出走華東Day 1
機緣巧合之下，我嘅畢業旅行，喺晴朗的一天開始咗。希望返嚟之後，我會有一種柳暗花明又一村嘅感覺。
因為俾人誤導嘅緣故，我哋比集合時間早咗個半鐘去到機場。雖然咁大個人第一次去機場，雖然香港嘅機場真係好大，但我相信我要行晒佢都唔需要咁多時間。
到咗集合時間，喺約定嘅地點搵到個領隊 —— 比我後生好多嘅女仔。可能係新人嘅關係，所以一直都係企喺佢隔離嘅機場主任同我溝通，然後就係航空公司職員。大家都專注處理我部車嘅嘢。其實我事前已經知道輪椅要寄艙，亦都知道要轉坐另一部輪椅上機，點知佢哋竟然俾我坐返自己部車上機！咁仲好，唔使再起身坐低，痛都少啲。
搞掂架車嘅嘢之後，我哋就坐咗埋一邊。領隊行埋嚟俾登機證我哋，又問我哋briefing嗰陣係媽咪行埋去聽定我都會去，幾nice嘅一個女仔。
事前好擔心旅行團會好多人，自己手腳又慢，會累其他人等我。點知除咗我同媽咪之外，就只有一個八口家 —— 阿爸阿媽四姊弟加一個女婿同一個BB！佢一去到就叫領隊幫佢哋影相。見到佢哋影得好開心，但唔知點解，我又唔多鍾意周圍影，所以就同媽咪搵間餐廳坐低，等佢可以慳返啲腳骨力。
話就話早機去夜機返，點知飛機飛到上天嗰陣，已經係下晝四點。第一次搭飛機，事前好擔心會唔舒服，點知除咗本身嘅老人病之外，基本上一切安好。坐第一行窗口位﹙航空公司特登幫我安排，唔使我行太遠，真係好感恩﹚，一路睇住天空嘅變化，真係覺得好靚好奇妙。
飛機降落上海已經六點幾，估唔到機場安排部輪椅俾我。知道我有私家車之後，又要等佢推返架車返去之後先至推我去集合地點，就咁又喺登機通道等咗十幾分鐘。好彩去到之後大家都仲未攞齊行李。
原來華東團會有一個全陪導遊。今次呢個自稱廣東話係全公司講得最好，因為佢係特登去學﹙但五日裏面我哋有時都唔明大家嘅說話係咩意思﹚。同佢會合咗，滿足咗大家嘅需要之後，跟住我哋就搭三十分鐘旅遊巴去食飯。已經有超過十年冇搭旅遊巴，實情亦一如我所料，雖然兩邊有扶手，上落都安全，但我嘅腳力，已經大不如前，好在雙手有力。
華東嘅街道，比我預期嘅平坦，輪椅上落絕對冇問題。最大的問題係 —— 就好似澳門咁，有斑馬線嘅地方冇紅綠燈，有紅綠燈嘅地方冇斑馬線，就算行人綠燈之下，車唔可以直行，但依然可以轉彎，人車爭路嘅情況，似乎已經成為當地人生活嘅一部份，難怪香咁多人反對自駕遊南下。
導遊話曾經有團友話團餐只係用嚟維持生命，某程度上我都幾認同 —— 雖然擺到成枱餸，但就連我呢個對食冇乜要求嘅人，都覺得冇一樣入得口。可能因為呢個原因，同行嘅幾姊妹每次上晒菜之後都會舉起相機影低佢。之前我估自己都會咁做，但結果係冇咁嘅興致。好在自己食量一向唔大，用湯水撈一碗飯就一餐。
同行嘅BB暱稱謙謙，好可愛好有禮貌好鍾意黐住公公，話我知叫咩名嗰陣仲會中英對照，之後幾日佢都俾咗我好多歡樂。
食完飯已經八點機，之後痛苦嘅事就嚟喇 —— 我哋要坐三個鐘頭車去杭州！我真係好難想像落車之後我會痛到咩樣。
舊年李純恩嘅一個旅遊節目都有夜晚揸車穿州過省嘅情景。我唔知我哋係咪行同一條路線，但我哋亦都喺嘉興嘅服務站停留過，試過導遊口中嘅馳名嘉興糉，不過都只係一個名不副實嘅例子。
夜晚搭長途車，仲要大部份時間都係行高速公路，雖然途中見到為慶祝第二日有人結婚而放嘅煙花，但亦見到交通意外，其實都幾恐怖。既然第一站係杭州，咁點解唔直飛杭州呢？
上到酒店房已經十一點幾。經歷完搭車仲耐過搭飛機嘅一日之後，我以為今晚會因為太攰而好好瞓，點知又冇我份。Anyway，雖然曾經有一剎那掛住香港，但我已經平安到達細細個已經喺課本同埋電視劇認識嘅杭州喇！
因為俾人誤導嘅緣故，我哋比集合時間早咗個半鐘去到機場。雖然咁大個人第一次去機場，雖然香港嘅機場真係好大，但我相信我要行晒佢都唔需要咁多時間。
到咗集合時間，喺約定嘅地點搵到個領隊 —— 比我後生好多嘅女仔。可能係新人嘅關係，所以一直都係企喺佢隔離嘅機場主任同我溝通，然後就係航空公司職員。大家都專注處理我部車嘅嘢。其實我事前已經知道輪椅要寄艙，亦都知道要轉坐另一部輪椅上機，點知佢哋竟然俾我坐返自己部車上機！咁仲好，唔使再起身坐低，痛都少啲。
搞掂架車嘅嘢之後，我哋就坐咗埋一邊。領隊行埋嚟俾登機證我哋，又問我哋briefing嗰陣係媽咪行埋去聽定我都會去，幾nice嘅一個女仔。
事前好擔心旅行團會好多人，自己手腳又慢，會累其他人等我。點知除咗我同媽咪之外，就只有一個八口家 —— 阿爸阿媽四姊弟加一個女婿同一個BB！佢一去到就叫領隊幫佢哋影相。見到佢哋影得好開心，但唔知點解，我又唔多鍾意周圍影，所以就同媽咪搵間餐廳坐低，等佢可以慳返啲腳骨力。
話就話早機去夜機返，點知飛機飛到上天嗰陣，已經係下晝四點。第一次搭飛機，事前好擔心會唔舒服，點知除咗本身嘅老人病之外，基本上一切安好。坐第一行窗口位﹙航空公司特登幫我安排，唔使我行太遠，真係好感恩﹚，一路睇住天空嘅變化，真係覺得好靚好奇妙。
飛機降落上海已經六點幾，估唔到機場安排部輪椅俾我。知道我有私家車之後，又要等佢推返架車返去之後先至推我去集合地點，就咁又喺登機通道等咗十幾分鐘。好彩去到之後大家都仲未攞齊行李。
原來華東團會有一個全陪導遊。今次呢個自稱廣東話係全公司講得最好，因為佢係特登去學﹙但五日裏面我哋有時都唔明大家嘅說話係咩意思﹚。同佢會合咗，滿足咗大家嘅需要之後，跟住我哋就搭三十分鐘旅遊巴去食飯。已經有超過十年冇搭旅遊巴，實情亦一如我所料，雖然兩邊有扶手，上落都安全，但我嘅腳力，已經大不如前，好在雙手有力。
華東嘅街道，比我預期嘅平坦，輪椅上落絕對冇問題。最大的問題係 —— 就好似澳門咁，有斑馬線嘅地方冇紅綠燈，有紅綠燈嘅地方冇斑馬線，就算行人綠燈之下，車唔可以直行，但依然可以轉彎，人車爭路嘅情況，似乎已經成為當地人生活嘅一部份，難怪香咁多人反對自駕遊南下。
導遊話曾經有團友話團餐只係用嚟維持生命，某程度上我都幾認同 —— 雖然擺到成枱餸，但就連我呢個對食冇乜要求嘅人，都覺得冇一樣入得口。可能因為呢個原因，同行嘅幾姊妹每次上晒菜之後都會舉起相機影低佢。之前我估自己都會咁做，但結果係冇咁嘅興致。好在自己食量一向唔大，用湯水撈一碗飯就一餐。
同行嘅BB暱稱謙謙，好可愛好有禮貌好鍾意黐住公公，話我知叫咩名嗰陣仲會中英對照，之後幾日佢都俾咗我好多歡樂。
食完飯已經八點機，之後痛苦嘅事就嚟喇 —— 我哋要坐三個鐘頭車去杭州！我真係好難想像落車之後我會痛到咩樣。
舊年李純恩嘅一個旅遊節目都有夜晚揸車穿州過省嘅情景。我唔知我哋係咪行同一條路線，但我哋亦都喺嘉興嘅服務站停留過，試過導遊口中嘅馳名嘉興糉，不過都只係一個名不副實嘅例子。
夜晚搭長途車，仲要大部份時間都係行高速公路，雖然途中見到為慶祝第二日有人結婚而放嘅煙花，但亦見到交通意外，其實都幾恐怖。既然第一站係杭州，咁點解唔直飛杭州呢？
上到酒店房已經十一點幾。經歷完搭車仲耐過搭飛機嘅一日之後，我以為今晚會因為太攰而好好瞓，點知又冇我份。Anyway，雖然曾經有一剎那掛住香港，但我已經平安到達細細個已經喺課本同埋電視劇認識嘅杭州喇！