淺輪中場中路位置
其實筆者想談此題已久，但因工作問題未能下筆。今次筆者都係主要講返車仔，順手講一講下中場中路既睇法。不過筆者利申上兩仗巴塞賽事均未能欣賞，而落筆者時車路士對愛華頓既賽事亦未完結，如有錯誤請包涵，純屬討論，因筆者上篇文章因主觀感情激切而失言，盡量留意一二。
今季車路士轉陣3-4-3後，中場中路位置主要都係馬迪(Matic)配簡迪(Kante)，呢對組合防守性高，攔截及跑動都足夠，不過向前能力略差，雖然簡迪持續係反搶後，傳送既判斷上一直進步，但始終係防守型球員，不及組織型中場。呢個組合其實筆者諗起當年車路士出馬迪配大衛雷斯(David Luiz)既雙防中組合，中場破壞力極強。反觀其實其他球隊既中場中，較少出如此穩陣既雙防守型組合，多數有配搭其他類型，例如曼聯會有普巴(Pogba)、皇馬有卻奧斯(Kroos)或摩迪(Modric)當中至少一個、巴塞更加較常只有巴斯基斯(Busquest)一人防守性高，最多阿仙奴既沙加(Xhaka)配藍斯(Ramsey)、曼城既費蘭甸奴(Fernandinho)配耶耶托尼(Yaya Toure)時防守性比較強。
到2017年後法比加斯(Fabregas)更多時間上陣，配合簡迪既掃蕩下，佢既派牌能力加強左中前場既連接。因為車路士既陣式上，由於無進攻中場，需要夏薩特(Hazard)回後或靠翼衛帶個波上去，被人切斷聯繫就造成進攻不暢，而對熱刺時正正被人針對如邊路既問題。不過好多時都會出現呢類中場中既配搭，一兩個派牌、一個掃蕩，正如近期車路士又轉近3-5-2或叫3-4-1-2，就算加強中場防守，多返個向前派牌就好好多。中場中路既排位，依筆者愚見，需要有攻有守，先有所謂既控制力or壓場既能力。車路士有時輸既波，除左馬迪無態、表現患得患失之外，攻力不足都係問題。有時有多一人作傳控，雖然犧牲防守能力，但可能反而令對手有所顧忌反攻既能力。
而巴塞，其實筆者想提一提係，正如車路士既3-4-3一般，中前場有時連接不足，並非球員問題，係戰術問題。恩尼斯達(Iniesta)技術無得頂，但近期上少左，主要靠前場無敵MSN三人搞掂，不過由於MSN chur太行，威力稍降後，中前場連接不足就出現問題，尤其新援安達高美斯(Andre Gomes)表現唔算好，美斯(Messi)多左返後，雖然佢組織傳送力都強，但佢係前線既頂級埋門能力就會浪費，無左MSN三人順暢同捉唔到邊個起腳既壓迫感。所以有時傳巴塞買古天奴(Coutinho)或艾歷臣(Eriksen)都屬合理，因為中場中路三人都少左上前，改以長傳俾MSN發揮，一旦對手後防攔截力好d，切斷傳送，就易瀨野，尤其巴塞本應中場屈人機。
車路士試3-5-2除左可能為下季既收購or變陣鋪路外，都可能因為想加強返中前場既連接，加強進攻套路，否則如巴塞般，靠前場單打獨鬥，若然其中一人缺陣、或前線球員體能下降，都可能打擊球隊戰力。且看今日車路士中表現又如何，有機會再發文討論。
多謝各位不吝賜評，一like一支持，多承指教：
https://www.facebook.com/chelsea.gor.sk
今季車路士轉陣3-4-3後，中場中路位置主要都係馬迪(Matic)配簡迪(Kante)，呢對組合防守性高，攔截及跑動都足夠，不過向前能力略差，雖然簡迪持續係反搶後，傳送既判斷上一直進步，但始終係防守型球員，不及組織型中場。呢個組合其實筆者諗起當年車路士出馬迪配大衛雷斯(David Luiz)既雙防中組合，中場破壞力極強。反觀其實其他球隊既中場中，較少出如此穩陣既雙防守型組合，多數有配搭其他類型，例如曼聯會有普巴(Pogba)、皇馬有卻奧斯(Kroos)或摩迪(Modric)當中至少一個、巴塞更加較常只有巴斯基斯(Busquest)一人防守性高，最多阿仙奴既沙加(Xhaka)配藍斯(Ramsey)、曼城既費蘭甸奴(Fernandinho)配耶耶托尼(Yaya Toure)時防守性比較強。
到2017年後法比加斯(Fabregas)更多時間上陣，配合簡迪既掃蕩下，佢既派牌能力加強左中前場既連接。因為車路士既陣式上，由於無進攻中場，需要夏薩特(Hazard)回後或靠翼衛帶個波上去，被人切斷聯繫就造成進攻不暢，而對熱刺時正正被人針對如邊路既問題。不過好多時都會出現呢類中場中既配搭，一兩個派牌、一個掃蕩，正如近期車路士又轉近3-5-2或叫3-4-1-2，就算加強中場防守，多返個向前派牌就好好多。中場中路既排位，依筆者愚見，需要有攻有守，先有所謂既控制力or壓場既能力。車路士有時輸既波，除左馬迪無態、表現患得患失之外，攻力不足都係問題。有時有多一人作傳控，雖然犧牲防守能力，但可能反而令對手有所顧忌反攻既能力。
而巴塞，其實筆者想提一提係，正如車路士既3-4-3一般，中前場有時連接不足，並非球員問題，係戰術問題。恩尼斯達(Iniesta)技術無得頂，但近期上少左，主要靠前場無敵MSN三人搞掂，不過由於MSN chur太行，威力稍降後，中前場連接不足就出現問題，尤其新援安達高美斯(Andre Gomes)表現唔算好，美斯(Messi)多左返後，雖然佢組織傳送力都強，但佢係前線既頂級埋門能力就會浪費，無左MSN三人順暢同捉唔到邊個起腳既壓迫感。所以有時傳巴塞買古天奴(Coutinho)或艾歷臣(Eriksen)都屬合理，因為中場中路三人都少左上前，改以長傳俾MSN發揮，一旦對手後防攔截力好d，切斷傳送，就易瀨野，尤其巴塞本應中場屈人機。
車路士試3-5-2除左可能為下季既收購or變陣鋪路外，都可能因為想加強返中前場既連接，加強進攻套路，否則如巴塞般，靠前場單打獨鬥，若然其中一人缺陣、或前線球員體能下降，都可能打擊球隊戰力。且看今日車路士中表現又如何，有機會再發文討論。
多謝各位不吝賜評，一like一支持，多承指教：
https://www.facebook.com/chelsea.gor.sk