菲律賓首部國際級動作鉅片《BuyBust》
文 : 吹水王‧泰利
若要數東南亞動作電影嘅興起史，當數2003年泰國出品嘅《拳霸》(Ong- Bak)；本片除咗一舉捧紅男主角Tony Jaa成為國際動作巨星外，亦以此作為泰國電影業興起嘅宣言，唔止香港，亞洲各國等新興電影市場，亦能製作屬於自己嘅硬橋硬馬功夫片。2011年印尼出品嘅《突擊死亡塔》(The Raid)將亞洲動作電影推出國際高峰，2014年出品嘅續集《突擊死亡塔2》(The Raid 2 : Berandal) 更將近代搏鬥電影提醒到一個前所未有嘅高標準。連電影業仍屬起步階段嘅柬埔寨，去年都製作咗第一部功夫動作電影《殺出金邊監獄》(Jailbreak)。於是令到本土電影業發達、但商業電影外銷成績就較一般嘅菲律賓影業都躍躍欲試，希望以製作具有國際水準嘅動作電影，爭取外國市場留意。因此而導致電影《BuyBust》嘅面世。
《BuyBust》故事模式與《突擊死亡塔》有點相似，同樣講述特警執行掃毒任務，被圍困於一個幽閉空間，叫天不應叫地不聞，警員只能咬緊牙關，以膽正名平嘅真功夫殺出重圍。只不過，當年嘅《突擊死亡塔》其實亦係「Die Hard Scenario」，警察被困高樓以寡敵眾。而今次《BuyBust》嘅故事主要背景，卻係一個類似「菲國九龍城寨」嘅九反之城。《突擊死亡塔》內警員尚且得到大廈好心住客施以援手，但係《BuyBust》中特警要面對嘅，除咗持有重火力、殺人唔眨眼嘅毒犯外，仲要面對生存在警匪掃毒戰下、生活朝不保夕而遷怒於警方嘅大批暴民。重裝警察腹背受敵，慘烈程度可想而知。
《BuyBust》片長127分鐘，當真有超過100分鐘係純粹動作場面。影片發展到約20分鐘左右，就開始警方意圖以線人引出大毒梟嘅佈圖；不過大毒梟醒目(事後證實同內鬼有關)，將毒品交易移師至貧民區。特警不虞有咋，聯群深入虎穴，卻發現被一群重火力武裝爪牙重重包圍；經過一輪駁火近戰，警察毒犯損兵折將…..到倖存嘅特警準備不擇手段逃出貧民區搵支援時，影片才只剛剛過咗一半。
下半場特警慌不擇路嘅逃亡，才是影片真正嘅精粹部份。其時警察、毒犯、暴民台上台下打成一片，幾乎已無警賊之分，彼此只係活命而拼命毆鬥、互相殺戮，有如野犬相食般，陷入一片無政府主義之中，甚至打到有D狂歡嘉年華意味。呢一個小時嘅動作場面，相比《突擊死亡塔2》沒完沒了嘅拳腳功夫戰，其令觀眾睇到筋疲力竭嘅程度，可謂不遑多讓。不過《突擊死亡塔》嘅拳腳功夫設計，以及主要演員及武師嘅根底，都份屬經典。而《BuyBust》雖然響模式上極力模彷，但響實在嘅拳腳設計同拍攝效果上，仍有點不足。女主角Anne Curtis雖然搏盡，仍始終有點花拳绣腿味。不過作為第一部菲律賓動作鉅片， 《BuyBust》已經展露出菲律賓人花響製作電影上嘅魄力。除咗動作外，本片嘅美術設計(片中貧民區嘅製作設計尤其仔細)以及攝影(無論貧民區嘅燈光設計以及運鏡方式)都具備國際水準。
而最妙嘅係， 《BuyBust》除咗令菲律賓影人走向國際外，本土觀眾亦相信影片係製作人以此對近年菲律賓總統致力打擊毒品，造成大量城市戰爭嘅Social Statement。影片以大毒梟陳先生教訓女主角嘅一番說話，指出所謂掃毒戰，只係黑、商、政、警勾結，為爭權奪利而衍生嘅副產品。原來表面最大嗰個先係至奸嗰個(呢方面又係「參考」《突擊死亡塔》)，而且往往人外有人、罪惡野火燒不盡。最後女主角萬念俱灰，只能以暴易暴，亦算係製作人對於菲律賓社會民生因貪腐而不穩嘅絕望吶喊。
小弟睇過一D網上評論，指《BuyBust》班特警貿然決定攻入貧民區，有失智之嫌。但基於一D永難磨滅嘅新聞、歷史事件，小弟卻認為呢種執法部門嘅貿然草率，放到菲律賓卻係完全合理(香港人應該特別有同感吧!)。其實睇過呢部戲，或者都會感受到，所謂專業理性只係幌子，編導真正想拍嘅，係高壓權治以及極度貧困下嘅社會，嗰種一觸即發、無理性、無政府主義式嘅瘋狂。影片最後一個鏡頭，係鳥瞰經過一夜暴亂、屍橫遍野嘅貧民區，然後鏡頭揚起，遠處嘅商業區、高樓大廈依舊聳立…..就算琴晚死幾多人都好，明天一早，太陽，還是會照常升起。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
若要數東南亞動作電影嘅興起史，當數2003年泰國出品嘅《拳霸》(Ong- Bak)；本片除咗一舉捧紅男主角Tony Jaa成為國際動作巨星外，亦以此作為泰國電影業興起嘅宣言，唔止香港，亞洲各國等新興電影市場，亦能製作屬於自己嘅硬橋硬馬功夫片。2011年印尼出品嘅《突擊死亡塔》(The Raid)將亞洲動作電影推出國際高峰，2014年出品嘅續集《突擊死亡塔2》(The Raid 2 : Berandal) 更將近代搏鬥電影提醒到一個前所未有嘅高標準。連電影業仍屬起步階段嘅柬埔寨，去年都製作咗第一部功夫動作電影《殺出金邊監獄》(Jailbreak)。於是令到本土電影業發達、但商業電影外銷成績就較一般嘅菲律賓影業都躍躍欲試，希望以製作具有國際水準嘅動作電影，爭取外國市場留意。因此而導致電影《BuyBust》嘅面世。
《BuyBust》故事模式與《突擊死亡塔》有點相似，同樣講述特警執行掃毒任務，被圍困於一個幽閉空間，叫天不應叫地不聞，警員只能咬緊牙關，以膽正名平嘅真功夫殺出重圍。只不過，當年嘅《突擊死亡塔》其實亦係「Die Hard Scenario」，警察被困高樓以寡敵眾。而今次《BuyBust》嘅故事主要背景，卻係一個類似「菲國九龍城寨」嘅九反之城。《突擊死亡塔》內警員尚且得到大廈好心住客施以援手，但係《BuyBust》中特警要面對嘅，除咗持有重火力、殺人唔眨眼嘅毒犯外，仲要面對生存在警匪掃毒戰下、生活朝不保夕而遷怒於警方嘅大批暴民。重裝警察腹背受敵，慘烈程度可想而知。
《BuyBust》片長127分鐘，當真有超過100分鐘係純粹動作場面。影片發展到約20分鐘左右，就開始警方意圖以線人引出大毒梟嘅佈圖；不過大毒梟醒目(事後證實同內鬼有關)，將毒品交易移師至貧民區。特警不虞有咋，聯群深入虎穴，卻發現被一群重火力武裝爪牙重重包圍；經過一輪駁火近戰，警察毒犯損兵折將…..到倖存嘅特警準備不擇手段逃出貧民區搵支援時，影片才只剛剛過咗一半。
下半場特警慌不擇路嘅逃亡，才是影片真正嘅精粹部份。其時警察、毒犯、暴民台上台下打成一片，幾乎已無警賊之分，彼此只係活命而拼命毆鬥、互相殺戮，有如野犬相食般，陷入一片無政府主義之中，甚至打到有D狂歡嘉年華意味。呢一個小時嘅動作場面，相比《突擊死亡塔2》沒完沒了嘅拳腳功夫戰，其令觀眾睇到筋疲力竭嘅程度，可謂不遑多讓。不過《突擊死亡塔》嘅拳腳功夫設計，以及主要演員及武師嘅根底，都份屬經典。而《BuyBust》雖然響模式上極力模彷，但響實在嘅拳腳設計同拍攝效果上，仍有點不足。女主角Anne Curtis雖然搏盡，仍始終有點花拳绣腿味。不過作為第一部菲律賓動作鉅片， 《BuyBust》已經展露出菲律賓人花響製作電影上嘅魄力。除咗動作外，本片嘅美術設計(片中貧民區嘅製作設計尤其仔細)以及攝影(無論貧民區嘅燈光設計以及運鏡方式)都具備國際水準。
而最妙嘅係， 《BuyBust》除咗令菲律賓影人走向國際外，本土觀眾亦相信影片係製作人以此對近年菲律賓總統致力打擊毒品，造成大量城市戰爭嘅Social Statement。影片以大毒梟陳先生教訓女主角嘅一番說話，指出所謂掃毒戰，只係黑、商、政、警勾結，為爭權奪利而衍生嘅副產品。原來表面最大嗰個先係至奸嗰個(呢方面又係「參考」《突擊死亡塔》)，而且往往人外有人、罪惡野火燒不盡。最後女主角萬念俱灰，只能以暴易暴，亦算係製作人對於菲律賓社會民生因貪腐而不穩嘅絕望吶喊。
小弟睇過一D網上評論，指《BuyBust》班特警貿然決定攻入貧民區，有失智之嫌。但基於一D永難磨滅嘅新聞、歷史事件，小弟卻認為呢種執法部門嘅貿然草率，放到菲律賓卻係完全合理(香港人應該特別有同感吧!)。其實睇過呢部戲，或者都會感受到，所謂專業理性只係幌子，編導真正想拍嘅，係高壓權治以及極度貧困下嘅社會，嗰種一觸即發、無理性、無政府主義式嘅瘋狂。影片最後一個鏡頭，係鳥瞰經過一夜暴亂、屍橫遍野嘅貧民區，然後鏡頭揚起，遠處嘅商業區、高樓大廈依舊聳立…..就算琴晚死幾多人都好，明天一早，太陽，還是會照常升起。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/