簽入古列巴尼、古古利亞後 車仔為何還要追求科芬拿?

車仔今夏有魯迪加、基斯甸臣離隊，而阿朗素亦接近加盟巴塞，因此球隊在後防兵源短缺下先後簽入古列巴尼及古古利亞，但後防增兵的步伐還未停下來，傳聞指車仔出價7000萬鎊求購李斯特城中堅科芬拿被拒，將會在短期內再與對手接洽並提高報價。先看車仔現在後防最強組合:
James--Koulibaly--Silva--Cucurella--Chilwell
估計隨著時間融入球隊，Koulibaly會移到右中堅，而Cucurella則踢左中堅，與Chilwell輪流上前助攻。
而這個後防組合，後備力量亦似乎相當充足：Azp可以踢右翼衛及右中堅，Chalobah可以頂替右中堅，艾馬臣可以作為左中堅及左翼衛的替補，還有路菲斯捷克正開發其右翼衛的位置；一眾正選像James, Cucurella, Chilwell亦是可翼衛同時可擔任一邊中堅。球員的多面性令球隊陣容演化更靈活。
那為什麼車仔仍要追求Fofana呢? 主要原因有二，一是施華的年紀漸大，二是杜曹渴望踢回四後防。

其實四後同三中堅，隨著古古利亞加盟，球隊戰術會變得好靈活：
當Cucu/Chilwell其中一個上前，其實已經自動形成四後；
甚至講緊車仔大部分時間會圍住對手半場踢，本來就只會留2-3個球員，Cucu同Chilwell助攻能力都強，絕對有能力一個拉邊、一個前插入禁區，呢個時候就會形成James移中嘅情況，又係重整三中堅狀態；又，另一套戰術，係James同Chilwell一齊上，而Cucu移中，佢嘅用波能力可以為球隊帶來更強創造力。
所以講三後/四後，其實落到場一個交叉走位已經可以唔同晒。

但這是進攻的套路，那防守又如何呢?
Silva作為老將，當然仍然老而彌堅，但佢嘅體能係一個問題，所以先一直強調要錫住用，同埋點解咁急切要買中堅，因此冇可能仲要佢踢足一季50場正選。
而三中堅同四後比較，哪個對施華更好呢? 雖然上面講到球隊戰術好靈活多變，但到防守時，都仲係要企位咁守，呢個時間三中堅陣式就正好舒緩施華體能上嘅壓力，因為佢嘅角色屬於清道夫，主要係為左右中堅包抄，鮮有正面與對方前鋒交鋒嘅壓力。
反而去到四後衛，只有2個中堅嘅情況下，中堅非但要與前鋒直接交手，更加要為閘位球員補位，面對速度和技術都高嘅翼鋒，呢點就會令施華十分吃力。
施華體能狀態係KEEP得好好，但始終就嚟38歲，呢一刻嘅佢主要係靠經驗同路數防守；喺車仔仲要依賴施華嘅情況下，其實保持三中堅陣式，由施華喺中中堅統領後防，似乎係對球隊防守最佳選擇。

而另一個問題，則是後防球員人手問題。雖然幾個球員都多才多藝，但當回到四後防，雙中堅則更像是一個很難隨便轉型客串的位置。
大家都知道杜曹想踢返四後，呢個亦都係買完Koulibaly之後，球隊仍然追求Fofana嘅原因。如果唔再買新中堅，四後防中堅人選就只有Silva, Koulibaly, Chalobah三人，能夠勝任左右中堅嘅azp, james, cucu, chilwell都唔能夠出任四後雙中堅人選，所以𠵱家對車仔嚟講，相信唔係踢四後定三後比較好，而係只能夠繼續三中堅呢個選擇。
球隊根本冇得揀，如果唔買中堅，就只有繼續三中堅，呢個亦都係對施華以及車仔最有利嘅選舉。

當然必須一提的是上文提及到的戰術演變，原因係相信大部分車迷都睇三中堅睇到嘔血，覺得前場冇板斧又唔夠人，但當Cucu, Chilwell, James悉數復出及融入，淨係呢啲個別球員嘅特質已經可以令球隊喺同一「陣容」下改頭換面：即係你仲用緊azp silva koulibaly做三中堅，同koulibaly silva cucu比較，已經多咗好多唔同嘅戰術套路。所以，有時候重點並不是斟酌陣容排位，而是整套戰術的變化。

車仔現在的問題是正宗傳統中堅人數不足，所以陣式只可以在三中堅中尋找戰術變化。目前為止這是後防人數和球員特質上的限米煮限飯，亦是對球隊這刻最佳選擇。但一旦科芬拿這樣的傳統中堅加盟，除了施華的上陣時間可以有效地分配外，車仔更能回到四後衛，令陣式和戰術演變更多選擇。
施華已經接近38歲，今年或是車仔能依賴他的最後一年，如果能夠在轉會窗關閉前簽入一名潛力和身體條件都出色的中堅接班人，再在今季慢慢從三中堅過渡回雙中堅，由必須依賴施華領導後防過渡至未來後防成型並建立默契，這樣車仔明年夏天就不用再煩惱後防問題，亦不必擔心施華退下來的空缺。