熱刺歐戰對手拍片引戰 抽曬倫敦球隊水

歐洲各大聯賽陸續展開，而三項歐洲盃賽亦進入最後附加賽的階段。早兩晚上演過歐聯附加賽首循環賽事，歐霸和新成立的歐洲協會聯賽附加賽亦在今晚上演，其中英超代表熱刺將會先作客葡萄牙，對上屆葡超第五的費利拿（Paços de Ferreira）。就在比賽前一星期，主隊先在社交媒體挑機，在網絡上先贏一仗。


費利拿昨日在社交媒體上載片段，為今場歐協聯附加賽造勢，找來兩人飾演球迷。片段中，先播出突發新聞片段，報導指費利拿在上一圈擊敗北愛爾蘭的Larne FC後，將會對倫敦其中一支強隊，兩位球迷開始討論，抽盡各倫敦球隊水。



球迷A：咩話？費利拿會對車路士？
球迷B：你係咪痴咗線呀？車路士踢歐聯嘛...球迷A：咁即係阿仙奴啦...正！
球迷B：唔好成個白痴仔咁啦，佢哋冇份踢歐洲賽呀...
球迷A：咁我估，有番梘泡（Bubbles）嗰隊！（韋斯咸會歌為：I'm forever blowing bubbles）
球迷B：韋斯咸？唔係呀，佢哋會踢歐霸盃
球迷A：咁...富咸又降咗班，即係得返水晶宮啦...

此時，費利拿吉祥物出場，將熱刺會徽拋給球迷A，他再說道：哦，係呢班友，得啦我哋輕鬆過關！



費利拿的Twitter帳戶，只有2.5萬人追蹤，不過此片段在上星期出街後爆紅，足足錄得超過100萬個點擊，在開賽前先贏一仗。不過，熱刺上仗成功在主場擊敗衛冕冠軍曼城，士氣高昂，可見隊長哈利簡尼事件未有影響軍心，費利拿主場希望全身而退，恐怕絕非容易。