破門乏力，又變陣無門？
其實筆者想講既有兩隊，近兩日筆者睇左兩場，分別係西甲華倫西亞對希杭，及利物浦對般尼，無錯我就係想講華倫同利記。不過筆者想睇既其實分別都係對面隊，希杭係筆者玩「一球成名」效力過，般尼則係筆者Football Manager帶領過升班。
講遠左。其實華倫同利記既情況不盡相同，但睇呢兩場，都感到呢兩隊都係進攻上有唔同程度既無力。兩隊都係控球尋找空間，雖然華倫斷纜情況較多，但兩隊搓極唔入，最終被搶斷反擊得手，情況都較相近。雙方組織型既柏利祖(Parejo)、古天奴(Coutinho)一人之力又有限，於是華倫只有盡量利用薩沙(Zaza)既支點能力同衝刺，利記就惟有卡拉雲(Klavan)傳去安利簡(Emre Can)，再分邊占士米拿(J. Milner)，傳返去韋拿杜姆(Wijnaldum)，再回傳卡拉雲睇下斬唔到俾文尼(Mane)殺入去。
然而，兩隊係久攻不下，或者直頭無乜得攻既情況下，欠乏plan B。當時華倫一度因為薩沙受制於對方既巴賓(Babin)，門將古拿(Cuellar)救左柏利祖球12碼又上哂身，薩沙其實無乜甜頭，但華倫又無乜破門良方，加耶(Gaya)惟有頻頻係左路斬入去試下。好彩最後收起文加拉(Mangala)打多個翼鋒，掠返一球和波攞返一分，但明顯以華倫人腳對住希杭呢啲中下游球隊係唔合格，難怪排名不濟。
而利物浦係高普(Klopp)入主後精神面貌改善，又無華倫咁唔掂，體力化既逼搶踢法，對住控波多既球隊，尤其強隊居多，係比較著數。不過利記做羅賓漢既原因，係對踢防守縮後戰術既中下游球隊缺乏進攻板斧，佢地既問題在於plan B。對龜縮型既球隊，通係用快速轉邊拉位，再斬入去禁區內既控球支點進攻、或者拉完位係中路遠射。利記係對般尼呢場入兩球正正係咁，不過，利物浦並非可以每次如此，韋拿杜姆第一球撈到係搏盡同有少少運，安利簡球遠射亦有多少福至心靈，因為佢攞波個下唔算好順好舒服。不過前場中，文尼、奧歷治(Origi)都並非擅頂之人，對方中堅既制空力弱過佢地既恐怕唔多，較擅頂既史杜列治(Sturridge)又傷多過踢，作用有限。
堅持或者係好事，有原則既人係呢個年代買少見少，但靈活變通，吸納下意見改進下，未始唔係一件好事，唔代表無原則無風格既。當然，以上不過筆者旁觀所見，真正領隊所面對既問題唔係我地外人所能見，不過討論一二者。大家又咩睇法又不妨講下～
多謝各位不吝賜評，一like一支持，多承指教：
https://www.facebook.com/chelsea.gor.sk
講遠左。其實華倫同利記既情況不盡相同，但睇呢兩場，都感到呢兩隊都係進攻上有唔同程度既無力。兩隊都係控球尋找空間，雖然華倫斷纜情況較多，但兩隊搓極唔入，最終被搶斷反擊得手，情況都較相近。雙方組織型既柏利祖(Parejo)、古天奴(Coutinho)一人之力又有限，於是華倫只有盡量利用薩沙(Zaza)既支點能力同衝刺，利記就惟有卡拉雲(Klavan)傳去安利簡(Emre Can)，再分邊占士米拿(J. Milner)，傳返去韋拿杜姆(Wijnaldum)，再回傳卡拉雲睇下斬唔到俾文尼(Mane)殺入去。
然而，兩隊係久攻不下，或者直頭無乜得攻既情況下，欠乏plan B。當時華倫一度因為薩沙受制於對方既巴賓(Babin)，門將古拿(Cuellar)救左柏利祖球12碼又上哂身，薩沙其實無乜甜頭，但華倫又無乜破門良方，加耶(Gaya)惟有頻頻係左路斬入去試下。好彩最後收起文加拉(Mangala)打多個翼鋒，掠返一球和波攞返一分，但明顯以華倫人腳對住希杭呢啲中下游球隊係唔合格，難怪排名不濟。
而利物浦係高普(Klopp)入主後精神面貌改善，又無華倫咁唔掂，體力化既逼搶踢法，對住控波多既球隊，尤其強隊居多，係比較著數。不過利記做羅賓漢既原因，係對踢防守縮後戰術既中下游球隊缺乏進攻板斧，佢地既問題在於plan B。對龜縮型既球隊，通係用快速轉邊拉位，再斬入去禁區內既控球支點進攻、或者拉完位係中路遠射。利記係對般尼呢場入兩球正正係咁，不過，利物浦並非可以每次如此，韋拿杜姆第一球撈到係搏盡同有少少運，安利簡球遠射亦有多少福至心靈，因為佢攞波個下唔算好順好舒服。不過前場中，文尼、奧歷治(Origi)都並非擅頂之人，對方中堅既制空力弱過佢地既恐怕唔多，較擅頂既史杜列治(Sturridge)又傷多過踢，作用有限。
堅持或者係好事，有原則既人係呢個年代買少見少，但靈活變通，吸納下意見改進下，未始唔係一件好事，唔代表無原則無風格既。當然，以上不過筆者旁觀所見，真正領隊所面對既問題唔係我地外人所能見，不過討論一二者。大家又咩睇法又不妨講下～
多謝各位不吝賜評，一like一支持，多承指教：
https://www.facebook.com/chelsea.gor.sk