無懼東尼坐波監影響！賓褔特前線微調，火力更勇
賓褔特升上英超呢兩季踢得有聲有色，有賴主帥法蘭嘅組軍理念行之有效，主力箭頭艾雲東尼（Ivan Toney）亦居功至偉，每季上陣超過三十場之餘，入球數由12球升至20球。但上季一完，英足總就因為東尼未升上英超前多次觸犯賭波禁令，而重罰佢坐八個月波監，要到出年一月中先可以復出。
球隊上季場均最多次爭頂成功（17.5次），以及長傳次數第二多（77.6次），以東尼為Target-Man，圍繞佢身旁嘅球員流動性極強，賓褔特嘅風格好睇又實用。冇咗一個單季入廿球，又同時擔任戰術中樞嘅前鋒，球隊難免要度過一段適應期。但賓褔特前線（暫時）冇計劃增兵，直接用原班人馬微調陣容，司職翼鋒嘅韋沙（Yoane Wissa）移入中路，就係領隊法蘭嘅解決方案，更加撻著右翼安保姆（Bryan Mbeumo）嘅火力，無論係xG值定係入球數都暫時領先全聯賽。
兩年前賓褔特升班後，一套3-5-2陣式打出有效率嘅節奏，艾歷臣季中加盟強化既有體系，令球隊保持中下游實力至今。法蘭上季開始慢慢轉型到四後衛，但對呢隊波嚟講陣式唔係重點，更重要嘅係保持防守紀率，以及由守轉攻嘅威脅。三中堅定四後衛，對賓褔特嚟講，係因應對手嘅強度，而決定喺前線定後防擺多個人嘅變因，對佢哋嘅體系本身唔會造成太大影響。
承襲上季對強隊用三中堅嘅做法，賓褔特揭幕戰對熱刺排出3-5-2，之後兩場對富咸、水晶宮收起中堅阿爾（Kristoffer Ajer）， 派翼鋒奇雲沙達上正選，同安保姆、韋沙組成4-3-3嘅三箭頭。
就算沙達不在陣中，左翼衛域高亨利（Rico Henry）嘅上落頻率，足以補上左翼突擊嘅速度，令對手防線唔敢傾向賓褔特嘅右側。賓褔特前線＋翼衛能夠快速組成四至五人縱向突擊，對手防線嘅速度或者反應跟唔上的話，點與點之間嘅空位就好容易曝露出嚟，被韋沙、安保姆利用呢個突破口接直線，直搗黃龍。
只要中後場保持一貫以嚟嘅防守紀律，以及中場三子配合得當，賓褔特冇咗東尼嘅情況下仍然能夠保持戰力。調整嘅地方，係縱向突擊更加直接，務求每個攻勢都儘快完成，以配合而家以快馬突擊為主嘅前線組合。
球隊上季場均最多次爭頂成功（17.5次），以及長傳次數第二多（77.6次），以東尼為Target-Man，圍繞佢身旁嘅球員流動性極強，賓褔特嘅風格好睇又實用。冇咗一個單季入廿球，又同時擔任戰術中樞嘅前鋒，球隊難免要度過一段適應期。但賓褔特前線（暫時）冇計劃增兵，直接用原班人馬微調陣容，司職翼鋒嘅韋沙（Yoane Wissa）移入中路，就係領隊法蘭嘅解決方案，更加撻著右翼安保姆（Bryan Mbeumo）嘅火力，無論係xG值定係入球數都暫時領先全聯賽。
兩年前賓褔特升班後，一套3-5-2陣式打出有效率嘅節奏，艾歷臣季中加盟強化既有體系，令球隊保持中下游實力至今。法蘭上季開始慢慢轉型到四後衛，但對呢隊波嚟講陣式唔係重點，更重要嘅係保持防守紀率，以及由守轉攻嘅威脅。三中堅定四後衛，對賓褔特嚟講，係因應對手嘅強度，而決定喺前線定後防擺多個人嘅變因，對佢哋嘅體系本身唔會造成太大影響。
承襲上季對強隊用三中堅嘅做法，賓褔特揭幕戰對熱刺排出3-5-2，之後兩場對富咸、水晶宮收起中堅阿爾（Kristoffer Ajer）， 派翼鋒奇雲沙達上正選，同安保姆、韋沙組成4-3-3嘅三箭頭。
就算沙達不在陣中，左翼衛域高亨利（Rico Henry）嘅上落頻率，足以補上左翼突擊嘅速度，令對手防線唔敢傾向賓褔特嘅右側。賓褔特前線＋翼衛能夠快速組成四至五人縱向突擊，對手防線嘅速度或者反應跟唔上的話，點與點之間嘅空位就好容易曝露出嚟，被韋沙、安保姆利用呢個突破口接直線，直搗黃龍。
只要中後場保持一貫以嚟嘅防守紀律，以及中場三子配合得當，賓褔特冇咗東尼嘅情況下仍然能夠保持戰力。調整嘅地方，係縱向突擊更加直接，務求每個攻勢都儘快完成，以配合而家以快馬突擊為主嘅前線組合。