爭冠大夢戛然而止 阿仙奴仍有精采一季｜英超賽季回顧
2022/23球季，阿仙奴比咗球迷一個好夢，雖然呢個夢最後功虧一簣，但能夠打破5年冇歐聯踢嘅宿命，以及表示出球隊有問鼎冠軍寶座嘅能力，阿仙奴嘅表現絕不失禮！
由尼爾遜97分鐘絕殺般尼茅夫嘅喜悅，到1-4輸比曼城失去爭冠主動權嘅失落，中間只係個幾兩個月嘅時間。3月時曾經領先曼城5分，更有長達248日嘅時間穩坐榜首，但最後曼城以5分反咬阿仙奴坐上寶座。一路走來，阿仙奴對奪冠嘅希冀由盛轉衰。但至少，佢哋有發夢嘅權利．今季阿迪達（Mikel Arteta）已經證明咗，佢花幾年時間砌成嘅呢支球隊，而家有競爭冠軍嘅能力。
以£45M由曼城帶嚟加比爾捷西斯（Gabriel Jesus），可以話係球隊今季最重要嘅收購．同巴西同鄉馬天尼利之間嘅鋒線組合默契無間。奧迪加特、沙卡、柏迪嘅中場組合大致健康無虞，加上作用多元嘅左閘新援仙真高，阿仙奴今季終於砌得成一隊能夠帶嚟穩定成績嘅正選十一人，球隊榜首之中姿進入世界盃歇冬期，優勢喺下半季初期繼續發揮。
但傷患令阿仙奴冇辦法行落去，中堅沙列巴（William Saliba）三月受傷收咧，而賓韋治又因為冨安健洋嘅缺陣唔能夠離開右閘位置，人員嘅短缺，令佢哋打唔出季初至季中流暢嘅後場組織。後防傷患潮突如其來，接連揭發後衛板凳深度不足嘅問題，季尾9場比賽狂失15分，當中對利物浦、韋斯咸、修咸頓三連和，成個四月一片愁雲慘霧，終於喺榜首大戰「六分波」以4-1大敗予曼城，正式交出爭冠主動權，注定屈居亞軍。賽季最後兩場嘗試變陣，將柏迪拉落去右閘位置、托沙打4-3-3嘅正選左翼，終算係阿迪達嘅最後掙扎，去引證自己當初喺傷患潮之下唔變陣，到底係咪正確嘅選擇。
阿仙奴嘅奪冠之夢唔能夠走到最後，但季前又有邊個會估到，呢隊年青嘅球隊，可以有大半季時間騎住曼城？捷西斯缺陣三個月有多，尼基迪亞、馬天尼利同新援托沙共同擔起進攻重責，球隊嘅榜首優勢未因捷西斯長抖而失去，亦為阿迪達提供更多排陣組合，以應付下季四線作戰。
接住落嚟回歸歐聯戰線，阿仙奴轉會市場上嘅操作，將會決定佢哋能唔能夠喺四線作戰嘅情況下保持實力。而今季雖然失落英超冠軍，但相信球季目標已經係超額完成，雖敗不辱。
由尼爾遜97分鐘絕殺般尼茅夫嘅喜悅，到1-4輸比曼城失去爭冠主動權嘅失落，中間只係個幾兩個月嘅時間。3月時曾經領先曼城5分，更有長達248日嘅時間穩坐榜首，但最後曼城以5分反咬阿仙奴坐上寶座。一路走來，阿仙奴對奪冠嘅希冀由盛轉衰。但至少，佢哋有發夢嘅權利．今季阿迪達（Mikel Arteta）已經證明咗，佢花幾年時間砌成嘅呢支球隊，而家有競爭冠軍嘅能力。
以£45M由曼城帶嚟加比爾捷西斯（Gabriel Jesus），可以話係球隊今季最重要嘅收購．同巴西同鄉馬天尼利之間嘅鋒線組合默契無間。奧迪加特、沙卡、柏迪嘅中場組合大致健康無虞，加上作用多元嘅左閘新援仙真高，阿仙奴今季終於砌得成一隊能夠帶嚟穩定成績嘅正選十一人，球隊榜首之中姿進入世界盃歇冬期，優勢喺下半季初期繼續發揮。
但傷患令阿仙奴冇辦法行落去，中堅沙列巴（William Saliba）三月受傷收咧，而賓韋治又因為冨安健洋嘅缺陣唔能夠離開右閘位置，人員嘅短缺，令佢哋打唔出季初至季中流暢嘅後場組織。後防傷患潮突如其來，接連揭發後衛板凳深度不足嘅問題，季尾9場比賽狂失15分，當中對利物浦、韋斯咸、修咸頓三連和，成個四月一片愁雲慘霧，終於喺榜首大戰「六分波」以4-1大敗予曼城，正式交出爭冠主動權，注定屈居亞軍。賽季最後兩場嘗試變陣，將柏迪拉落去右閘位置、托沙打4-3-3嘅正選左翼，終算係阿迪達嘅最後掙扎，去引證自己當初喺傷患潮之下唔變陣，到底係咪正確嘅選擇。
阿仙奴嘅奪冠之夢唔能夠走到最後，但季前又有邊個會估到，呢隊年青嘅球隊，可以有大半季時間騎住曼城？捷西斯缺陣三個月有多，尼基迪亞、馬天尼利同新援托沙共同擔起進攻重責，球隊嘅榜首優勢未因捷西斯長抖而失去，亦為阿迪達提供更多排陣組合，以應付下季四線作戰。
接住落嚟回歸歐聯戰線，阿仙奴轉會市場上嘅操作，將會決定佢哋能唔能夠喺四線作戰嘅情況下保持實力。而今季雖然失落英超冠軍，但相信球季目標已經係超額完成，雖敗不辱。