終於得閒睇波：淺論車路士對拜仁
筆者終於都有時間睇波，咁岩有得睇車路士對拜仁呢場國際冠軍盃比賽。雖然熱身賽性質，但其實陣容都唔錯，車路士都有一定主力出場打正選，對住歐洲一線強隊，都係練兵既好機會。
好老實，對筆者而言，其實呢隊車路士對國內球隊表現無乜問題，但其實仍有一定弱點，而對住歐洲既強隊都容易暴露出黎。好似今場咁，上半場一度落後三球之多，對住拜仁呢隊控球能力強既球隊，慣性防守反擊既打法，而缺乏足夠壓迫，令對方都多空間做波。加上今仗三後衛之中，居中既中堅由小將基斯甸臣(Christensen)擔任，雖然作為逐漸將潛能變浮能既小將，但始終對強隊、亦係少同隊友夾，表現難免未到最好。但相信俾時間佢會有更好既發揮，而希望今季睇得到呢樣野。
另外，其實摩西斯(Moses)打翼衛表現可人，但佢始終翼鋒出身，筆者其實亦提及過佢防守方面比真正防守球員仲有不足，而且今場打得越耐，佢技術方面既不足對比對方既技術型球員越放越大。佢速度飛快而體能充沛，係佢既優點，但技術同防守功夫既不足都限制左佢既發揮。車路士據聞仲會出手買人，希望增強返翼衛人腳，提升質素或加強深度都要，始終車路士雖然放走唔少潛質小將，但都有唔少因為不甘做輪換、希望擔任主力，亦無謂強留，只希望快啲收購返合適而足夠既人腳。
另外巴舒亞伊(Batshuayi)雖然今仗證明自己既鬥心不比對面既占士洛迪古斯(James Rodriguez)差，但略嫌太急躁獨食，有幾腳理應傳優於射，都急急起腳浪費機會，幸而最後都射入2:3一球。反觀莫拉達(Morata)時間有限，但表現都對板，有啲過人睇下，都叫有頭槌跣後俾亞伊射入追近比數。
兩日後車路士又有比賽，如果問筆者，希望可以睇下柏沙歷(Pasalic)、莫拉達正選既表現，以及如果唔出摩西斯、改以艾斯派古達(Azpilicueta)打右翼衛既效果如何。
多謝各位不吝賜評，一like一支持，多承指教：
https://www.facebook.com/chelsea.gor.sk
好老實，對筆者而言，其實呢隊車路士對國內球隊表現無乜問題，但其實仍有一定弱點，而對住歐洲既強隊都容易暴露出黎。好似今場咁，上半場一度落後三球之多，對住拜仁呢隊控球能力強既球隊，慣性防守反擊既打法，而缺乏足夠壓迫，令對方都多空間做波。加上今仗三後衛之中，居中既中堅由小將基斯甸臣(Christensen)擔任，雖然作為逐漸將潛能變浮能既小將，但始終對強隊、亦係少同隊友夾，表現難免未到最好。但相信俾時間佢會有更好既發揮，而希望今季睇得到呢樣野。
另外，其實摩西斯(Moses)打翼衛表現可人，但佢始終翼鋒出身，筆者其實亦提及過佢防守方面比真正防守球員仲有不足，而且今場打得越耐，佢技術方面既不足對比對方既技術型球員越放越大。佢速度飛快而體能充沛，係佢既優點，但技術同防守功夫既不足都限制左佢既發揮。車路士據聞仲會出手買人，希望增強返翼衛人腳，提升質素或加強深度都要，始終車路士雖然放走唔少潛質小將，但都有唔少因為不甘做輪換、希望擔任主力，亦無謂強留，只希望快啲收購返合適而足夠既人腳。
另外巴舒亞伊(Batshuayi)雖然今仗證明自己既鬥心不比對面既占士洛迪古斯(James Rodriguez)差，但略嫌太急躁獨食，有幾腳理應傳優於射，都急急起腳浪費機會，幸而最後都射入2:3一球。反觀莫拉達(Morata)時間有限，但表現都對板，有啲過人睇下，都叫有頭槌跣後俾亞伊射入追近比數。
兩日後車路士又有比賽，如果問筆者，希望可以睇下柏沙歷(Pasalic)、莫拉達正選既表現，以及如果唔出摩西斯、改以艾斯派古達(Azpilicueta)打右翼衛既效果如何。
多謝各位不吝賜評，一like一支持，多承指教：
https://www.facebook.com/chelsea.gor.sk