英超第二輪：車路士0－2利物浦 賽後分析

要鬧嘅噚日大家都鬧晒，諗起雙基（基斯甸斯同基柏）都攰喇，咁不如講下啲正面啲嘅嘢。.
講賽前部署，其實林柏特的確有做功課，今場刻意將華拿放做左翼，就係希望針對阿諾回防不及嘅問題；與上季碰頭唔同嘅係，球隊冇瘋狂前場迫搶，反而將中場線同後防線縮窄拉後，其實就係為咗避免被對手長傳快放（即係紅牌嗰球）嘅出現。
.
中場盡出佐真奴、簡迪、高華錫，論中場爭奪同防守能力，絕對可以同利物浦一較高下；而在中後場穩健防守情況下，就只待一次華拿把握一次機會，成功一對一挑戰法賓奴嘗試取得入球。
其實上半場利物浦的攻擊威脅不大，而華拿亦出現不止一次與對方中堅一對一的機會。論賽前部署，其實車仔是成功的。
.
可惜的是，一次極為魯莽個人失誤，就此斷送取勝的機會。
而另一方面，這邊廂Kepa送大禮，那邊廂艾利臣救12碼，這一來一回，正正是早前說過龍門如何影響勝負的關鍵。
.
當然，更重要的是，現在還只是聯賽第二場，捷維爾、泰亞高施華、薛耶治都還未在英超上陣，還有隨時準備官宣的新門將文迪。
不是為落敗找藉口，而是想告訴大家，車仔還有很多值得大家期待。
.
球季還有漫漫長路，而車仔在大肆擴軍後的重建計劃還要更長。
.