生日飯盡在詠藜園四川菜館

依兩日唔見我, 有冇排琴日掛住我呢? 只係我部netbook 個keyboard有幾多打唔到, 自己點整都唔得, 我諗要破費囉！11月1號係我老爸嘅牛一, 我哋特意選老爸家[詠藜園四川菜館], 方便老人家又可以食到上海嘢. 因為細時, 老爸經常帶我哋嚟食.


牛一梗係要有雞啦, 整碟醉雞先. 放上枱已經聞到D酒香~鷄肉唔會煮得太老,入口一D都唔鞋!!正~~

我欽點皮蛋豆腐 簡單好味的小食~同樣份量真係好足夠~!豆腐同皮蛋切得一D都唔欺場~加上少少麻油同嘅醬汁,香香地好開胃~配合得啱啱好!!


鮮肉小籠包是即叫即蒸, 誠意十足, 包內肉汁比預期少, 而豬肉偏結實, 而D皮就厚左D, 只是一般水準.


去丁一定要食招牌擔擔麵 . 味道配上店舖自製的芝麻醬拌勻, 令擔擔麵保留著如昔濃郁的花生香氣, 更比一般擔擔麵的湯底多了一份鮮甜, 香濃惹味; 另外自家製作的麵條, 口感軟硬適中, 爽彈挺身. 這麼一碗出色的擔擔麵, 經歷多番通漲後現售 $22, 抵到呢！


酸辣湯.係必飲嘅湯, 料好足夠, 仲要配炸饅頭, 簡直一流, 不過, 一定要叫畀多D奶.



我最欣賞係四川回窩肉....味道同爽脆度簡直一流~ 心思思自己想煮嚟食!!