餐廳MENU上你會睇嘅五個項目
靠英文搵食 - 2
尋日第一集教大家訂位食飯，今日不如又講吓個Menu同埋西餐嘅上菜次序丫。好多高級西餐廳都只係得英文Menu，而裡面大部分嘅菜式都又長、又深、又難讀。咁死啦，都唔知嗰樣嘢係咩，咁點嗌嘢食呀? 放心! 唔係你英文唔好，只不過係我哋平時生活比較少接觸同埋用到呢D字唧!
Menu裡面嘅菜式概括嚟講分為五大類，當中包括前菜 (Appetizers / Starters)、湯 (Soups)、主菜 (Entrees / Main dishes / Main course)、甜品 (Desserts)、飲料 (Beverages)。西餐上菜都會有先後次序，通常侍應都會先俾個飽你食，跟住就會立即上Appetizer，譬如魚子醬呀、鵝肝呀咁! 前菜其實係要嚟俾大家食餐飯食得開胃D嘅，所以D餐廳都會整得好鬼好食; 不過D阿媽就應該唔太鍾意喇，原因係太細份，唔抵食丫嘛!
接住落嚟侍應會上個湯過你，記住千祈唔好好似係屋企咁拎起個碗大大聲聲咁飲呀，失禮死人呀! 跟住就到期待已久嘅Entree出場喇! “Entrée”呢個字呢，其實係取至法文“Entrer”，原本係指Main course之前嗰一道菜; 不過喺北美嚟講，“Entree”則解作「主菜」，真係攪到頭都大埋! 講返食經先，主菜嚟講都係豬、牛、羊、雞咁啦，你鍾意食邊樣就悉隨尊便。
講開牛，我哋香港人成日都淨係識得叫西冷、牛柳、T骨，其實仲有好多唔同部位咖，嚟緊搵一集介紹吓俾大家啦! 食完個Main course，食埋Dessert，飲埋杯嘢消化吓先! 講到飲嘢，不得不提“Beverage”呢個字喇! “Beverage”雖然解作「飲料」，以英文嚟講，「水」係唔會被列入呢個範疇裡面咖。咁Sparkling water (“Sparkling”指「有汽」) 或者Mineral water呢? 嗱! 呢D為咗迎合市場需求而又曾經經過生產過程嘅飲品，都會被視為“Beverage”咖!
最後，問多你一條問題丫! 上面提及過「鵝肝」呢一道菜，咁「鵝肝」英文又係咩呢? 唔使怕醜咖，試吓留言答吓啦! 今日講到呢度先，要埋單喇:「Check please!」
尋日第一集教大家訂位食飯，今日不如又講吓個Menu同埋西餐嘅上菜次序丫。好多高級西餐廳都只係得英文Menu，而裡面大部分嘅菜式都又長、又深、又難讀。咁死啦，都唔知嗰樣嘢係咩，咁點嗌嘢食呀? 放心! 唔係你英文唔好，只不過係我哋平時生活比較少接觸同埋用到呢D字唧!
Menu裡面嘅菜式概括嚟講分為五大類，當中包括前菜 (Appetizers / Starters)、湯 (Soups)、主菜 (Entrees / Main dishes / Main course)、甜品 (Desserts)、飲料 (Beverages)。西餐上菜都會有先後次序，通常侍應都會先俾個飽你食，跟住就會立即上Appetizer，譬如魚子醬呀、鵝肝呀咁! 前菜其實係要嚟俾大家食餐飯食得開胃D嘅，所以D餐廳都會整得好鬼好食; 不過D阿媽就應該唔太鍾意喇，原因係太細份，唔抵食丫嘛!
接住落嚟侍應會上個湯過你，記住千祈唔好好似係屋企咁拎起個碗大大聲聲咁飲呀，失禮死人呀! 跟住就到期待已久嘅Entree出場喇! “Entrée”呢個字呢，其實係取至法文“Entrer”，原本係指Main course之前嗰一道菜; 不過喺北美嚟講，“Entree”則解作「主菜」，真係攪到頭都大埋! 講返食經先，主菜嚟講都係豬、牛、羊、雞咁啦，你鍾意食邊樣就悉隨尊便。
講開牛，我哋香港人成日都淨係識得叫西冷、牛柳、T骨，其實仲有好多唔同部位咖，嚟緊搵一集介紹吓俾大家啦! 食完個Main course，食埋Dessert，飲埋杯嘢消化吓先! 講到飲嘢，不得不提“Beverage”呢個字喇! “Beverage”雖然解作「飲料」，以英文嚟講，「水」係唔會被列入呢個範疇裡面咖。咁Sparkling water (“Sparkling”指「有汽」) 或者Mineral water呢? 嗱! 呢D為咗迎合市場需求而又曾經經過生產過程嘅飲品，都會被視為“Beverage”咖!
最後，問多你一條問題丫! 上面提及過「鵝肝」呢一道菜，咁「鵝肝」英文又係咩呢? 唔使怕醜咖，試吓留言答吓啦! 今日講到呢度先，要埋單喇:「Check please!」