亞協四強，9分28秒起身拍手！
今晚係一個重要日子！咩日子？就係香港球會有機會歷史性打入亞洲足協盃決賽！傑志上回合作客1:1打和艾比爾，取得重要既作客入球，只要今晚即使係0:0都可以晉級決賽。而且決賽仲會係香港大球場上演。有球迷就呼籲，響應近日既集會，所以就決定係比賽到9分28秒既時候就一齊有所行動。
至於有咩行動，就有好多個講法，有球迷就建議做最簡單既拍手，再唔係就一齊唱海闊天空/光輝歲月喎。不過點都好啦，可以表達到對集會人士既支持就足夠啦，因為始終有一點要注意呀，因為球場入面係唔可以舉有政治性既標語咖，唔係要罰錢咖！到時被罰既就係傑志咖啦，仲分分鐘無埋主場優勢添呀！所以球迷咪亂嚟呀
講番今場波先，傑志係一球作客入球在手之下，係就係可以打和既，不過只可以0:0。而1:1完場就要加時，2:2就無得入決賽咖啦。
各位球迷，大家今晚一條心撐傑志！撐香港足球！之後去金鐘又好，銅鑼灣又好，甚至近近地去旺角，重點就係要齊心同非暴力，球場內外都係！