《Marvel 隊長》
根據小弟觀察，香港觀看《Marvel 隊長》(Captain Marvel)嘅觀眾主要分成三種:第一係「Marvel」狂迷，無「Marvel」不歡，所有同「Marvel」有關嘅製作都會囫圇吞棗一番以示支持；第二種係將「Marvel」電影當成連續劇咁睇，每年兩至三部嘅「Marvel」電影都係以追劇心態去睇。即使對個別人物電影興趣不大，但為咗滿足而家「Marvel」「藤Lung瓜瓜Lung藤」嘅叙事方式。好聽D講就叫做「建構Marvel世界觀」，直接點講其實係綑綁式消費，令影迷缺一不可。
第三種觀眾其實係嗰種但求消磨時間、睇電影不問內容嘅普通觀眾，呢種人士不在本欄討論之列。其實小弟想指出嘅係，各位讀者中，有幾多人係同小弟一樣係第二種觀眾，係將「Marvel」電影當成連續劇咁睇呢? 又或者因此而要「哽」埋一D其實興趣唔大嘅英雄個人電影? 但小弟只知道，以《雷神奇俠3》為例，小弟係毫不享受觀看呢部電影，對片中嘅硬滑稽同玩世不恭嘅氣氛毫不欣賞，但如果唔睇埋呢部，當你睇《復仇者聯盟3》時又會一頭霧水……
《Marvel 隊長》嘅定位，其實同《雷神奇俠3》差唔多，係作為連結「大事件」(即《復仇者聯盟4》)嘅最後一環連結。金像影后Brie Larson飾演嘅「Marvel 隊長」，被認為《復仇者聯盟4》中對抗大反派Thanos嘅秘密武器，亦因此而令各位「Marvel」狂迷，對於呢個英雄嘅第一部起源作品翹首以待。不過由Brie Larson嘅外型，到「Marvel 隊長」呢個角色響動漫界一般嘅知名度，都令呢部戲響上映前，被部份影迷睇低一線。所以另一邊廂，唯有迎合美國社會近期流行嘅性別議題，突出「Marvel 隊長」係「Marvel」第一個擁有個人電影嘅一線女英雄，以女權、女性主義作為宣傳重點。
究竟影片質素如何? 坊間評論頗為兩極化。而小弟覺得， 《Marvel 隊長》並無丟了「Marvel」電影嘅金漆招牌，反而更顯示出作為漫畫英雄電影嘅龍頭、旗艦， 「Marvel」響整部電影嘅設計、劇本選材同編排上更為成熟。當對家「DC」才逐漸以王道公式故事(《神奇女俠》《水行俠》)慢慢收復失地， 「Marvel」已經懂得玩劇本類型、玩時代氣息，甚至同唔同類型嘅流行文化玩cross reference。
《Marvel 隊長》放棄採取平鋪直叙嘅叙事同介紹角色出場方式，反而係以主角Brie Larson「我是誰?」式嘅「尋找自我身份」作為故事主線，並以拼圖式嘅叙事方式去建構出主角Carol嘅過往現在。如果以傳統嘅王道叙事方式，由童年開始介紹Carol出場、成為機師、因故獲得神奇力量…..恐怕只會淪為又一部超級英雄電影。但係以非線性嘅拼圖方式建立出人物背景，起碼響角色尋找自我之時可以帶一份懸疑感同神秘感，增加可觀性。尤其係《Marvel 隊長》響「Marvel」電影製作中，以成本規模以至演出陣容而言，應只屬於二線頭一線尾製作。響缺乏旗艦級嘅特技動作場面之下，唯有以劇本上嘅趣味點子上去吸引觀眾。
當影片描述「Marvel 隊長」墜落地球，來到1995年嘅洛杉磯；影片筆鋒一轉，就變成90年代式嘅孖Beat動作喜劇。「Marvel 隊長」同壯年版Nick Fury(Samuel L. Jackson)嘅互動鬥咀，甚有當年「費局長」同 Bruce Willis( 《虎膽龍威第三集》)、Geena Davis(《特工狂花》)合拍時嘅風采。甚至連同後生版Agent Coulson (Clark Gregg又粉墨登場)嘅互動，都可被觀眾將之同《危險人物》對號入座。加上影片嘅90年代設定，由「百視達」(Blockbuster)影視店，到90年代嘅音樂同服飾，全部都係「Marvel」以至背後嘅母公司「Disney」，經過對觀眾用家作詳細市場調查後嘅精心設計。
如果以戲論戲，單從基本橋段而言， 《Marvel 隊長》其實並無新意可言。例如Carol 與Yon-Rogg (Jude Law)亦師亦友亦敵嘅師徒關係，觀眾已經睇過唔知幾多十萬次 (去年口碑票房皆仆嘅《韓索羅：星球大戰外傳》正是如此)。不過「Marvel」深明流行商業電影，不外乎係將不同元素肆意整合，與其諗條石破天驚嘅橋段，不如將舊有元素如執藥般重新組合，將傳統英雄起源橋段化整為零，加入網絡年代嘅必殺趣味元素(不得不提嗰隻Goose!)以及若干嘅社會議題 (片中對以「反派」Talos為首嘅外星Skrulls族嘅描述，可對應美國以至西方社會，近年對於中東難民嘅關愛立場)，加上片首對Stan Lee嘅致敬部分。因此《Marvel 隊長》呢部戲可以講係目不瑕給，即使所有元素見慣見熟，但係併盤式嘅包裝又會令觀眾覺得「抵食夾大件」，響內容上亦算無遺策。
至於演員方面，儘管Brie Larson由被選中一刻已備受不少批評。但如果以角色性格同表現而言， Brie Larson其實相當稱職。好多人批評Brie Larson 唔夠靚女、唔夠星味，但如果大家細閱《Marvel 隊長》中呢個Carol Danvers嘅角色，係需要一個非常之有美國味嘅女星出演。電影版嘅Carol Danvers，係一個響鄉村成長嘅女孩，夢想成為空軍機師，報效國家之餘又可以翱翔天際。佢響以男性主導嘅軍旅中掙扎求存，形成堅忍嘅個性。同時角色亦有桀驁不馴嘅一面，有時亦會燥動不已。可見Carol Danvers呢個角色，其實係一個活脫脫嘅「Cow Girl」，一個為理想堅毅不屈、對抗強權不怕動武嘅女版牛仔。Brie Larson響外型審美上，其實頗適合角色大開大合嘅個性。如果搵個纖細型、甚至非美國人去飾演呢個角色，更猶有不合。Brie Larson呢位出身於加州嘅女演員，無論外型氣息同演技上，都相當配合呢個非常之「Americana」嘅美國式英雄。所以批評部戲「唔搵個靚D嘅女演員」之前，不妨先睇吓部戲同個角色，其實需要一個咩嘢演員。即使Brie Larson響呢部戲談不上出色也絕對稱職。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/
第三種觀眾其實係嗰種但求消磨時間、睇電影不問內容嘅普通觀眾，呢種人士不在本欄討論之列。其實小弟想指出嘅係，各位讀者中，有幾多人係同小弟一樣係第二種觀眾，係將「Marvel」電影當成連續劇咁睇呢? 又或者因此而要「哽」埋一D其實興趣唔大嘅英雄個人電影? 但小弟只知道，以《雷神奇俠3》為例，小弟係毫不享受觀看呢部電影，對片中嘅硬滑稽同玩世不恭嘅氣氛毫不欣賞，但如果唔睇埋呢部，當你睇《復仇者聯盟3》時又會一頭霧水……
《Marvel 隊長》嘅定位，其實同《雷神奇俠3》差唔多，係作為連結「大事件」(即《復仇者聯盟4》)嘅最後一環連結。金像影后Brie Larson飾演嘅「Marvel 隊長」，被認為《復仇者聯盟4》中對抗大反派Thanos嘅秘密武器，亦因此而令各位「Marvel」狂迷，對於呢個英雄嘅第一部起源作品翹首以待。不過由Brie Larson嘅外型，到「Marvel 隊長」呢個角色響動漫界一般嘅知名度，都令呢部戲響上映前，被部份影迷睇低一線。所以另一邊廂，唯有迎合美國社會近期流行嘅性別議題，突出「Marvel 隊長」係「Marvel」第一個擁有個人電影嘅一線女英雄，以女權、女性主義作為宣傳重點。
究竟影片質素如何? 坊間評論頗為兩極化。而小弟覺得， 《Marvel 隊長》並無丟了「Marvel」電影嘅金漆招牌，反而更顯示出作為漫畫英雄電影嘅龍頭、旗艦， 「Marvel」響整部電影嘅設計、劇本選材同編排上更為成熟。當對家「DC」才逐漸以王道公式故事(《神奇女俠》《水行俠》)慢慢收復失地， 「Marvel」已經懂得玩劇本類型、玩時代氣息，甚至同唔同類型嘅流行文化玩cross reference。
《Marvel 隊長》放棄採取平鋪直叙嘅叙事同介紹角色出場方式，反而係以主角Brie Larson「我是誰?」式嘅「尋找自我身份」作為故事主線，並以拼圖式嘅叙事方式去建構出主角Carol嘅過往現在。如果以傳統嘅王道叙事方式，由童年開始介紹Carol出場、成為機師、因故獲得神奇力量…..恐怕只會淪為又一部超級英雄電影。但係以非線性嘅拼圖方式建立出人物背景，起碼響角色尋找自我之時可以帶一份懸疑感同神秘感，增加可觀性。尤其係《Marvel 隊長》響「Marvel」電影製作中，以成本規模以至演出陣容而言，應只屬於二線頭一線尾製作。響缺乏旗艦級嘅特技動作場面之下，唯有以劇本上嘅趣味點子上去吸引觀眾。
當影片描述「Marvel 隊長」墜落地球，來到1995年嘅洛杉磯；影片筆鋒一轉，就變成90年代式嘅孖Beat動作喜劇。「Marvel 隊長」同壯年版Nick Fury(Samuel L. Jackson)嘅互動鬥咀，甚有當年「費局長」同 Bruce Willis( 《虎膽龍威第三集》)、Geena Davis(《特工狂花》)合拍時嘅風采。甚至連同後生版Agent Coulson (Clark Gregg又粉墨登場)嘅互動，都可被觀眾將之同《危險人物》對號入座。加上影片嘅90年代設定，由「百視達」(Blockbuster)影視店，到90年代嘅音樂同服飾，全部都係「Marvel」以至背後嘅母公司「Disney」，經過對觀眾用家作詳細市場調查後嘅精心設計。
如果以戲論戲，單從基本橋段而言， 《Marvel 隊長》其實並無新意可言。例如Carol 與Yon-Rogg (Jude Law)亦師亦友亦敵嘅師徒關係，觀眾已經睇過唔知幾多十萬次 (去年口碑票房皆仆嘅《韓索羅：星球大戰外傳》正是如此)。不過「Marvel」深明流行商業電影，不外乎係將不同元素肆意整合，與其諗條石破天驚嘅橋段，不如將舊有元素如執藥般重新組合，將傳統英雄起源橋段化整為零，加入網絡年代嘅必殺趣味元素(不得不提嗰隻Goose!)以及若干嘅社會議題 (片中對以「反派」Talos為首嘅外星Skrulls族嘅描述，可對應美國以至西方社會，近年對於中東難民嘅關愛立場)，加上片首對Stan Lee嘅致敬部分。因此《Marvel 隊長》呢部戲可以講係目不瑕給，即使所有元素見慣見熟，但係併盤式嘅包裝又會令觀眾覺得「抵食夾大件」，響內容上亦算無遺策。
至於演員方面，儘管Brie Larson由被選中一刻已備受不少批評。但如果以角色性格同表現而言， Brie Larson其實相當稱職。好多人批評Brie Larson 唔夠靚女、唔夠星味，但如果大家細閱《Marvel 隊長》中呢個Carol Danvers嘅角色，係需要一個非常之有美國味嘅女星出演。電影版嘅Carol Danvers，係一個響鄉村成長嘅女孩，夢想成為空軍機師，報效國家之餘又可以翱翔天際。佢響以男性主導嘅軍旅中掙扎求存，形成堅忍嘅個性。同時角色亦有桀驁不馴嘅一面，有時亦會燥動不已。可見Carol Danvers呢個角色，其實係一個活脫脫嘅「Cow Girl」，一個為理想堅毅不屈、對抗強權不怕動武嘅女版牛仔。Brie Larson響外型審美上，其實頗適合角色大開大合嘅個性。如果搵個纖細型、甚至非美國人去飾演呢個角色，更猶有不合。Brie Larson呢位出身於加州嘅女演員，無論外型氣息同演技上，都相當配合呢個非常之「Americana」嘅美國式英雄。所以批評部戲「唔搵個靚D嘅女演員」之前，不妨先睇吓部戲同個角色，其實需要一個咩嘢演員。即使Brie Larson響呢部戲談不上出色也絕對稱職。
香港電影吹水王
https://www.facebook.com/confessionmoviejunkiehk/
國際電影吹水王
https://www.facebook.com/confessionmoviejunkieinter/
吹水王‧泰利
https://www.facebook.com/terryboilwaterkinghk/