巴黎午夜激戰後雜談之又係雲爺爺的錯?
喜歡理性討論分析，討厭盲目抽水的話，可以去facebook like 本專頁，給筆者一個小小的動力和鼓勵:)
https://www.facebook.com/coldbloodballanalysis/
不得不承認，不看阿仙奴，不知心臟好。欣賞完過山車般的下半場後取得令人興奮的和局，筆者也需要一段時間平伏入睡，故此又新鮮熱辣為大家送上點評和雜談這場歐聯第一場分組賽。
開賽前，網絡一片嘩然，雲加又成為眾矢之的，皆因排出黎既正選陣容有三項驚嚇之處，同時係被一眾阿迷眾X雲加之處和大大的疑問。筆者將會深入分析其實呢三個問題究竟係咪問題/雲加活該又被人大興問罪之師呢？
1.咁重要既歐聯對強隊竟然收起自己隊最佳龍門施治而輪換起用二號門將奧斯賓拿？(仲要上季頭兩場歐聯分組賽就係因為用奧斯賓拿出事而差d出局。)
答:筆者從來都無懷疑過奧斯賓拿既能力，向來覺得一個能打正選球隊料子既球員肯打阿仙奴後備實在是阿仙奴之福。而某程度上奧斯賓拿肯甘心留隊，雲加一定有同佢協商同保證過有足夠而有意義的上陣機會(不是單純雞肋比賽。)係呢場歐聯只是第一場不是關鍵重要之戰下，雖然對手實力強，但係作客本身寄望不大下，其實起用奧斯賓拿是一個合理風險的賭博而且又能兌現對奧斯賓拿的承諾，何樂而不為！？可幸奧斯賓拿並無令雲加失望，失球與佢並無太大關係，除了上半場一球輕出(卡雲尼扭過射網側)外，下半場既四下高難度撲救(卡雲尼一球單刀，一球扭龍被封，天使既一球上角勁射和Aurier既近距離埋門)令阿仙奴遲遲未失第二球，最後追和可謂係一大功臣，都令一眾賽前睇死佢和插爆雲加呢個決定既球迷急轉彎歌頌佢，更係阿仙奴球迷心目中既最佳球員。(第二應係係卡雲尼lol!)不過以現今球迷風氣，很難想像如果萬一今場奧斯賓拿有咩差池既情況下，會有幾多人進一步X爆雲加，所謂做人不能輸打贏要，輸既時侯賴哂教練，事後孔明，贏既時候就只讚球員發揮好，所以在此筆者斗膽冒著被冠上盲目迷雲既風險將此功寄予雲加！如無意外經過此役神勇既發揮，黎緊既歐聯即分組賽上依然可以見到奧斯賓拿把守最後一關。
https://www.youtube.com/watch?v=4v-D1B7R1kc
2.咁貴買翻黎既xhaka上場無正選都算啦，今場又要俾高基連正選？買人翻黎坐後備席？
答:筆者上次已經講到，高基連上場眼前一亮既表現，尤其係中場攔截掃蕩，逼搶能力及覆蓋範圍，係對陣強隊時，雲加正正需要呢一種球員去搶中場，至少從呢場表現所見，高基連絕不失禮，上半場既零星攻勢更加係由佢係對手半場反搶成功做成，否則上半場阿仙奴，相反Xhaka下半場中段換入之後效果不太明顯，觸球次數不太多，不太入局，一來因為後備出場，二來佢同隊友既呼應同默契仲可以有改善既空間，故此係咁重要既比賽下起用一pair經常合作既中場(高基連和卡叔)，個人認為雲加的抉擇係正確既。如果真係要硬推Xhaka打正選的話，反而卡叔係可以考慮被抽走的一個，從今場所見，由於對手中場線都十分強大，很多時派出年輕力壯既Rabiot招呼卡叔，令卡叔無之前比賽咁活躍，現波同串連效果無之前咁好。
3.大佬，又用山齊士打單箭頭位置，咁咪即係自廢武功？
答:所謂是其是，非其非，雲加在這個決定筆者認為係絕對值得X的！從上季到今和今季季初對李城既賽事裡，已完全清清楚睇到山齊士打箭頭既威脅力係大減一半。今場同樣如此，整場波被對手一對巴西中堅嚴密招乎看管，打箭頭意味著佢唔可以回徹太後落波，浪費左佢既突破能力同邊路上既串撓性，而打中間單箭頭既佢同樣孤立無援，當他拉到兩邊嘗試拎波時，同樣影響隊友，令到佢地顯得模稜兩可，因為中間無左一個有效既點作傳送，而基奧特後備入替後做到既野(入波個球雖然無掂過波但正正係佢頂住左Thaigo Silva令伊禾比第一射更輕鬆)同山神既入波已經證明一切，雲加點解你要咁執著呢？難道我地睇到既野你又睇唔到？
其他雜項
1.呢場波雙方既進攻太急進，有d滾水綠腳既感覺，雙方很多進攻上既unforced error，往住出現在前場幾下的one touch pass配合，當中以阿仙奴上半場既情況較為嚴重，例如Ozil有兩三球急於放killer pass導致輕易歸還控球權給對手。
2.雖然阿仙奴前場斷纜較多，但同時中場球員既壓逼做得唔錯，經常進行反搶，阻截對方慢慢組織攻勢。
3.防線表現不敢恭維，高斯爾尼表現明顯失準，幾次被卡雲尼食住個位/跟漏人 可幸對方今日係超級敗家他。梅斯達菲用波過份粗疏，幾次前傳都被對手洞悉標到令對手有二次進攻機會，加上解圍波不夠清脆。(Holding之前來看還不錯。)，造成險象。左閘蒙尼爾速度明顯跟不上，且看基比斯黎緊會唔會多翻少少上陣機會。
4.雖然前線卡雲尼狀態未完全回復以往最佳水準，未能取替伊巴，但後防線上馬基奴斯今日既比賽可圈可點，足以取替大衛雷斯。整場波成功箝制山齊士外，仲有幾下關鍵鏟斷，最深刻既係下半場有一球左邊禁區入楔接應山神no look pass的伊禾比係射門前被回身救駕既馬基奴斯完美精準飛鏟個波出底線。
5.PSG係賽事中善用兩閘助攻力強既特點，整場波令阿仙奴邊路防線有排走，無氣抖，間接限制阿仙奴後上邊線的助攻，當中以右閘Aurier一，成場波好似充滿電既電兔奔馳於整條右路，助攻助守，尤其攻方面overlap入楔既時機相當好，可惜尾段自己爭頂後落地整傷腳，要提早收工。
總括而言，PSG係開賽四十秒領先一球後，頭十五分鐘給予阿仙奴很大的壓力，可惜隨後下半場打後慢慢縮後和較為保守，希望以吊長波突襲阿仙奴不穩的防線，可惜錯失幾番黃金入球機會下，終被阿仙奴把握全場的第一次和第二次中目標射門，扳成平手。從比賽數據(控球率，傳球和射門次數相若)和歷史紀錄，PSG繼續維持三十九場主場僅敗巴塞的紀錄，而阿仙奴都繼續維近十二次作客對法國球隊都保持不敗，因此或者和局也是合理的結局。
https://www.facebook.com/coldbloodballanalysis/
不得不承認，不看阿仙奴，不知心臟好。欣賞完過山車般的下半場後取得令人興奮的和局，筆者也需要一段時間平伏入睡，故此又新鮮熱辣為大家送上點評和雜談這場歐聯第一場分組賽。
開賽前，網絡一片嘩然，雲加又成為眾矢之的，皆因排出黎既正選陣容有三項驚嚇之處，同時係被一眾阿迷眾X雲加之處和大大的疑問。筆者將會深入分析其實呢三個問題究竟係咪問題/雲加活該又被人大興問罪之師呢？
1.咁重要既歐聯對強隊竟然收起自己隊最佳龍門施治而輪換起用二號門將奧斯賓拿？(仲要上季頭兩場歐聯分組賽就係因為用奧斯賓拿出事而差d出局。)
答:筆者從來都無懷疑過奧斯賓拿既能力，向來覺得一個能打正選球隊料子既球員肯打阿仙奴後備實在是阿仙奴之福。而某程度上奧斯賓拿肯甘心留隊，雲加一定有同佢協商同保證過有足夠而有意義的上陣機會(不是單純雞肋比賽。)係呢場歐聯只是第一場不是關鍵重要之戰下，雖然對手實力強，但係作客本身寄望不大下，其實起用奧斯賓拿是一個合理風險的賭博而且又能兌現對奧斯賓拿的承諾，何樂而不為！？可幸奧斯賓拿並無令雲加失望，失球與佢並無太大關係，除了上半場一球輕出(卡雲尼扭過射網側)外，下半場既四下高難度撲救(卡雲尼一球單刀，一球扭龍被封，天使既一球上角勁射和Aurier既近距離埋門)令阿仙奴遲遲未失第二球，最後追和可謂係一大功臣，都令一眾賽前睇死佢和插爆雲加呢個決定既球迷急轉彎歌頌佢，更係阿仙奴球迷心目中既最佳球員。(第二應係係卡雲尼lol!)不過以現今球迷風氣，很難想像如果萬一今場奧斯賓拿有咩差池既情況下，會有幾多人進一步X爆雲加，所謂做人不能輸打贏要，輸既時侯賴哂教練，事後孔明，贏既時候就只讚球員發揮好，所以在此筆者斗膽冒著被冠上盲目迷雲既風險將此功寄予雲加！如無意外經過此役神勇既發揮，黎緊既歐聯即分組賽上依然可以見到奧斯賓拿把守最後一關。
https://www.youtube.com/watch?v=4v-D1B7R1kc
2.咁貴買翻黎既xhaka上場無正選都算啦，今場又要俾高基連正選？買人翻黎坐後備席？
答:筆者上次已經講到，高基連上場眼前一亮既表現，尤其係中場攔截掃蕩，逼搶能力及覆蓋範圍，係對陣強隊時，雲加正正需要呢一種球員去搶中場，至少從呢場表現所見，高基連絕不失禮，上半場既零星攻勢更加係由佢係對手半場反搶成功做成，否則上半場阿仙奴，相反Xhaka下半場中段換入之後效果不太明顯，觸球次數不太多，不太入局，一來因為後備出場，二來佢同隊友既呼應同默契仲可以有改善既空間，故此係咁重要既比賽下起用一pair經常合作既中場(高基連和卡叔)，個人認為雲加的抉擇係正確既。如果真係要硬推Xhaka打正選的話，反而卡叔係可以考慮被抽走的一個，從今場所見，由於對手中場線都十分強大，很多時派出年輕力壯既Rabiot招呼卡叔，令卡叔無之前比賽咁活躍，現波同串連效果無之前咁好。
3.大佬，又用山齊士打單箭頭位置，咁咪即係自廢武功？
答:所謂是其是，非其非，雲加在這個決定筆者認為係絕對值得X的！從上季到今和今季季初對李城既賽事裡，已完全清清楚睇到山齊士打箭頭既威脅力係大減一半。今場同樣如此，整場波被對手一對巴西中堅嚴密招乎看管，打箭頭意味著佢唔可以回徹太後落波，浪費左佢既突破能力同邊路上既串撓性，而打中間單箭頭既佢同樣孤立無援，當他拉到兩邊嘗試拎波時，同樣影響隊友，令到佢地顯得模稜兩可，因為中間無左一個有效既點作傳送，而基奧特後備入替後做到既野(入波個球雖然無掂過波但正正係佢頂住左Thaigo Silva令伊禾比第一射更輕鬆)同山神既入波已經證明一切，雲加點解你要咁執著呢？難道我地睇到既野你又睇唔到？
其他雜項
1.呢場波雙方既進攻太急進，有d滾水綠腳既感覺，雙方很多進攻上既unforced error，往住出現在前場幾下的one touch pass配合，當中以阿仙奴上半場既情況較為嚴重，例如Ozil有兩三球急於放killer pass導致輕易歸還控球權給對手。
2.雖然阿仙奴前場斷纜較多，但同時中場球員既壓逼做得唔錯，經常進行反搶，阻截對方慢慢組織攻勢。
3.防線表現不敢恭維，高斯爾尼表現明顯失準，幾次被卡雲尼食住個位/跟漏人 可幸對方今日係超級敗家他。梅斯達菲用波過份粗疏，幾次前傳都被對手洞悉標到令對手有二次進攻機會，加上解圍波不夠清脆。(Holding之前來看還不錯。)，造成險象。左閘蒙尼爾速度明顯跟不上，且看基比斯黎緊會唔會多翻少少上陣機會。
4.雖然前線卡雲尼狀態未完全回復以往最佳水準，未能取替伊巴，但後防線上馬基奴斯今日既比賽可圈可點，足以取替大衛雷斯。整場波成功箝制山齊士外，仲有幾下關鍵鏟斷，最深刻既係下半場有一球左邊禁區入楔接應山神no look pass的伊禾比係射門前被回身救駕既馬基奴斯完美精準飛鏟個波出底線。
5.PSG係賽事中善用兩閘助攻力強既特點，整場波令阿仙奴邊路防線有排走，無氣抖，間接限制阿仙奴後上邊線的助攻，當中以右閘Aurier一，成場波好似充滿電既電兔奔馳於整條右路，助攻助守，尤其攻方面overlap入楔既時機相當好，可惜尾段自己爭頂後落地整傷腳，要提早收工。
總括而言，PSG係開賽四十秒領先一球後，頭十五分鐘給予阿仙奴很大的壓力，可惜隨後下半場打後慢慢縮後和較為保守，希望以吊長波突襲阿仙奴不穩的防線，可惜錯失幾番黃金入球機會下，終被阿仙奴把握全場的第一次和第二次中目標射門，扳成平手。從比賽數據(控球率，傳球和射門次數相若)和歷史紀錄，PSG繼續維持三十九場主場僅敗巴塞的紀錄，而阿仙奴都繼續維近十二次作客對法國球隊都保持不敗，因此或者和局也是合理的結局。