[淺論世界盃]冰島對阿根廷：一隊人 對 十一個人
筆者今屆得閒睇既第一場波，睇牌面筆者梗係諗住睇冰島熱血足球，防守阿根廷南美風進攻，點知原來兩碼子嘅事。咁踢法，隨時八強止步。今場其中一個好大嘅對比，就係冰島嘅踢法非常整體，而且佢哋體能都好勁，去到最後依然好集中去做好防守，而且仲好肯跑。咁當然唯一比較唔好嘅就係比較多犯規，雖然有啲犯規未至於好粗野，但係動作確實比較多。
而反觀阿根廷，喺組織上相對就鬆散，不論係組織進攻定係防守，缺乏俾人睇到係好整體去配合、合作嘅感覺，前場進攻美斯(Messi)、阿古路(Aguero)、迪馬利亞(Di Maria)雖然都係獨當一面嘅頂級球星，實力非凡，但係俾人感覺係各自為政，而唔係一個三叉戟或者進攻組合，而馬斯查蘭奴(Mascherano)係中場制節奏已經係盡咗力；以防守上聽到旁述同葉鴻輝都有提及嘅就係因為門將羅美路(Romero)受傷，係外圍賽一直夾開嘅人腳有缺口，整體喺默契上比較缺乏，而且今場成隊波走位都唔係好夠勤力，好多時現位補位都好多甩漏，雖然對比冰島高大球員，佢哋唔怕撞又撞得呢一點係好嘅，肯同人硬碰硬，但係配合唔好嘅情況下嘥咗。
其實整體而言 1:1 係合理嘅賽果，不過以阿根廷嘅陣容，係進攻上理應有更好嘅表現，就算唔參考巴塞羅那嘅踢法，至少都要有一定進攻套路去將前場進攻球星糅合。
咁當然，喺美斯射失嗰一球十二碼、同埋尾段罰球未能夠做救世主，唔多唔少令人諗起前一日C朗拿度(C.Ronaldo)到上演帽子戲法救國，雖然筆者對比起美斯更加鍾意C朗，但係中立啲睇我覺得冇得咁比，呢一樣係領隊嘅取捨嘅問題。美斯發揮得冇咁好，主要系因為佢實在係更加全面，喺創造力同埋組織上佢要肩負更大嘅工作，係企位上亦都後好多，咁樣妨礙左佢嘅入球嘅能力，對比C朗可以係前場專心做攻門嘅工作，自然一定失色一啲。射失嗰球十二碼雖然筆者有預感唔會入，但亦無必要質疑，話俾咩阿古路射好啲，其實首席球星射不足為奇(另一編輯按︰其實射12碼勁個個係伊卡迪(Icardi)...)。咁當然，其實美斯踢出嚟俾人嘅感覺，對比C朗都係欠缺左一團火，今場其實唔係好睇到佢指揮隊友等同埋鼓勵隊友嘅畫面，以佢呢個級數嘅球星，如果可以做到呢一點，就算佢有心冇力去一人撐起成隊波，佢會贏得更多應得嘅掌聲。
多謝各位不吝賜評，一like一支持，多承指教：
https://www.facebook.com/chelsea.gor.sk
而反觀阿根廷，喺組織上相對就鬆散，不論係組織進攻定係防守，缺乏俾人睇到係好整體去配合、合作嘅感覺，前場進攻美斯(Messi)、阿古路(Aguero)、迪馬利亞(Di Maria)雖然都係獨當一面嘅頂級球星，實力非凡，但係俾人感覺係各自為政，而唔係一個三叉戟或者進攻組合，而馬斯查蘭奴(Mascherano)係中場制節奏已經係盡咗力；以防守上聽到旁述同葉鴻輝都有提及嘅就係因為門將羅美路(Romero)受傷，係外圍賽一直夾開嘅人腳有缺口，整體喺默契上比較缺乏，而且今場成隊波走位都唔係好夠勤力，好多時現位補位都好多甩漏，雖然對比冰島高大球員，佢哋唔怕撞又撞得呢一點係好嘅，肯同人硬碰硬，但係配合唔好嘅情況下嘥咗。
其實整體而言 1:1 係合理嘅賽果，不過以阿根廷嘅陣容，係進攻上理應有更好嘅表現，就算唔參考巴塞羅那嘅踢法，至少都要有一定進攻套路去將前場進攻球星糅合。
咁當然，喺美斯射失嗰一球十二碼、同埋尾段罰球未能夠做救世主，唔多唔少令人諗起前一日C朗拿度(C.Ronaldo)到上演帽子戲法救國，雖然筆者對比起美斯更加鍾意C朗，但係中立啲睇我覺得冇得咁比，呢一樣係領隊嘅取捨嘅問題。美斯發揮得冇咁好，主要系因為佢實在係更加全面，喺創造力同埋組織上佢要肩負更大嘅工作，係企位上亦都後好多，咁樣妨礙左佢嘅入球嘅能力，對比C朗可以係前場專心做攻門嘅工作，自然一定失色一啲。射失嗰球十二碼雖然筆者有預感唔會入，但亦無必要質疑，話俾咩阿古路射好啲，其實首席球星射不足為奇(另一編輯按︰其實射12碼勁個個係伊卡迪(Icardi)...)。咁當然，其實美斯踢出嚟俾人嘅感覺，對比C朗都係欠缺左一團火，今場其實唔係好睇到佢指揮隊友等同埋鼓勵隊友嘅畫面，以佢呢個級數嘅球星，如果可以做到呢一點，就算佢有心冇力去一人撐起成隊波，佢會贏得更多應得嘅掌聲。
多謝各位不吝賜評，一like一支持，多承指教：
https://www.facebook.com/chelsea.gor.sk