[呢季有乜睇頭] 英超篇
講完車路士，都講下英超啦，始終香港人，接觸得最多都係英超(應該)。英超今季都出現唔少買賣，除左車路士唔知做乜之、同曼城好似無乜理中堅位置外，其他球隊既收購工作都對板，尤其曼聯重金收購盧卡古(Lukaku)矢志改進攻力等工作，其實除左貴左d外都做得幾好。
首先梗係講下曼聯嘅表現走到幾遠呢？其實曼聯上季夾落，明顯有幾點問題，主要係前場要依賴伊巴謙莫域(Ibrahimovich)等進攻球員既個人質素，但組織上未有足夠表現，而普巴(Pogba)既覆蓋範圍大，要兼顧防務下影響佢既表現；防線上左閘似乎未有穩定人選，中堅人選似乎都有提升空間。而今個轉會窗so far曼聯買既人都對症，馬迪(Matic)應該可以處理到中場大部分防守工作，加上靴里拉(Herrera)既掃蕩能力有提升，應該可以令普巴有多d精力投放係進攻，而連迪洛夫(Lindelof)亦有能力提供多個中堅選擇。盧卡古雖然買得貴，但佢既踢法幾岩摩連奴(Mourinho)踢法，步大力雄又有一定把握力，不過佢始終較少跑動，對摩佬防守足球中既逼搶會有一定影響，最要睇就係佢打法同摩佬兩個點配合，否則解決唔到又係靠馬迪爾(Martial)呢d一個扭入去。
至於曼城睇落問題不大，但睇到上季史東斯(Stones)既驚人表現後，好似無乜理中堅位置，球季打起上嚟會點？如果以閘位而言，相信文迪(Mendy)、獲加(Walker)等來投後加強左速度同活力，而捷西斯(Jesus)慢慢入局、而貝拿度(Bernardo)融入到之後，相信有得提升返表現，不過中堅扼守防線中路既核心地帶，只有文加拉(Mangala)等外借兵歸隊，未必有機會有幾多進步睇到。
而利物浦既收購工作其實都對辦，簽入沙拿(Salah)後進一步確立速度型打法，加上多左個歐洲金童蘇蘭基(Solanke)，睇佢熱身賽表現唔錯，應該交到功課，轉會上都做得幾好，但開季後有冇能力打到理想中嘅快速足球？咁好睇高普功力，同埋最大重點係到底利記可唔可以成功留到古天奴(Coutinho)呢位核心，因為其實利記打法比較整體，無一位可以一人搞掂撐場隊波既球星，而古天奴係最接近呢個級數同能力既球員，留住佢與否好影響成績。另外上季睇到比較大既一點係費明奴(Firmino)較多等古天奴黎俾，而非傳予其他隊友，雖然二人同為巴西球員，較信任對方實屬正常，但筆者都提及利記打法較整體，都係減少呢個情況為妙。最後當然要睇下新左閘羅拔臣(Robertson)既表現啦，不過，摩蘭奴(Moreno)都有復甦跡象，都要睇睇係咪虛火啦。
至於其他球隊當然有其亮點啦，到底聖徒會唔會又被拆骨而又依然打得好好？紐卡素有賓尼迪斯(Benitez)加持，會唔會如預期成功護級？但筆者自問認識唔深，無謂夾硬講咁多，就講到呢度先。
多謝各位不吝賜評，一like一支持，多承指教：
https://www.facebook.com/chelsea.gor.sk
首先梗係講下曼聯嘅表現走到幾遠呢？其實曼聯上季夾落，明顯有幾點問題，主要係前場要依賴伊巴謙莫域(Ibrahimovich)等進攻球員既個人質素，但組織上未有足夠表現，而普巴(Pogba)既覆蓋範圍大，要兼顧防務下影響佢既表現；防線上左閘似乎未有穩定人選，中堅人選似乎都有提升空間。而今個轉會窗so far曼聯買既人都對症，馬迪(Matic)應該可以處理到中場大部分防守工作，加上靴里拉(Herrera)既掃蕩能力有提升，應該可以令普巴有多d精力投放係進攻，而連迪洛夫(Lindelof)亦有能力提供多個中堅選擇。盧卡古雖然買得貴，但佢既踢法幾岩摩連奴(Mourinho)踢法，步大力雄又有一定把握力，不過佢始終較少跑動，對摩佬防守足球中既逼搶會有一定影響，最要睇就係佢打法同摩佬兩個點配合，否則解決唔到又係靠馬迪爾(Martial)呢d一個扭入去。
至於曼城睇落問題不大，但睇到上季史東斯(Stones)既驚人表現後，好似無乜理中堅位置，球季打起上嚟會點？如果以閘位而言，相信文迪(Mendy)、獲加(Walker)等來投後加強左速度同活力，而捷西斯(Jesus)慢慢入局、而貝拿度(Bernardo)融入到之後，相信有得提升返表現，不過中堅扼守防線中路既核心地帶，只有文加拉(Mangala)等外借兵歸隊，未必有機會有幾多進步睇到。
而利物浦既收購工作其實都對辦，簽入沙拿(Salah)後進一步確立速度型打法，加上多左個歐洲金童蘇蘭基(Solanke)，睇佢熱身賽表現唔錯，應該交到功課，轉會上都做得幾好，但開季後有冇能力打到理想中嘅快速足球？咁好睇高普功力，同埋最大重點係到底利記可唔可以成功留到古天奴(Coutinho)呢位核心，因為其實利記打法比較整體，無一位可以一人搞掂撐場隊波既球星，而古天奴係最接近呢個級數同能力既球員，留住佢與否好影響成績。另外上季睇到比較大既一點係費明奴(Firmino)較多等古天奴黎俾，而非傳予其他隊友，雖然二人同為巴西球員，較信任對方實屬正常，但筆者都提及利記打法較整體，都係減少呢個情況為妙。最後當然要睇下新左閘羅拔臣(Robertson)既表現啦，不過，摩蘭奴(Moreno)都有復甦跡象，都要睇睇係咪虛火啦。
至於其他球隊當然有其亮點啦，到底聖徒會唔會又被拆骨而又依然打得好好？紐卡素有賓尼迪斯(Benitez)加持，會唔會如預期成功護級？但筆者自問認識唔深，無謂夾硬講咁多，就講到呢度先。
多謝各位不吝賜評，一like一支持，多承指教：
https://www.facebook.com/chelsea.gor.sk