香煎香草三文魚扒拌牛油舞茸

已經要面對嗰堆藥, 可能因為咁抵抗力差咗, 星期五係公司攝一攝, 感冒依個惡魔即刻嚟探我,折磨死我啦~~~ 今日唯有乖乖係屋企休息! 今晚[衝上雲霄]大結局, 更加乖乖留係屋企睇"Sam哥"啦!!

因胃口唔係太好, 所以見到雪櫃有三文魚扒同舞茸, 有"Sam哥"陪, 餐飯當然正啦~~~哇哈哈!!

香煎香草三文魚扒拌牛油舞茸

材料:

三文魚扒 1塊舞茸半包

調味:

蒜鹽適量　
意大利香草適量

做法:

1. 三文魚扒解凍洗淨, 抹乾水份, 灑上調味醃1小時.
2. 用中火燒熱平底鑊加上少許橄欖油, 煎前三文魚每邊灑上少許生粉, 放入鑊中每邊煎約 3分鐘至至熟, ,上碟灑上檸檬汁即成.
3. 燒熱鑊加少許牛油, 放舞茸略炒, 放1/2茶匙鹽及少許糖炒勻即成.

P.S. 食咗藥真係唔夠精神, 今次竟然一面金黃, 一面白. 我竟然影相先發覺. 你哋見到當然係白嗰面啦!!