如果車路士要買人
實在好耐無出文，筆者終於有餘裕拎返起枝筆。對比上次出文，車路士經歷不少轉變，但筆者自忖比外間不少文章睇法相去不遠，加上無裕落筆，就偷懶無出文。到近日轉會禁令解除，筆者又想講下如果車路士要買人，又有咩睇法。
其實林柏特(Lampard)回歸執教，無(得)買人下打住「青春風暴」既方針，表現絕對係掂，季初已經有評論話林伯整頓球隊同建立一個套路既工作係做得好。咁做得好就唔好嘥，就算買得人，都唔應該忒意改變方針，何況係季中，筆者預期、亦同意一月買人應貴精不貴多，更難得係打起一眾小將，無必要自毀長城。
首先，有啲位依然係要執，相信左閘位係大家都認同既位。馬高斯阿朗素(Marcos Alonso)出波好、侵略性強、防守都唔差，只不過跑得慢、無速度、唔夠快，令佢侵略性強變做缺點，因為追唔返去，雖然林伯試過搵防中幫手補位去彌補，但中路又會有問題，絕非長計。艾馬臣(Emerson)係快，但攻守其實略有進步空間，如果要打現有打法，就會差咁啲咁。所以可以預期左閘位會買人，捷維爾(Chiwell)係好好既選擇，近年越打越有，速度、攻守能力都好，不過要睇既係李斯特城放唔放，始終季中要人放人都有一定難度。另外一個人選係泰利斯(Telles)，不過好似傳過幾隊，又唔見佢有走。而如果買唔到or唔買，好有機要隊長艾斯派列古達(Azpilicueta)客串下，始終列斯占士(Reece James)打起左，唔好嘥。
至於後防另一個位，就係中堅。雖然湯武利(Tomori)打得唔錯，但魯迪加(Rudiger)傷左，只有基斯甸臣(Christensen)及蘇馬(Zouma)，二人雖然有一定質素同潛力，但臨場表現未能俾人有放心感覺。加上人腳有三個係後生小將，而惟一富經驗既又成日傷，後防位置係近年唔少球隊換血時都證明，缺乏具壓場感既人選、或者無領導人物係好大鑊既事。所以其實車路士都需要買返一個更穩定、提場能力好，或者經驗豐富既人選。有傳係會買返艾基(Ake) ，而無錯佢係好好既人選，好到我完全唔明當初點解回購過一次，又唔用又賣佢一次，俾我係佢真係唔會返，但因為同時曼城都經歷緊中堅荒，有機會要同佢地爭，不同以哥迪奧拿(Guadiola)對球員用波能力既要求，可能無大直接既競爭。而目標上，可能追多次高列巴尼(Koulibaly)、史基利亞(Skriniar)呢啲貴野，或者買啲傳統英式中堅專心做防守都唔係無得諗。
另外就係翼鋒，如果(仲有人)記得筆者之前既文章，其實一路都認為如果韋利安(Willian)係有出價合理就放，車路士既波要求爽快直接，但佢雖然有速度、有落力，但佢真心係拖慢左，臨場決定又唔係特別好，加上佢同柏度(Pedro)都年過三十，都要有人接班，一係放一係後備，而唔好再擔任主力位置。而現時雖然有奧度爾(Hudson-Odoi)同佩利錫(Pulisic)，但要多一個可以做主力帶住佢地係英超打出表現，加上老將其中一個就夠。之前話可能買沙夏(Zaha)，其實係可以考慮，佢係水晶宮表現都真係ok，又有足夠英超經驗，一係狼隊既艾達曼查奧爾(Adama Traore)都係可以考慮，不過林伯應該要多啲再指導下，同訓練好紀律性，再唔係近期都有傳回購保加(Boga)，配合返呢隊青訓都合適。辛祖(Sandro)當然係更好既選擇，但價錢太貴，而且感覺多蒙特唔會放，加上得到足夠上陣機會下，辛祖都未必會貿然轉環境挑戰英超住。
source: alamy.com
至於中場中同中鋒就還好，買人反而無乜必要。中鋒艾巴咸(Abraham) 係打得到水準，就算基奧特(Giroud)真係去國際米蘭，巴舒亞伊(Batshuayi)今季表現都足夠勝任後備輪換人選有餘；而中場有蒙特(Mount)打起，到路夫斯卓克(Loftus-Cheek)復出後加上原有人腳，都好足夠，而且表現都好好，無謂破壞平衡，反為不美。
筆者最理想名單：
捷維爾
艾基
沙夏or保加
當然，真係買，又買到先算。
以上圖片來源：Google、Alamy.com、Daily Express
多謝各位不吝賜評，一like一支持，多承指教：
https://www.facebook.com/chelsea.gor.sk
其實林柏特(Lampard)回歸執教，無(得)買人下打住「青春風暴」既方針，表現絕對係掂，季初已經有評論話林伯整頓球隊同建立一個套路既工作係做得好。咁做得好就唔好嘥，就算買得人，都唔應該忒意改變方針，何況係季中，筆者預期、亦同意一月買人應貴精不貴多，更難得係打起一眾小將，無必要自毀長城。
首先，有啲位依然係要執，相信左閘位係大家都認同既位。馬高斯阿朗素(Marcos Alonso)出波好、侵略性強、防守都唔差，只不過跑得慢、無速度、唔夠快，令佢侵略性強變做缺點，因為追唔返去，雖然林伯試過搵防中幫手補位去彌補，但中路又會有問題，絕非長計。艾馬臣(Emerson)係快，但攻守其實略有進步空間，如果要打現有打法，就會差咁啲咁。所以可以預期左閘位會買人，捷維爾(Chiwell)係好好既選擇，近年越打越有，速度、攻守能力都好，不過要睇既係李斯特城放唔放，始終季中要人放人都有一定難度。另外一個人選係泰利斯(Telles)，不過好似傳過幾隊，又唔見佢有走。而如果買唔到or唔買，好有機要隊長艾斯派列古達(Azpilicueta)客串下，始終列斯占士(Reece James)打起左，唔好嘥。
至於後防另一個位，就係中堅。雖然湯武利(Tomori)打得唔錯，但魯迪加(Rudiger)傷左，只有基斯甸臣(Christensen)及蘇馬(Zouma)，二人雖然有一定質素同潛力，但臨場表現未能俾人有放心感覺。加上人腳有三個係後生小將，而惟一富經驗既又成日傷，後防位置係近年唔少球隊換血時都證明，缺乏具壓場感既人選、或者無領導人物係好大鑊既事。所以其實車路士都需要買返一個更穩定、提場能力好，或者經驗豐富既人選。有傳係會買返艾基(Ake) ，而無錯佢係好好既人選，好到我完全唔明當初點解回購過一次，又唔用又賣佢一次，俾我係佢真係唔會返，但因為同時曼城都經歷緊中堅荒，有機會要同佢地爭，不同以哥迪奧拿(Guadiola)對球員用波能力既要求，可能無大直接既競爭。而目標上，可能追多次高列巴尼(Koulibaly)、史基利亞(Skriniar)呢啲貴野，或者買啲傳統英式中堅專心做防守都唔係無得諗。
另外就係翼鋒，如果(仲有人)記得筆者之前既文章，其實一路都認為如果韋利安(Willian)係有出價合理就放，車路士既波要求爽快直接，但佢雖然有速度、有落力，但佢真心係拖慢左，臨場決定又唔係特別好，加上佢同柏度(Pedro)都年過三十，都要有人接班，一係放一係後備，而唔好再擔任主力位置。而現時雖然有奧度爾(Hudson-Odoi)同佩利錫(Pulisic)，但要多一個可以做主力帶住佢地係英超打出表現，加上老將其中一個就夠。之前話可能買沙夏(Zaha)，其實係可以考慮，佢係水晶宮表現都真係ok，又有足夠英超經驗，一係狼隊既艾達曼查奧爾(Adama Traore)都係可以考慮，不過林伯應該要多啲再指導下，同訓練好紀律性，再唔係近期都有傳回購保加(Boga)，配合返呢隊青訓都合適。辛祖(Sandro)當然係更好既選擇，但價錢太貴，而且感覺多蒙特唔會放，加上得到足夠上陣機會下，辛祖都未必會貿然轉環境挑戰英超住。
source: alamy.com
至於中場中同中鋒就還好，買人反而無乜必要。中鋒艾巴咸(Abraham) 係打得到水準，就算基奧特(Giroud)真係去國際米蘭，巴舒亞伊(Batshuayi)今季表現都足夠勝任後備輪換人選有餘；而中場有蒙特(Mount)打起，到路夫斯卓克(Loftus-Cheek)復出後加上原有人腳，都好足夠，而且表現都好好，無謂破壞平衡，反為不美。
筆者最理想名單：
捷維爾
艾基
沙夏or保加
當然，真係買，又買到先算。
以上圖片來源：Google、Alamy.com、Daily Express
多謝各位不吝賜評，一like一支持，多承指教：
https://www.facebook.com/chelsea.gor.sk