奧脫福3-0大勝水晶宮 - 球員狀態回溫，坦赫再度探索
森莊士東（Sam Johnstone）入替受傷嘅甸軒達臣（Dean Henderson），兩位曼聯青訓門將，喺母會主場奧脫福一齊出場，再望望而家嘅奧拿拿，相信席上球迷百般滋味在心頭。
不過，終局3-0嘅大勝比分，總算係喺近日嘅愁雲慘霧之下，暫時有鬆一口氣嘅機會。而家嘅曼聯，正正係需要新嘅嘗試，同埋為狀態低迷嘅球員重拾信心。呢兩個目的，喺呢場英聯盃對水晶宮嘅比賽都成功達成。
主帥坦赫（Erik ten Hag）近日不斷為球隊調整出新嘅戰術出路，今日用返4-2-3-1，同預期有異嘅係新兵防中安拉拔出任左閘，蒙特喺防中位同卡斯米路平排，進攻時壓上一格切換成4-1-4-1，連同前鋒馬迪爾、中堅麥佳亞（Harry Maguire）、門將奧拿拿（André Onana）等等嘅失意球員，都得到正選上陣嘅機會。
安拉拔（Sofyan Amrabat）嘅表現，係呢場比賽嘅焦點之一。呢位摩洛哥國腳披上紅魔鬼戰衣後首次正選出陣，開局先客串左閘，佢並非好似阿仙奴咁用以閘位之名行防中之實，而係直接頂上列古朗喺左邊插上支援嘅任務。
面對陣式不變，只有部份位換位嘅水晶宮，曼聯開局已經踢得輕鬆。第一球加拿祖頂住壓力彎腰一射，其實門前嘅賀丁伸腳攔得住，只係擋咗照入。細心睇，十二碼點附近嘅美比爾位置更危險，水晶宮中場冇跟入禁區，更顯曼聯進攻方面嘅輕鬆之處。
半場過去，曼聯已經領先2-0，而且形勢明顯優勝，水晶宮更加係一個射門都冇，坦赫亦換走蒙特休息，推上安拉拔同卡斯米路打雙防中約15分鐘。面對水晶宮嘅變陣，呢15分鐘內曼聯成功保持形勢，靜靜等待時間過去就得，當中更有馬迪爾靚波射成3-0，錦上添花。
對於麥佳亞同埋奧拿拿，兩個被視為小丑嘅曼聯後防球員，今場波合力守住不失球。包括比賽末段造越位失敗後被水晶宮前鋒馬迪達得到半單刀機會，麥佳亞封遠柱後奧拿拿成功撲救，二人動作稍見論盡，但總算完成零封任務。
當然，對手唔係大球會，呢場又係會預咗留力嘅聯賽盃，以比賽強度嚟睇，呢場勝仗仲未算係呢兩位仁兄嘅救贖，但總算叫做爭返啖氣，搵返少少信心先。
不過，終局3-0嘅大勝比分，總算係喺近日嘅愁雲慘霧之下，暫時有鬆一口氣嘅機會。而家嘅曼聯，正正係需要新嘅嘗試，同埋為狀態低迷嘅球員重拾信心。呢兩個目的，喺呢場英聯盃對水晶宮嘅比賽都成功達成。
主帥坦赫（Erik ten Hag）近日不斷為球隊調整出新嘅戰術出路，今日用返4-2-3-1，同預期有異嘅係新兵防中安拉拔出任左閘，蒙特喺防中位同卡斯米路平排，進攻時壓上一格切換成4-1-4-1，連同前鋒馬迪爾、中堅麥佳亞（Harry Maguire）、門將奧拿拿（André Onana）等等嘅失意球員，都得到正選上陣嘅機會。
安拉拔（Sofyan Amrabat）嘅表現，係呢場比賽嘅焦點之一。呢位摩洛哥國腳披上紅魔鬼戰衣後首次正選出陣，開局先客串左閘，佢並非好似阿仙奴咁用以閘位之名行防中之實，而係直接頂上列古朗喺左邊插上支援嘅任務。
面對陣式不變，只有部份位換位嘅水晶宮，曼聯開局已經踢得輕鬆。第一球加拿祖頂住壓力彎腰一射，其實門前嘅賀丁伸腳攔得住，只係擋咗照入。細心睇，十二碼點附近嘅美比爾位置更危險，水晶宮中場冇跟入禁區，更顯曼聯進攻方面嘅輕鬆之處。
半場過去，曼聯已經領先2-0，而且形勢明顯優勝，水晶宮更加係一個射門都冇，坦赫亦換走蒙特休息，推上安拉拔同卡斯米路打雙防中約15分鐘。面對水晶宮嘅變陣，呢15分鐘內曼聯成功保持形勢，靜靜等待時間過去就得，當中更有馬迪爾靚波射成3-0，錦上添花。
對於麥佳亞同埋奧拿拿，兩個被視為小丑嘅曼聯後防球員，今場波合力守住不失球。包括比賽末段造越位失敗後被水晶宮前鋒馬迪達得到半單刀機會，麥佳亞封遠柱後奧拿拿成功撲救，二人動作稍見論盡，但總算完成零封任務。
當然，對手唔係大球會，呢場又係會預咗留力嘅聯賽盃，以比賽強度嚟睇，呢場勝仗仲未算係呢兩位仁兄嘅救贖，但總算叫做爭返啖氣，搵返少少信心先。