同朋友講波、或者聽及一d球評家既意見得出來的諗法，大家可以隨便討論下啦都。
多謝各位不吝賜評，一like一支持，多承指教：
https://www.facebook.com/chelsea.gor.sk