淺論車路士中場
由於事忙及技術問題，久未出文，今日又係咁倚講下對車路士中場問題嘅睇法。當然車路士嘅問題大多集中係攻力上面，明顯見到因為中鋒問題令到進攻能力受影響，已經連和五場，仲要四場係互交白卷。
當然除咗中鋒問題之外，中場亦都有一定問題係協助唔到支援進攻。以中場問題最大嘅地方相信諸君都睇得出，就係巴卡約高(Balayoko)嘅狀態好有問題，已相信佢轉會來頭嘅時候，好多人都冇想像到會有咁嘅問題。由於佢係防守方面未達狀態，但係身體質素依然唔錯，本來干地將佢推前插上拉散對方防線嘅決定，筆者覺得係唔錯，但係球員狀態唔好嘅時候往往臨場決定做得好差，球感、走位亦連帶受影響，係冇辦法幫到戰場進攻球員拉位嘅情況下，中場仲要好似打少一個咁樣，喺車路士現今講求整體嘅戰術底下，自然影響球隊嘅發揮。
係呢個轉會窗，車路士一反常態好快就簽入巴克利(Barkley)，佢雖然始終係英籍，技術冇咁細膩，但係佢嘅推進能力同遠射能力依然會有一定程度嘅幫助。如果干地可以加強佢box to box來回嘅能力，出佢會好過再出巴卡。不過由於干地近期作風比較保守，如果佢唔想咁快出佢，都可以出真禾特(Drinkwater)，雖然佢嘅身體對抗性冇巴卡咁高，但係防守上佢嘅攔截同補位能力都有用，仲要有唔錯嘅傳送能力。
所以如果以筆者嘅睇法，不論係出三中場定係雙中場，除咗簡迪(Kante)之外，其中有一個位可以係守就出真禾特、如果要攻就出巴克利，或者硬朗程度不及，但係如果佢狀態咁差嘅情況之下，寧願咁樣出反而更加對球隊有利。
多謝各位不吝賜評，一like一支持，多承指教：
https://www.facebook.com/chelsea.gor.sk
當然除咗中鋒問題之外，中場亦都有一定問題係協助唔到支援進攻。以中場問題最大嘅地方相信諸君都睇得出，就係巴卡約高(Balayoko)嘅狀態好有問題，已相信佢轉會來頭嘅時候，好多人都冇想像到會有咁嘅問題。由於佢係防守方面未達狀態，但係身體質素依然唔錯，本來干地將佢推前插上拉散對方防線嘅決定，筆者覺得係唔錯，但係球員狀態唔好嘅時候往往臨場決定做得好差，球感、走位亦連帶受影響，係冇辦法幫到戰場進攻球員拉位嘅情況下，中場仲要好似打少一個咁樣，喺車路士現今講求整體嘅戰術底下，自然影響球隊嘅發揮。
係呢個轉會窗，車路士一反常態好快就簽入巴克利(Barkley)，佢雖然始終係英籍，技術冇咁細膩，但係佢嘅推進能力同遠射能力依然會有一定程度嘅幫助。如果干地可以加強佢box to box來回嘅能力，出佢會好過再出巴卡。不過由於干地近期作風比較保守，如果佢唔想咁快出佢，都可以出真禾特(Drinkwater)，雖然佢嘅身體對抗性冇巴卡咁高，但係防守上佢嘅攔截同補位能力都有用，仲要有唔錯嘅傳送能力。
所以如果以筆者嘅睇法，不論係出三中場定係雙中場，除咗簡迪(Kante)之外，其中有一個位可以係守就出真禾特、如果要攻就出巴克利，或者硬朗程度不及，但係如果佢狀態咁差嘅情況之下，寧願咁樣出反而更加對球隊有利。
多謝各位不吝賜評，一like一支持，多承指教：
https://www.facebook.com/chelsea.gor.sk