【世界盃戰術回顧】阿根廷新中場三角，如何輔助美斯封王？

2022年底，美斯終於喺世界盃封王，成就夢寐一生嘅霸業。當然阿根廷嘅成功，唔係單單美斯一人嘅功勞，教練團喺中場改動上面嘅決定，令阿根廷一路殺上決賽，先有最後美斯黑袍加身，高捧金盃嘅經典畫面。

相比舊年同樣奪標嘅美洲盃，球隊喺今屆世界盃失卻尼高干沙利斯同盧斯素，令領隊史卡朗尼要臨時變陣。小組賽第一場排出帕利迪斯、迪保羅為雙防中嘅4-4-2，對沙特阿拉伯食咗個終極大冷門，到對墨西哥都未真正解缺問題。