奔走全場經典鏟草！艾迪巴約呼籲阿仙奴球迷：忘記佢，Move On！
講起艾迪巴約（Emmanuel Adebayor），你會諗起佢著起阿仙奴波衫嗰三年嘅勇猛表現，定係佢著起曼城波衫對阿仙奴球迷鏟草嘅一刻？
「2009年我跑全場慶祝嘅嗰下，我諗球迷係時候要忘記佢了。」今年掛靴嘅多哥王子，近日接受《Skysports》專訪，回憶自己燦爛嘅足球生涯之餘，對阿仙奴嘅鏟草一幕當然都會被問起：「每當啲人喺電視或者上網見到嗰個慶祝場面，希望佢哋可以一笑置之，然後move on。」
「今日我講到明，如果有人作歌諷刺侮辱我屋企人，冇人會接受到。尤其是我老豆我阿媽，為咗佢哋我咩都做得出。」事情已經過去咗14年，現年39歲嘅艾迪巴約，已經唔係當年嘅黃毛小子，言談間比起好多球迷印象中嘅佢成熟不少。「我已經唔再介懷，希望佢哋都係。」
艾迪巴約15歲登陸梅斯青年軍，升上成年隊後喺法國打滾四年幾，2006年冬季轉會窗由摩納哥轉投阿仙奴，地標戰對伯明翰取得英超處子球，效力三季以嚟上陣104場英超，攻入46個入波，係阿仙奴喺亨利離隊前後嗰段黑暗日子之中，為球隊穩定前四排名嘅重炮手。
奈何時不與我，艾迪巴約一腳一腳打響名堂嘅青春歲月，正正係阿仙奴搬入新主場後，資金短缺嘅年代，球隊嘅轉會策略係將幼齒養成明星，然後高價變賣。2009年，曼城出價£25M買入艾迪巴約，多哥王子轉會後神勇依然，連續3場有波入，第4場就喺出戰舊東家阿仙奴。艾迪巴約喺比賽末段再度入波，但佢冇壓制住自己情緒，登喺作客球迷區面前鏟草慶祝，對來訪嘅舊東家球迷毫不留情。
呢個慶祝當然係過咗火喉，尤其是呢場4-2嘅勝仗本身已經好重火藥味，奔走全場鏟草更加係多此一舉，甚有挑釁意味。佢事後有道歉，但球迷嘅怒火又豈是一句sorry就可以抵消？賽會事後對佢罰款加停賽，而呢個鏟草動作，更成為英超一代經典畫面。
或者艾迪巴約嘅功勳，遠遠配唔上「名宿」二字，鏟草一事同之後效力熱刺嘅歷史，更令佢背負「叛徒」罵名，但佢個心依然有阿仙奴呢隊波。「呢個係我對阿仙奴球迷嘅期望，都希望佢哋今季一切順利。」
「2009年我跑全場慶祝嘅嗰下，我諗球迷係時候要忘記佢了。」今年掛靴嘅多哥王子，近日接受《Skysports》專訪，回憶自己燦爛嘅足球生涯之餘，對阿仙奴嘅鏟草一幕當然都會被問起：「每當啲人喺電視或者上網見到嗰個慶祝場面，希望佢哋可以一笑置之，然後move on。」
「今日我講到明，如果有人作歌諷刺侮辱我屋企人，冇人會接受到。尤其是我老豆我阿媽，為咗佢哋我咩都做得出。」事情已經過去咗14年，現年39歲嘅艾迪巴約，已經唔係當年嘅黃毛小子，言談間比起好多球迷印象中嘅佢成熟不少。「我已經唔再介懷，希望佢哋都係。」
艾迪巴約15歲登陸梅斯青年軍，升上成年隊後喺法國打滾四年幾，2006年冬季轉會窗由摩納哥轉投阿仙奴，地標戰對伯明翰取得英超處子球，效力三季以嚟上陣104場英超，攻入46個入波，係阿仙奴喺亨利離隊前後嗰段黑暗日子之中，為球隊穩定前四排名嘅重炮手。奈何時不與我，艾迪巴約一腳一腳打響名堂嘅青春歲月，正正係阿仙奴搬入新主場後，資金短缺嘅年代，球隊嘅轉會策略係將幼齒養成明星，然後高價變賣。2009年，曼城出價£25M買入艾迪巴約，多哥王子轉會後神勇依然，連續3場有波入，第4場就喺出戰舊東家阿仙奴。艾迪巴約喺比賽末段再度入波，但佢冇壓制住自己情緒，登喺作客球迷區面前鏟草慶祝，對來訪嘅舊東家球迷毫不留情。
呢個慶祝當然係過咗火喉，尤其是呢場4-2嘅勝仗本身已經好重火藥味，奔走全場鏟草更加係多此一舉，甚有挑釁意味。佢事後有道歉，但球迷嘅怒火又豈是一句sorry就可以抵消？賽會事後對佢罰款加停賽，而呢個鏟草動作，更成為英超一代經典畫面。
或者艾迪巴約嘅功勳，遠遠配唔上「名宿」二字，鏟草一事同之後效力熱刺嘅歷史，更令佢背負「叛徒」罵名，但佢個心依然有阿仙奴呢隊波。「呢個係我對阿仙奴球迷嘅期望，都希望佢哋今季一切順利。」