抖足四個月後復出 丹比利落場25分鐘後又再傷過

法國新星奧斯文尼丹比利（Ousmane Dembele）自從加盟巴塞隆拿後，經歷過多次大大少少不同的傷患，稱得上是玻璃腳。他在剛剛的歐國盃分組賽觸傷膝部，提早退賽，一直養傷至今個星期才復出，想不到短短兩日後巴塞又再公佈他受傷的消息。


巴塞昨日公佈，丹比利左腿筋的半膜肌拉傷，連同背部受傷的達斯治缺陣周末的聯賽。丹比利自從6月中傷出後，一直休養超過四個月，到星期二晚巴塞作客基輔戴拿模一戰才復出，今季首次上陣，在65分鐘後備入替小將加維。西班牙媒體報導指，丹比利並非在比賽時受傷，然而，巴塞隊醫曾建議丹比利繼續休戰，但巴塞暫任主帥巴祖安提早派遣丹比利上陣，結果招來惡果。


報導又指，丹比利預計將會再缺陣三星期的時間，肯定不能夠在國際賽期為法國候命，也會缺陣巴塞對愛斯賓奴的加泰打吡。自從丹比利加盟巴塞後，已經歷過大大少少的13次受傷，累計缺陣670日，錯過98場比賽，而他目前只不過為球隊上陣119場，可見他的傷患時何其誇張。