《逆流大叔》
文 : 吹水王‧泰利
2018年至今，最受注目嘅港產電影，非近期上映嘅《逆流大叔》莫屬。原名《萬水千山縱橫》嘅本片，係資深編劇陳詠燊第一次執導之作。響近年港片積弱、中港合拍與否爭論不休嘅環境下， 《逆流大叔》以純港味為主打、以本土風味為旗號，必然份外耀目，亦令本片與早幾年《低俗喜劇》相似，買票入場變相成為用腳投票支持港產片；只不過《低俗喜劇》笑料既成人又尖銳，而《逆流大叔》則採取一種溫和方式，發揚港式嘅麻甩地踎味之餘，又希望做到反映時弊、雅俗共賞，以此吸引香港觀眾重新留意返港產片。經過台前幕後努力四出謝票、以及網上評論界/KOL等人士大力催谷之下，果然引起一片不大不小嘅討論風潮，做到愈映愈旺，第三周嘅每日放映場數，竟然微微比第二周時更多，顯然係宣傳策略上成功。
《逆流大叔》引起嘅小型港產片風潮，除咗係市場策劃上嘅成功，最主要嘅，係影片響娛樂同意志上都達到一定嘅中上水平。雖然小弟非常反對將一D質素稍為好少少嘅港產片動輒評為「年度最佳」甚至「神作」，但係作為第一次執導， 陳詠燊的確響處理戲劇以及反映社會百態上達到中上水平。《逆流大叔》呢種中年勵志電影，可謂毫不新鮮，類似作品遠年嘅有英國嘅《光豬六壯士》(The Full Monty)，甚至周星馳嘅《少林足球》，都係呢種以運動/群體活動令角色重新發展自我嘅故事。但係陳詠燊作為非常資深嘅編劇，佢今次響《逆流大叔》就示範咗如何將類型、公式、角色塑造、諷刺時弊完美地共冶一爐。
如果各位理性地觀看本片，大家或會發現，幾個主要角色由對於龍舟運動毫無興趣，到開始對之重視，開始自發投入訓練嘅轉折，仍然有點模糊；但係陳詠燊非常聰明地以龍舟勵志為主線、眾角色嘅感情事為副線，當角色開始投入訓練龍舟時，眾角嘅感情生活又開始有不同程度嘅轉變，如吳鎮宇與失婚鄰居胡定欣嘅隔牆有情、黃德斌與太太莊思敏嘅若即若離、甚至係潘燦良對女教練余香凝嘅非份之想，都更觀眾有種感覺係龍舟令佢地幾個中年大叔嘅人生開始有所轉變。編導選擇以情帶戲，省去大量為交待劇情而出現嘅描述情節，令影片節奏更明快。響小成本製作、分場貴精不貴多嘅情況下，呢種以情帶戲嘅方式係最經濟同有效率嘅。陳詠燊呢種編導取向，非常值得小本製作電影人學習。而甚至響導演、分鏡頭方面， 陳詠燊嘅手藝亦見純熟 – 起碼比佢稱為師父嘅馬偉豪更為純熟。馬偉豪多年來嘅導演風格，始終容易響精細地分鏡頭及節奏、情緒鋪排上屈服，但陳詠燊則較之更注重叙事節奏，以首次執導嚟講已屬難得。
陳詠燊選擇對觀眾動之以情，除咗響劇本取向上已經要下功夫之外，響選擇演員上亦需要一D表演能力極強嘅戲精幫佢擔綱演出。由此大家亦可理解，點解編導要起用吳鎮宇。若要再討論鎮宇哥嘅演技，恐怕只係侮辱緊各位影迷嘅智慧。呢位始終失落香港電影金像獎嘅無冕影帝，經典演出/角色一籮籮，佢容或唔係每一次演出都可以堪稱完美無瑕，但係佢響表現角色性格嘅創造力，以及表演上嘅爆炸力，響香港影壇上能夠同佢齊驅並駕嘅，恐怕不足五人(以往同鎮宇哥比較得最多，不外係劉青雲、黃秋生等)。今次鎮宇哥飾演嘅中佬阿龍，呢種爛撻撻嘅港式地踎人物，正係佢從影以來嘅拿手好戲之一。佢為增強「佬味」，更不惜電髮兼增肥，加埋美術總監張蚊設計嘅浮誇服飾，活脫脫就係一個活躍於油尖旺、人老心不老嘅中年大細路。而今次吳鎮宇嘅演出，絕對係近年嘅代表作之一。由平日生活上嘅疏懶縮骨，到面對暗戀對象嘅有口難言、口是心非，佢對胡定欣一往情深，甘願化身中年暖男，但最後只淪為「好人」嘅結局，幾場面對感情受挫嘅文戲，鎮宇哥只憑身體語言、眼神、表情去表現角色嘅失落，極具個人特式之餘，更堪稱係教材式嘅演出。
而第二男主角由資深舞台劇演員潘燦良擔任。潘燦良一向好戲，響廿多年前嘅《南海十三郎》電影版已有非常耀目嘅演出，只係多年來佢都仍然以舞台劇為主影視為次，以致響影視作品上少有代表作。而今次佢飾演嘅中佬黃淑儀，則更能反映出陳詠燊心目中嘅港式人辦: 凡事講多過做、練精學懶、無自信無恆心、遇事只愛逃避、庸碌無能…..某程度上，都可謂係社會上某一階層嘅寫照。陳詠燊以黃淑儀為寫照，反映出呢個城市嘅人表面上兩餐無憂，其實從未願意面對困難，因此以龍舟為契機，重新面對自己嘅矛盾同慾望(呢度以黃對美少女教練嘅非份之想為代表)。至於其他角色如胡子彤飾演嘅前乒乓球運動員，以及黃德斌嘅面對中年危機嘅管理階層，則比較功能性為主，旨在令角色配置更為豐富。不過演員表現亦屬中上，尤其黃德斌罕有地有感情，勝過佢一向冷竣嘅電視劇式演出。
對於近期熾熱嘅中港矛盾討論，影片雖然並無直接反映，但係陳詠燊響片中提出咗一種非常明確嘅態度，就係響無得打嘅情況底下，作為呢條船上嘅選手，仍然要跟住鼓聲、搵返節奏，繼續奮力前行；影片刻意淡化競爭者存在，令龍舟運動成為一種令呢班大叔無法唔去誠實面對自己嘅圖騰代表，搏哂老命唔係為嬴只係為咗靠岸，響無法取勝之下，與其放棄不如先做好自己。陳詠燊響懷著敵意同俯首投降之間，提出咗一種雅俗共賞嘅本土概念 :只要一日唔放棄，堅持終會戰勝歸來。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
2018年至今，最受注目嘅港產電影，非近期上映嘅《逆流大叔》莫屬。原名《萬水千山縱橫》嘅本片，係資深編劇陳詠燊第一次執導之作。響近年港片積弱、中港合拍與否爭論不休嘅環境下， 《逆流大叔》以純港味為主打、以本土風味為旗號，必然份外耀目，亦令本片與早幾年《低俗喜劇》相似，買票入場變相成為用腳投票支持港產片；只不過《低俗喜劇》笑料既成人又尖銳，而《逆流大叔》則採取一種溫和方式，發揚港式嘅麻甩地踎味之餘，又希望做到反映時弊、雅俗共賞，以此吸引香港觀眾重新留意返港產片。經過台前幕後努力四出謝票、以及網上評論界/KOL等人士大力催谷之下，果然引起一片不大不小嘅討論風潮，做到愈映愈旺，第三周嘅每日放映場數，竟然微微比第二周時更多，顯然係宣傳策略上成功。
《逆流大叔》引起嘅小型港產片風潮，除咗係市場策劃上嘅成功，最主要嘅，係影片響娛樂同意志上都達到一定嘅中上水平。雖然小弟非常反對將一D質素稍為好少少嘅港產片動輒評為「年度最佳」甚至「神作」，但係作為第一次執導， 陳詠燊的確響處理戲劇以及反映社會百態上達到中上水平。《逆流大叔》呢種中年勵志電影，可謂毫不新鮮，類似作品遠年嘅有英國嘅《光豬六壯士》(The Full Monty)，甚至周星馳嘅《少林足球》，都係呢種以運動/群體活動令角色重新發展自我嘅故事。但係陳詠燊作為非常資深嘅編劇，佢今次響《逆流大叔》就示範咗如何將類型、公式、角色塑造、諷刺時弊完美地共冶一爐。
如果各位理性地觀看本片，大家或會發現，幾個主要角色由對於龍舟運動毫無興趣，到開始對之重視，開始自發投入訓練嘅轉折，仍然有點模糊；但係陳詠燊非常聰明地以龍舟勵志為主線、眾角色嘅感情事為副線，當角色開始投入訓練龍舟時，眾角嘅感情生活又開始有不同程度嘅轉變，如吳鎮宇與失婚鄰居胡定欣嘅隔牆有情、黃德斌與太太莊思敏嘅若即若離、甚至係潘燦良對女教練余香凝嘅非份之想，都更觀眾有種感覺係龍舟令佢地幾個中年大叔嘅人生開始有所轉變。編導選擇以情帶戲，省去大量為交待劇情而出現嘅描述情節，令影片節奏更明快。響小成本製作、分場貴精不貴多嘅情況下，呢種以情帶戲嘅方式係最經濟同有效率嘅。陳詠燊呢種編導取向，非常值得小本製作電影人學習。而甚至響導演、分鏡頭方面， 陳詠燊嘅手藝亦見純熟 – 起碼比佢稱為師父嘅馬偉豪更為純熟。馬偉豪多年來嘅導演風格，始終容易響精細地分鏡頭及節奏、情緒鋪排上屈服，但陳詠燊則較之更注重叙事節奏，以首次執導嚟講已屬難得。
陳詠燊選擇對觀眾動之以情，除咗響劇本取向上已經要下功夫之外，響選擇演員上亦需要一D表演能力極強嘅戲精幫佢擔綱演出。由此大家亦可理解，點解編導要起用吳鎮宇。若要再討論鎮宇哥嘅演技，恐怕只係侮辱緊各位影迷嘅智慧。呢位始終失落香港電影金像獎嘅無冕影帝，經典演出/角色一籮籮，佢容或唔係每一次演出都可以堪稱完美無瑕，但係佢響表現角色性格嘅創造力，以及表演上嘅爆炸力，響香港影壇上能夠同佢齊驅並駕嘅，恐怕不足五人(以往同鎮宇哥比較得最多，不外係劉青雲、黃秋生等)。今次鎮宇哥飾演嘅中佬阿龍，呢種爛撻撻嘅港式地踎人物，正係佢從影以來嘅拿手好戲之一。佢為增強「佬味」，更不惜電髮兼增肥，加埋美術總監張蚊設計嘅浮誇服飾，活脫脫就係一個活躍於油尖旺、人老心不老嘅中年大細路。而今次吳鎮宇嘅演出，絕對係近年嘅代表作之一。由平日生活上嘅疏懶縮骨，到面對暗戀對象嘅有口難言、口是心非，佢對胡定欣一往情深，甘願化身中年暖男，但最後只淪為「好人」嘅結局，幾場面對感情受挫嘅文戲，鎮宇哥只憑身體語言、眼神、表情去表現角色嘅失落，極具個人特式之餘，更堪稱係教材式嘅演出。
而第二男主角由資深舞台劇演員潘燦良擔任。潘燦良一向好戲，響廿多年前嘅《南海十三郎》電影版已有非常耀目嘅演出，只係多年來佢都仍然以舞台劇為主影視為次，以致響影視作品上少有代表作。而今次佢飾演嘅中佬黃淑儀，則更能反映出陳詠燊心目中嘅港式人辦: 凡事講多過做、練精學懶、無自信無恆心、遇事只愛逃避、庸碌無能…..某程度上，都可謂係社會上某一階層嘅寫照。陳詠燊以黃淑儀為寫照，反映出呢個城市嘅人表面上兩餐無憂，其實從未願意面對困難，因此以龍舟為契機，重新面對自己嘅矛盾同慾望(呢度以黃對美少女教練嘅非份之想為代表)。至於其他角色如胡子彤飾演嘅前乒乓球運動員，以及黃德斌嘅面對中年危機嘅管理階層，則比較功能性為主，旨在令角色配置更為豐富。不過演員表現亦屬中上，尤其黃德斌罕有地有感情，勝過佢一向冷竣嘅電視劇式演出。
對於近期熾熱嘅中港矛盾討論，影片雖然並無直接反映，但係陳詠燊響片中提出咗一種非常明確嘅態度，就係響無得打嘅情況底下，作為呢條船上嘅選手，仍然要跟住鼓聲、搵返節奏，繼續奮力前行；影片刻意淡化競爭者存在，令龍舟運動成為一種令呢班大叔無法唔去誠實面對自己嘅圖騰代表，搏哂老命唔係為嬴只係為咗靠岸，響無法取勝之下，與其放棄不如先做好自己。陳詠燊響懷著敵意同俯首投降之間，提出咗一種雅俗共賞嘅本土概念 :只要一日唔放棄，堅持終會戰勝歸來。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/