<<屈福特擊敗曼聯後的五件事>>
喜歡理性討論分析，討厭盲目抽水的話，可以去facebook like 本專頁，給筆者一個小小的動力和鼓勵:)
https://www.facebook.com/coldbloodballanalysis/
<<屈福特擊敗曼聯後的五件事>>
1.屈福特取得今季主場的第一勝，新領隊馬沙利和其堅持已久的352陣式終於吐氣揚眉，尤其對上一場既三中堅對住另一枝強隊阿仙奴可謂是錯漏百出，但今場明顯作出調整同培養默契，雖然仍然偶有蝦碌(兩次回傳被曼聯球員打荷包),但整體協防表現明顯有所進步。
2.馬沙利過往係意甲拿玻里執教時以戰術瘋狂和調動大膽聞名，此戰既調動可謂係另一神來之筆(當然你話屎忽撞棍都得)，調入辛尼加入黎一分鐘後第一腳就成功入波，繼而換入Success成功哥入黎係補時階段玩弄對方守衛拜利於鼓掌之中，間接製造及後致勝既十二碼。
(題外話:一直覺得馬沙利好熟口面，今日靈機一觸終於突破盲點，原來係似賭神入面做周潤發細佬既大契弟高義！特此cap圖係下方俾大家參考一下！)
3.曼聯各項賽事四連勝後迎來三連敗，當中防守既問題最致命就係中場球員(普巴，費拉尼)係防守時候定位糢糊/，加上後衛和中場防守時的距離往往十分之闊，導致禁區頂至十二碼點附近既區域經常處於真空狀態，屈福特看準呢一個明顯弱點，今場頭兩球都係相同既方程式，兩邊壓上然後禁一個急勁的地波到峨眉月頂後上"kum"入無人看管既球員立即施射得手。
4.普巴的定位摩連奴似乎還需要多加拿揑，正如名宿Scholes賽後所講，係祖記時候既中場結構同宜家既曼聯相差頗大，以往係祖記時一開始有經驗老到既派路抖住係後面踢同hold波，有Marchisio/Vidal既完美Box to box中場輔助，相對上普巴踢法能夠較自由同率性，但來到曼聯後明顯地有朗尼係坐穩中前場一席後，佢既角色明顯上係要較墮後和兼顧較多防務，但明顯相比起防守，佢更樂衷以往在意甲經常成功既花巧華麗上腳，玩波同lun波，神來之筆既靚遠射也偶有出現，當然佢係呢幾方面既技術絕對不用懷疑，呢幾場都有呢幾方面的發揮(例如今場一個冷箭中柱)，但整體上對球隊幫助不大，有時過份痴波上腳被截斷更成為被對手打反擊的契機，所以暫時來看問題既癥結係曼聯應該圍繞普巴制定一套方針還是普巴要適應球隊踢法而做出改變？當然他以地上最貴身價的高姿態加盟後心態上明顯都需要自己調整，身價高並不代表不需要積極回防同攔截，唔好講一億，就算係五千萬既身價以暫時呢幾場既表現都未能令人信服(當然都無一d球迷講到咁毫無價值)，如今既情況可以話係"好睇唔好食"。
5.摩連奴繼上兩場後又再次批評球證執法不公是輸波原因之一(摩帥本性)，雖然上場歐覇的越位球明顯是傍證走漏眼越位所致，但兩場英超的敗陣明顯更大程度係球員發揮不佳加上戰術既問題。除左岩岩提及既普巴，朗尼既正選位置也是一大煩惱。朗尼係今場敗仗如一眾抽水球迷所願再次成為眾矢之的，但誠言整場比賽朗尼就像游離於曼聯體系以外，對曼聯組織進攻完全沒有作用，以上半場為例，朗尼一共作出二十二球傳送，但當中有十四腳都是向後回傳。係未來既賽事入面，尤其係英超，摩連奴會否因應對手大膽收起朗尼，推普巴上一格釋放佢進攻上既天賦？(雖然論轉向/控制節奏能力普巴應該仍比朗尼幼嫩)。
後記:(此段屬非理性既"理性"個人想法，不喜請skip。)
連勝既時候看著曼迷捧曼聯上天，奉伊巴為神，反之連敗既時候一眾反曼的Haters如何走出黎抽水(抽摩連奴，普巴身價，朗尼表現週薪等，都係差唔多抽呢d野架啦)，此一時彼一時，哪邊有利的時候便抽水攞威攞到盡等等小學雞既口舌之簡直係無聊之極，同時媒體都會大做文章，捕沙捉影，接著既幾日可以預計會有好多曼聯既不利新聞傳出，足球世界同現實社會一樣，造神同造屎往往只係一線之差，同我一樣看透世事的如其參與低質抽水，不如坐低食花生，放長雙眼看看摩連奴如何在這此小低潮中找到解決問題既鎖匙，然後再作分析和發表意見更有趣，畢竟球季漫漫長路，狀態也會有所起伏，三連敗根本有可能發生在任何一隊球隊身上。(利申:筆者對曼聯並無一點好感，對摩連奴的風格更是不敢苟同。)
https://www.facebook.com/coldbloodballanalysis/
<<屈福特擊敗曼聯後的五件事>>
1.屈福特取得今季主場的第一勝，新領隊馬沙利和其堅持已久的352陣式終於吐氣揚眉，尤其對上一場既三中堅對住另一枝強隊阿仙奴可謂是錯漏百出，但今場明顯作出調整同培養默契，雖然仍然偶有蝦碌(兩次回傳被曼聯球員打荷包),但整體協防表現明顯有所進步。
2.馬沙利過往係意甲拿玻里執教時以戰術瘋狂和調動大膽聞名，此戰既調動可謂係另一神來之筆(當然你話屎忽撞棍都得)，調入辛尼加入黎一分鐘後第一腳就成功入波，繼而換入Success成功哥入黎係補時階段玩弄對方守衛拜利於鼓掌之中，間接製造及後致勝既十二碼。
(題外話:一直覺得馬沙利好熟口面，今日靈機一觸終於突破盲點，原來係似賭神入面做周潤發細佬既大契弟高義！特此cap圖係下方俾大家參考一下！)
3.曼聯各項賽事四連勝後迎來三連敗，當中防守既問題最致命就係中場球員(普巴，費拉尼)係防守時候定位糢糊/，加上後衛和中場防守時的距離往往十分之闊，導致禁區頂至十二碼點附近既區域經常處於真空狀態，屈福特看準呢一個明顯弱點，今場頭兩球都係相同既方程式，兩邊壓上然後禁一個急勁的地波到峨眉月頂後上"kum"入無人看管既球員立即施射得手。
4.普巴的定位摩連奴似乎還需要多加拿揑，正如名宿Scholes賽後所講，係祖記時候既中場結構同宜家既曼聯相差頗大，以往係祖記時一開始有經驗老到既派路抖住係後面踢同hold波，有Marchisio/Vidal既完美Box to box中場輔助，相對上普巴踢法能夠較自由同率性，但來到曼聯後明顯地有朗尼係坐穩中前場一席後，佢既角色明顯上係要較墮後和兼顧較多防務，但明顯相比起防守，佢更樂衷以往在意甲經常成功既花巧華麗上腳，玩波同lun波，神來之筆既靚遠射也偶有出現，當然佢係呢幾方面既技術絕對不用懷疑，呢幾場都有呢幾方面的發揮(例如今場一個冷箭中柱)，但整體上對球隊幫助不大，有時過份痴波上腳被截斷更成為被對手打反擊的契機，所以暫時來看問題既癥結係曼聯應該圍繞普巴制定一套方針還是普巴要適應球隊踢法而做出改變？當然他以地上最貴身價的高姿態加盟後心態上明顯都需要自己調整，身價高並不代表不需要積極回防同攔截，唔好講一億，就算係五千萬既身價以暫時呢幾場既表現都未能令人信服(當然都無一d球迷講到咁毫無價值)，如今既情況可以話係"好睇唔好食"。
5.摩連奴繼上兩場後又再次批評球證執法不公是輸波原因之一(摩帥本性)，雖然上場歐覇的越位球明顯是傍證走漏眼越位所致，但兩場英超的敗陣明顯更大程度係球員發揮不佳加上戰術既問題。除左岩岩提及既普巴，朗尼既正選位置也是一大煩惱。朗尼係今場敗仗如一眾抽水球迷所願再次成為眾矢之的，但誠言整場比賽朗尼就像游離於曼聯體系以外，對曼聯組織進攻完全沒有作用，以上半場為例，朗尼一共作出二十二球傳送，但當中有十四腳都是向後回傳。係未來既賽事入面，尤其係英超，摩連奴會否因應對手大膽收起朗尼，推普巴上一格釋放佢進攻上既天賦？(雖然論轉向/控制節奏能力普巴應該仍比朗尼幼嫩)。
後記:(此段屬非理性既"理性"個人想法，不喜請skip。)
連勝既時候看著曼迷捧曼聯上天，奉伊巴為神，反之連敗既時候一眾反曼的Haters如何走出黎抽水(抽摩連奴，普巴身價，朗尼表現週薪等，都係差唔多抽呢d野架啦)，此一時彼一時，哪邊有利的時候便抽水攞威攞到盡等等小學雞既口舌之簡直係無聊之極，同時媒體都會大做文章，捕沙捉影，接著既幾日可以預計會有好多曼聯既不利新聞傳出，足球世界同現實社會一樣，造神同造屎往往只係一線之差，同我一樣看透世事的如其參與低質抽水，不如坐低食花生，放長雙眼看看摩連奴如何在這此小低潮中找到解決問題既鎖匙，然後再作分析和發表意見更有趣，畢竟球季漫漫長路，狀態也會有所起伏，三連敗根本有可能發生在任何一隊球隊身上。(利申:筆者對曼聯並無一點好感，對摩連奴的風格更是不敢苟同。)