袁富華
文 : 吹水王‧泰利
話說每年金馬獎公佈提名名單，作為一個港片愛好者、一個香港人，總會留意吓今年又有幾多部港片、港星入圍。近年嘅金馬獎，明顯青睞本土台灣片或中國電影。你可以認為係金馬獎寧向藝術成就靠攏多於以星光吸引觀眾眼球，也可以此認為係香港電影水準日益低落嘅反映。話需如此，但係水準出色嘅港片港星，仍然有機會入圍金馬一爭長短。即將在港上映嘅港產片《翠絲》，分別響最佳男、女配角獎項獲得提名(可惜了小黑哥!) 。貴為上屆金馬影后嘅紅姐(惠英紅)固然係大熱之選，但係男配角一項，令呢位縱橫影壇、藝壇多年嘅朋友，終於可以站於眾人之前，先係小弟希望寫呢篇文嘅原因。
呢位朋友，就係香港資深演員，袁富華先生。
袁富華直至而家，仍然係香港舞台劇界嘅中流砥柱；至於香港電影，更係經常見其身影。袁富華最早參與嘅幾部電影作品，都係舞台劇拍成電影版，如《人間有情》《偷錯隔牆花》《南海十三郎》等，由舞台劇原版人馬參與嘅電影。當時係適逢高志森將《我和春天有個約會》拍成電影版意外大賣，從而衍生出呢系列由舞台劇「依書直拍」嘅電影。呢D電影為香港觀眾介紹咗好多演技派，如劉雅麗、蘇玉華、謝君豪、(直到近期《逆流大叔》終於大放異彩嘅)潘燦良、高翰文等.....袁富華亦係當中一員。舞台劇電影退潮後，袁富華繼續留響電影圈，出演大大小小不同電影、角色。但係講到最具知名度嘅一個角色，必數周星馳《喜劇之王》入面嘅「皮褸哥」阿Ben。
《喜劇之王》響周星馳中後期嘅作品之中，擁有一定嘅地位。星爺響片中飾演一個掙扎求存嘅演員，大談方法演技、史坦尼斯拉夫斯基，特別有夫子自道嘅味道。即使影片響電影語言同個別橋段上，有唔平均同過於趕急就章嘅味道，但仍然算係屬於周星馳一部比較有質素同埋值得談論、重覆觀看嘅電影作品。片中亦孕育出唔少令人印象深刻嘅綠葉角色，如成日「依牙鬆鋼」嘅領班霞姨、非常燥狂嘅副導Sunny哥、身體語言異常浮誇嘅導演 (李思捷)、儀容恐怖嘅Pierre、渴望搵初戀嘅有錢佬.....
偏偏袁富華飾演嘅皮褸悍匪，大家都記得，但係大家總係唔多提起。(雖然，袁富華憑此角色都拍過一個茶餐廳廣告.....)
總括袁富華嘅電影生涯，雖然演出不絕，袁富華亦總係非常恰如其分地演好自己嘅角色，但係香港嘅觀眾，往往無閒心去了解、細味呢種「恰如其分」，或者被香港三十年來盡皆過火、盡皆痴狂(港片研究學者 David Brodwell語)嘅口味影響、寵壞，令我地只係識得記得一D痴Q線嘅角色.....相信有唔少香港觀眾，對於袁富華亦只會歸納為「好熟口面」之類嘅演員。
其實工業上亦好唔得幾多，有唔少將袁富華歸類為「好熟口面」嘅觀眾，可能自己同時都係影視從業員；於是將工作上，亦只會為袁富華安排一D「好熟口面」嘅角色.....好啦，到今次嘅提名，終於令袁富華可以站到眾人前，但係考慮其原因，小弟未睇《翠絲》，但知道今次袁富華係飾演一個男花旦，可想而知總會有一D型諸於外嘅演出，令袁富華終於被金馬獎評審所「看到」。以前「恰如其分」就看不到，看來「Less is More」「簡單是美」等審美觀，響華人社會還是行不通.....
無論如何，袁富華今次嘅被提名，對於香港演員，無疑仍然係一支強心針。就有如《喜劇之王》周星馳飾演嘅尹天仇一樣，堅持、奮鬥，總有成果。而且，本身嚟講，袁富華比起電影中嘅尹天仇，本來就更接近一個「好演員」身份。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
話說每年金馬獎公佈提名名單，作為一個港片愛好者、一個香港人，總會留意吓今年又有幾多部港片、港星入圍。近年嘅金馬獎，明顯青睞本土台灣片或中國電影。你可以認為係金馬獎寧向藝術成就靠攏多於以星光吸引觀眾眼球，也可以此認為係香港電影水準日益低落嘅反映。話需如此，但係水準出色嘅港片港星，仍然有機會入圍金馬一爭長短。即將在港上映嘅港產片《翠絲》，分別響最佳男、女配角獎項獲得提名(可惜了小黑哥!) 。貴為上屆金馬影后嘅紅姐(惠英紅)固然係大熱之選，但係男配角一項，令呢位縱橫影壇、藝壇多年嘅朋友，終於可以站於眾人之前，先係小弟希望寫呢篇文嘅原因。
呢位朋友，就係香港資深演員，袁富華先生。
袁富華直至而家，仍然係香港舞台劇界嘅中流砥柱；至於香港電影，更係經常見其身影。袁富華最早參與嘅幾部電影作品，都係舞台劇拍成電影版，如《人間有情》《偷錯隔牆花》《南海十三郎》等，由舞台劇原版人馬參與嘅電影。當時係適逢高志森將《我和春天有個約會》拍成電影版意外大賣，從而衍生出呢系列由舞台劇「依書直拍」嘅電影。呢D電影為香港觀眾介紹咗好多演技派，如劉雅麗、蘇玉華、謝君豪、(直到近期《逆流大叔》終於大放異彩嘅)潘燦良、高翰文等.....袁富華亦係當中一員。舞台劇電影退潮後，袁富華繼續留響電影圈，出演大大小小不同電影、角色。但係講到最具知名度嘅一個角色，必數周星馳《喜劇之王》入面嘅「皮褸哥」阿Ben。
《喜劇之王》響周星馳中後期嘅作品之中，擁有一定嘅地位。星爺響片中飾演一個掙扎求存嘅演員，大談方法演技、史坦尼斯拉夫斯基，特別有夫子自道嘅味道。即使影片響電影語言同個別橋段上，有唔平均同過於趕急就章嘅味道，但仍然算係屬於周星馳一部比較有質素同埋值得談論、重覆觀看嘅電影作品。片中亦孕育出唔少令人印象深刻嘅綠葉角色，如成日「依牙鬆鋼」嘅領班霞姨、非常燥狂嘅副導Sunny哥、身體語言異常浮誇嘅導演 (李思捷)、儀容恐怖嘅Pierre、渴望搵初戀嘅有錢佬.....
偏偏袁富華飾演嘅皮褸悍匪，大家都記得，但係大家總係唔多提起。(雖然，袁富華憑此角色都拍過一個茶餐廳廣告.....)
總括袁富華嘅電影生涯，雖然演出不絕，袁富華亦總係非常恰如其分地演好自己嘅角色，但係香港嘅觀眾，往往無閒心去了解、細味呢種「恰如其分」，或者被香港三十年來盡皆過火、盡皆痴狂(港片研究學者 David Brodwell語)嘅口味影響、寵壞，令我地只係識得記得一D痴Q線嘅角色.....相信有唔少香港觀眾，對於袁富華亦只會歸納為「好熟口面」之類嘅演員。
其實工業上亦好唔得幾多，有唔少將袁富華歸類為「好熟口面」嘅觀眾，可能自己同時都係影視從業員；於是將工作上，亦只會為袁富華安排一D「好熟口面」嘅角色.....好啦，到今次嘅提名，終於令袁富華可以站到眾人前，但係考慮其原因，小弟未睇《翠絲》，但知道今次袁富華係飾演一個男花旦，可想而知總會有一D型諸於外嘅演出，令袁富華終於被金馬獎評審所「看到」。以前「恰如其分」就看不到，看來「Less is More」「簡單是美」等審美觀，響華人社會還是行不通.....
無論如何，袁富華今次嘅被提名，對於香港演員，無疑仍然係一支強心針。就有如《喜劇之王》周星馳飾演嘅尹天仇一樣，堅持、奮鬥，總有成果。而且，本身嚟講，袁富華比起電影中嘅尹天仇，本來就更接近一個「好演員」身份。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/