淺論車路士簽魯迪加
車路士已經接近完成簽入魯迪加(Rudiger)，只欠體測(截至執筆時)。佢係一名德國球員，司職中堅，因為而家三中堅，加上各有特點同弱點，又要多線作戰，雖然留用基斯甸臣(Christensen)機會甚大，但補充兵源應屬合理。
筆者又講下點睇呢單，首先買中堅係筆者愚見，認為係急需既一部分，除左雷斯(David Luiz)問題不大外，相信如果有幸各位看倌有啲印象，筆者其實對卡希爾(Cahill)幾多微言，因為慢、同傳統英式球員腳下功夫唔夠，雖然打法各有千秋，但佢唔算打得十分好，而艾斯派古達(Azpilicueta)又唔夠制空力，筆者始終認為比較適合邊路。而魯迪加有六呎三，夠高，足夠補充制空力，例如熱刺個場相信唔會被人針呢點。
另外作為德國球員，相信佢既紀律性都高，而且心理質素較穩定，比較適合干地(Conte)用。佢打右閘都得，相信有一定既機動性，加強返後場補位同活，但因為我地邊路打翼衛，應該用不著佢打閘位，但打右中堅應該適合，又可解放Azp返邊路。
不過，佢雖然應有速度同防守性，合適打我地既後防打法，但佢既對抗性未知可否順利適應英超，要知道英超節奏同對抗性向來係最大挑戰，雖然近年有唔少球隊轉型，前場有唔少技術型球員適應到打法，但後衛並唔同，防守點都要一定身位食到人。佢加盟應該會佔到後防一席中堅位，但當然睇熱身賽同季初表現，可唔可以順利融入球隊或者英超。
多謝各位不吝賜評，一like一支持，多承指教：
https://www.facebook.com/chelsea.gor.sk
筆者又講下點睇呢單，首先買中堅係筆者愚見，認為係急需既一部分，除左雷斯(David Luiz)問題不大外，相信如果有幸各位看倌有啲印象，筆者其實對卡希爾(Cahill)幾多微言，因為慢、同傳統英式球員腳下功夫唔夠，雖然打法各有千秋，但佢唔算打得十分好，而艾斯派古達(Azpilicueta)又唔夠制空力，筆者始終認為比較適合邊路。而魯迪加有六呎三，夠高，足夠補充制空力，例如熱刺個場相信唔會被人針呢點。
另外作為德國球員，相信佢既紀律性都高，而且心理質素較穩定，比較適合干地(Conte)用。佢打右閘都得，相信有一定既機動性，加強返後場補位同活，但因為我地邊路打翼衛，應該用不著佢打閘位，但打右中堅應該適合，又可解放Azp返邊路。
不過，佢雖然應有速度同防守性，合適打我地既後防打法，但佢既對抗性未知可否順利適應英超，要知道英超節奏同對抗性向來係最大挑戰，雖然近年有唔少球隊轉型，前場有唔少技術型球員適應到打法，但後衛並唔同，防守點都要一定身位食到人。佢加盟應該會佔到後防一席中堅位，但當然睇熱身賽同季初表現，可唔可以順利融入球隊或者英超。
多謝各位不吝賜評，一like一支持，多承指教：
https://www.facebook.com/chelsea.gor.sk