C朗最沮喪一季 - 心態決定一切
2022-23球季係C朗佢職業生涯第21季，但對佢嚟講，應該係佢成名之後最沮喪嘅一個球季。
沮喪嘅位，唔係球場表現嘅明顯退化，亦唔係數據面上嘅缺失，而係佢要接受自己冇得再做大佬嘅殘酷事實。
先前曼聯2-0打敗熱刺，原本緊張嘅比賽，比C朗喺完場前幾分鐘離開球場嘅舉動轉移咗焦點。為此，曼聯官方發表聲明，指C朗會缺陣接著對車路士嘅大戰，即係「坐波監」。
對一個渴望上陣，領導球隊贏得一切嘅球星嚟講，呢個懲罰有如侮辱。
由曼聯成名，被費格遜一手揍大嘅天之驕子，到喺皇馬嘅九年時光，奠定一代傳奇嘅位置。C朗嘅影響力唔止係一個明星足球員咁簡單，而係唔睇足球嘅人都會知道C朗係邊個，成為商業價值能夠比肩碧咸嘅足球運動員，一個真真正正嘅偶像。
如果簡簡單單用四個字嚟形容C朗嘅心理狀況，我會揀呢個成語：心高氣傲。佢有條件有能力爭取一切榮譽，但佢嘅傲氣同佢嘅能力同步成長。
用佢呢二十年生涯嘅球王級競敵美斯嚟做對比：美斯向來同隊友相處融洽，除咗少有因為大事大非而公開割蓆嘅隊友（係，我就係講緊因為比兄弟戴綠帽而反面嘅莫路伊卡迪）。喺巴塞做大佬嘅時候，連最桀驁不馴的巴西少年尼馬，都願意臣服美斯一個大佬嘅時候，對照起嚟，C朗嘅後輩、隊友對呢位巨星，心中存有嘅唔係「敬仰」，而係「敬畏」。
C朗係嗰種：「你信我啦，我做得到」嘅心態。而美斯就係嗰種：「你信我啦，我可以令大家一齊做得到」嘅心態。C朗舊年有心返嚟曼聯，但今季幾乎不快分手；美斯極唔情願前往巴黎，但佢喺職業層面絕無怨天怨地。兩種心態，差天共地。
正正係因為呢種心態，令佢會作出缺席夏訓、公開提出隊內矛盾、甚至喺比賽提早離場等等，一個職業球員不該做嘅舉動。
早喺坦赫加盟時，已經預示咗呢位團隊為上嘅新教練，會同個人主義色彩濃厚嘅C朗出現爭拗。坦赫唔係freestyle嘅蘇斯克查，佢嘅戰術思想早已十分成熟，喺教練圈子備受尊重，佢嚟到曼聯就係要重塑團隊嘅概念。
再講，由60年代嘅黑暗時代，到費格遜嘅黃金時期，乃至後費時代長達十年嘅低迷，紅魔鬼嘅DNA，咪就係一股打不死嘅精神囉！如果C朗真係要做一個大家都臣服嘅大佬，一個真正嘅曼聯傳奇，就應該以身作則。
沮喪嘅位，唔係球場表現嘅明顯退化，亦唔係數據面上嘅缺失，而係佢要接受自己冇得再做大佬嘅殘酷事實。
先前曼聯2-0打敗熱刺，原本緊張嘅比賽，比C朗喺完場前幾分鐘離開球場嘅舉動轉移咗焦點。為此，曼聯官方發表聲明，指C朗會缺陣接著對車路士嘅大戰，即係「坐波監」。
對一個渴望上陣，領導球隊贏得一切嘅球星嚟講，呢個懲罰有如侮辱。
由曼聯成名，被費格遜一手揍大嘅天之驕子，到喺皇馬嘅九年時光，奠定一代傳奇嘅位置。C朗嘅影響力唔止係一個明星足球員咁簡單，而係唔睇足球嘅人都會知道C朗係邊個，成為商業價值能夠比肩碧咸嘅足球運動員，一個真真正正嘅偶像。
如果簡簡單單用四個字嚟形容C朗嘅心理狀況，我會揀呢個成語：心高氣傲。佢有條件有能力爭取一切榮譽，但佢嘅傲氣同佢嘅能力同步成長。
用佢呢二十年生涯嘅球王級競敵美斯嚟做對比：美斯向來同隊友相處融洽，除咗少有因為大事大非而公開割蓆嘅隊友（係，我就係講緊因為比兄弟戴綠帽而反面嘅莫路伊卡迪）。喺巴塞做大佬嘅時候，連最桀驁不馴的巴西少年尼馬，都願意臣服美斯一個大佬嘅時候，對照起嚟，C朗嘅後輩、隊友對呢位巨星，心中存有嘅唔係「敬仰」，而係「敬畏」。
C朗係嗰種：「你信我啦，我做得到」嘅心態。而美斯就係嗰種：「你信我啦，我可以令大家一齊做得到」嘅心態。C朗舊年有心返嚟曼聯，但今季幾乎不快分手；美斯極唔情願前往巴黎，但佢喺職業層面絕無怨天怨地。兩種心態，差天共地。
正正係因為呢種心態，令佢會作出缺席夏訓、公開提出隊內矛盾、甚至喺比賽提早離場等等，一個職業球員不該做嘅舉動。
早喺坦赫加盟時，已經預示咗呢位團隊為上嘅新教練，會同個人主義色彩濃厚嘅C朗出現爭拗。坦赫唔係freestyle嘅蘇斯克查，佢嘅戰術思想早已十分成熟，喺教練圈子備受尊重，佢嚟到曼聯就係要重塑團隊嘅概念。
再講，由60年代嘅黑暗時代，到費格遜嘅黃金時期，乃至後費時代長達十年嘅低迷，紅魔鬼嘅DNA，咪就係一股打不死嘅精神囉！如果C朗真係要做一個大家都臣服嘅大佬，一個真正嘅曼聯傳奇，就應該以身作則。