【復出無期】辛祖尚欠一句道歉，坦赫旨在樹立軍威
放棄一個前朝買落嘅球星，用以樹立往後嘅軍威，對曼聯主帥坦赫嚟講，係必要作出嘅舉動。
連續輸比阿仙奴、白禮頓，之後對般尼雖然得勝，但比賽形勢不見得佔上風，僅僅得聯賽盃對水晶宮嘅比賽打得出幾分顏色。成個九月，曼聯比賽表現不如人意之餘，坦赫同辛祖之間日漸惡化嘅關係，亦漸漸地浮上檯面。
辛祖今季冇傷冇剩，只有開季三場英超後備上陣各唔夠30分鐘，踏入九月後就再無列入大軍名單。坦赫話，辛祖訓練時未達應有水準，所以落選名單。
對此，辛祖公開反擊話指控完全不實，甚至講到自己係「代罪羔羊」咁話。九月中，曼聯官方為此特登出一份聲明，只有短短一句：「由於紀律問題尚待解決，辛祖將會繼續獨操，不與一隊操練。」
據《The Athletic》嘅消息，辛祖因為公開指控坦赫講大話，而被要求向坦赫道歉，但佢拒絕，導致而家被雪藏。
辛祖係蘇格克查執教時購入嘅球員，前任領隊對球員採取比較放任嘅態度，有見普巴、連加特等等屢屢爆出紀律問題都加以重用。但坦赫唔係崇尚自由主義嘅領隊，喺團隊嘅建立上，佢要確保每個細節都掌控在手，唔會比球員獨大。
「訂立清楚嘅界線，係會方對我嘅要求，原因係上季（加盟）之前，隊內文化仲未夠優良，所以我哋要樹立典範。」坦赫表示，佢嘅責任就係去界定呢個界線。對於辛祖嘅行為，坦赫都冇評論太多，只係話會專注目前比賽，以及後面有更多球員爭取緊機會，擺明係向辛祖施壓。
由僅僅表現差劣，上升到將帥之間嘅不和，就唔淨係可以用提升狀態嚟搏取返隊內地位。雪藏辛祖，係坦赫樹立軍威嘅一個手段，佢可能就此失去一個尚待雕琢嘅未來球星，但換嚟長久嘅治軍太平。轉會窗完結之前，仲有傳聞話要將辛祖賣去沙特阿拉伯套現，但因為辛祖無意去掘金而罷就。
冇咗安東尼同辛祖，4-3-3雙翼鋒陣容，柏列斯迪、加拿祖呢兩位年青球員可以各佔一席，甚至坦赫可以將拉舒福特擺返去左翼，箭頭加入賀倫特，加強前三閘線嘅傳導。九月開始，坦赫更加開始將4-1-2-1-2菱形中場陣式加入比賽當中，適逢翼鋒人手短缺，以及安拉拔終於有得上陣，呢個做法不仿係短期應付之策。邊路同前場覆蓋面細咗，四個中場就要更加緊密。
目前曼聯已經宣佈安東尼復操，球隊就大有條件回歸返4-3-3陣式，接住落嚟，就淨返辛祖嘅問題未解決。
連續輸比阿仙奴、白禮頓，之後對般尼雖然得勝，但比賽形勢不見得佔上風，僅僅得聯賽盃對水晶宮嘅比賽打得出幾分顏色。成個九月，曼聯比賽表現不如人意之餘，坦赫同辛祖之間日漸惡化嘅關係，亦漸漸地浮上檯面。
辛祖今季冇傷冇剩，只有開季三場英超後備上陣各唔夠30分鐘，踏入九月後就再無列入大軍名單。坦赫話，辛祖訓練時未達應有水準，所以落選名單。
對此，辛祖公開反擊話指控完全不實，甚至講到自己係「代罪羔羊」咁話。九月中，曼聯官方為此特登出一份聲明，只有短短一句：「由於紀律問題尚待解決，辛祖將會繼續獨操，不與一隊操練。」
據《The Athletic》嘅消息，辛祖因為公開指控坦赫講大話，而被要求向坦赫道歉，但佢拒絕，導致而家被雪藏。
辛祖係蘇格克查執教時購入嘅球員，前任領隊對球員採取比較放任嘅態度，有見普巴、連加特等等屢屢爆出紀律問題都加以重用。但坦赫唔係崇尚自由主義嘅領隊，喺團隊嘅建立上，佢要確保每個細節都掌控在手，唔會比球員獨大。
「訂立清楚嘅界線，係會方對我嘅要求，原因係上季（加盟）之前，隊內文化仲未夠優良，所以我哋要樹立典範。」坦赫表示，佢嘅責任就係去界定呢個界線。對於辛祖嘅行為，坦赫都冇評論太多，只係話會專注目前比賽，以及後面有更多球員爭取緊機會，擺明係向辛祖施壓。
由僅僅表現差劣，上升到將帥之間嘅不和，就唔淨係可以用提升狀態嚟搏取返隊內地位。雪藏辛祖，係坦赫樹立軍威嘅一個手段，佢可能就此失去一個尚待雕琢嘅未來球星，但換嚟長久嘅治軍太平。轉會窗完結之前，仲有傳聞話要將辛祖賣去沙特阿拉伯套現，但因為辛祖無意去掘金而罷就。
冇咗安東尼同辛祖，4-3-3雙翼鋒陣容，柏列斯迪、加拿祖呢兩位年青球員可以各佔一席，甚至坦赫可以將拉舒福特擺返去左翼，箭頭加入賀倫特，加強前三閘線嘅傳導。九月開始，坦赫更加開始將4-1-2-1-2菱形中場陣式加入比賽當中，適逢翼鋒人手短缺，以及安拉拔終於有得上陣，呢個做法不仿係短期應付之策。邊路同前場覆蓋面細咗，四個中場就要更加緊密。
目前曼聯已經宣佈安東尼復操，球隊就大有條件回歸返4-3-3陣式，接住落嚟，就淨返辛祖嘅問題未解決。