對兩支榜首僅得0.2xG，阿士東維拉未來可期，惟尚欠韌性

執掌半季過後，謝拉特（Steven Gerrard）慢慢搵到自己想要嘅戰術藍圖。今季阿士東維拉嘅調整，大致上係喺上一季以壓迫反擊嘅基礎上，再增加主動搶攻嘅元素。

有偏左嘅古天奴橫移派牌，有偏右嘅屈堅斯斜cut突破，有英斯守喺中線搵位射門。牌面上，維拉前場三個經驗、實力兼具嘅嘅球員，可以透過4-3-1-2嘅陣式組成進攻三人組。但這一季到而家為止，效果實在唔太好。反而，今季季初英斯打少咗幾場正選，對阿仙奴、曼城兩場大戰都入替防中卡瑪拉（Boubarca Kamara），成為謝拉特喺在比賽後段變陣雙箭頭嘅棋子。