(自家製系列)英超七雄轉會操作評級(3)熱刺。一切為變陣？
Grading: B
相比其他前列分子，熱刺在今夏轉會窗相對上較安靜，以往熱刺打出一屆好成績後，往往高價放走陣中既主力(摩迪, 巴爾 etc.),然後將一切推倒重來買回很多球員重組球隊，此舉令球隊架構欠缺穩定性和往往需要時間磨合，令球隊表現難以更上一層樓，「一動不如一靜」相信係熱刺主席利維經過近幾年之後學到最寶貴的東西
上屆同李城鬥到聯賽最後直路，大大改善既後防表現功不可沒，所以防線人腳上無咩大變動，只有Fazio因為適應不了英超既踢法繼上年下半季外借西維爾後繼續被外借，今次既目的地係意甲羅馬，他亦坦言意甲相比起英超容易適應得多，另外上季被外借黑貓既右閘Yedlin都永久轉會到另一間東北球會紐卡素。係咁既情況下，普捷天奴並無作出任何收購，筆者認為兩閘唔會有太大既問題(左:Rose,Ben Davies 右:Walker,Trippier),但中堅除左維頓漢同艾達維特外就只有Wimmer一個後備，且看季前賽發揮唔錯既小將Carter-Vickers有無機會可以上位。
中場主力方面，留住核心既計劃相當成功，更係近日分別同Dier 同 Eriksen續約到2020年，連同年初時Dele Alli續約到2021，但後備兵源方面，筆者對熱刺既轉會政策卻有所保留，一口氣放走三名上年介乎正選同後備既中場中重要力量(Mason 13m去候城，Chadli 13m去西布朗，Bentaleb借予史浩克04),三出之下只得一入(12m買入Wanyama),雖然此子實力定高過以上三位一籌，但係要兼顧歐聯戰線情況下，中場中既兵源可能會成為隱憂，唯有期求Dier,Dele Alli,Eriksen同Dembele等主力能保持整季健康。
另外，熱刺既翼鋒突破能力一向不足(很多時靠兩閘壓上助攻)，因此新加盟既Sissoko預料唔會打中場中既位置，相反會擔任係歐國盃期間發揮出色既右翼位置(其實過往係紐卡素也不時出任呢個位置！)，Lamela會否因而較多被移去左翼值得關注(筆者認為其腳法適合打逆邊cut in的角色)，最後無回歸德甲既孫興民同係最後一刻買黎既馬賽翼鋒Nkoudou將成後備既選擇。
https://www.youtube.com/watch?v=bcnbalyX368
最後，前線方面，Vincent Janseen相信係熱刺今屆另一個最重要既收購，從頭兩三場英超比賽來看，強壯體格、良好既頂上功夫加上有衝刺力量令各位熱刺球迷應該唔需要擔心佢會中荷甲神射手之毒，亦都係咁，筆者從近兩場比賽得出既一個大膽既假設就係熱刺今季較多時間會轉用442陣式，咁亦能夠解釋為何中場中的人手需要裁減，且用時間觀察證明究竟筆者既推測是否正確。當然如果起用442的話，Kane同Janseen能否撐到成季是一大疑問，不過任何一個有傷的話隨時轉回451熱刺亦有足夠本錢。另外Kane暫時似乎未適應雙箭頭陣式，上陣時雖然十分搏命，但表現乏善足陳，同Janseen有重疊既感覺，形成1+1<2，如何協調兩者之間場上既定位同踢法相信係普捷天奴要盡快解決既問題。
https://www.youtube.com/watch?v=aLRlGUPmqMg
相比其他前列分子，熱刺在今夏轉會窗相對上較安靜，以往熱刺打出一屆好成績後，往往高價放走陣中既主力(摩迪, 巴爾 etc.),然後將一切推倒重來買回很多球員重組球隊，此舉令球隊架構欠缺穩定性和往往需要時間磨合，令球隊表現難以更上一層樓，「一動不如一靜」相信係熱刺主席利維經過近幾年之後學到最寶貴的東西
上屆同李城鬥到聯賽最後直路，大大改善既後防表現功不可沒，所以防線人腳上無咩大變動，只有Fazio因為適應不了英超既踢法繼上年下半季外借西維爾後繼續被外借，今次既目的地係意甲羅馬，他亦坦言意甲相比起英超容易適應得多，另外上季被外借黑貓既右閘Yedlin都永久轉會到另一間東北球會紐卡素。係咁既情況下，普捷天奴並無作出任何收購，筆者認為兩閘唔會有太大既問題(左:Rose,Ben Davies 右:Walker,Trippier),但中堅除左維頓漢同艾達維特外就只有Wimmer一個後備，且看季前賽發揮唔錯既小將Carter-Vickers有無機會可以上位。
中場主力方面，留住核心既計劃相當成功，更係近日分別同Dier 同 Eriksen續約到2020年，連同年初時Dele Alli續約到2021，但後備兵源方面，筆者對熱刺既轉會政策卻有所保留，一口氣放走三名上年介乎正選同後備既中場中重要力量(Mason 13m去候城，Chadli 13m去西布朗，Bentaleb借予史浩克04),三出之下只得一入(12m買入Wanyama),雖然此子實力定高過以上三位一籌，但係要兼顧歐聯戰線情況下，中場中既兵源可能會成為隱憂，唯有期求Dier,Dele Alli,Eriksen同Dembele等主力能保持整季健康。
另外，熱刺既翼鋒突破能力一向不足(很多時靠兩閘壓上助攻)，因此新加盟既Sissoko預料唔會打中場中既位置，相反會擔任係歐國盃期間發揮出色既右翼位置(其實過往係紐卡素也不時出任呢個位置！)，Lamela會否因而較多被移去左翼值得關注(筆者認為其腳法適合打逆邊cut in的角色)，最後無回歸德甲既孫興民同係最後一刻買黎既馬賽翼鋒Nkoudou將成後備既選擇。
https://www.youtube.com/watch?v=bcnbalyX368
最後，前線方面，Vincent Janseen相信係熱刺今屆另一個最重要既收購，從頭兩三場英超比賽來看，強壯體格、良好既頂上功夫加上有衝刺力量令各位熱刺球迷應該唔需要擔心佢會中荷甲神射手之毒，亦都係咁，筆者從近兩場比賽得出既一個大膽既假設就係熱刺今季較多時間會轉用442陣式，咁亦能夠解釋為何中場中的人手需要裁減，且用時間觀察證明究竟筆者既推測是否正確。當然如果起用442的話，Kane同Janseen能否撐到成季是一大疑問，不過任何一個有傷的話隨時轉回451熱刺亦有足夠本錢。另外Kane暫時似乎未適應雙箭頭陣式，上陣時雖然十分搏命，但表現乏善足陳，同Janseen有重疊既感覺，形成1+1<2，如何協調兩者之間場上既定位同踢法相信係普捷天奴要盡快解決既問題。
https://www.youtube.com/watch?v=aLRlGUPmqMg