【風格迴異】羅拔臣抖三個月，森美卡斯頂硬上
對利物浦球迷嚟講，除咗1-2輸比熱刺嘅嗰場比賽之外，開季到而家最惡啃嘅一件事，就係羅拔臣受傷開刀。
剛剛完結嘅國際賽事，蘇格蘭以0-2作客不敵西班牙，偏偏屋漏兼逢連夜雨，作為主力大將嘅羅拔臣（Andrew Robertson），喺一次同對手門將史蒙相撞時整親右邊膊頭，返到利物浦報到時檢查傷勢，確定要開刀治理。領隊高普表示，羅拔臣至少要養傷至少三個月。為此，預計後備左閘森美卡斯（Konstatinos Tsimikas）會頂上正選，捱過呢段時間。
羅拔臣2017轉會以嚟，除咗加盟第一季上半季之外，一直係利物浦嘅鐵膽主力，形塑高普而家體系嘅重要角色，亦係2019年歐聯、2020年英超冠軍嘅重要功臣，左路前後支援得力，防守勇悍。
而因應利物浦嘅陣容變化，利物浦今年組織攻勢嘅時候時常形成三中堅，羅拔臣更多出現喺左中堅嘅位置，整體防線向右傾側，以配合阿歷山大阿諾移位去中場協助組織嘅戰術。呢個位置，羅拔臣喺蘇格蘭國家隊都發揮過唔少次。上季季尾受利物浦官網訪問時，羅拔臣形容自己之前喺高位出現，更多幫球隊拉邊，而家呢個位置就「保守」少少。
而呢個細節，就係森美卡斯難以複製嘅位。森美卡斯係標榜速度嘅左閘，進攻時，佢喺左路高位壓上靜待傳球突破，作用遠比留喺左路half-space防止對手反擊更大。
用上季英超嘅數據比較，羅拔臣出場超過2500分鐘，森美卡斯都有超過700分鐘嘅時間。據Fbref.com嘅數據，羅拔臣平均90分鐘嘅中、短距離傳球，成功率都比森美卡斯稍稍優勝。反而，森美卡斯比較多斬波，平均近10次出腳，多羅拔臣3次。推進攻勢方面，羅拔臣常常喺左路指揮大局，作出推動攻勢嘅傳球次數平均5.8次，遠比森美卡斯3次高。不過調返轉，森美卡斯透過接球而推進攻勢嘅次數，比羅拔臣就多2次。呢項數據，反映呢兩位左閘，喺利物浦嘅攻勢之中扮演主動同被動方嘅角色比重有唔同。
羅拔臣今季8場聯賽踢足每分每秒，森美卡斯就只有足總盃同2場歐霸上陣（另外有一場英超後備4分鐘），雖然都係踢到盡為球隊贏波，但對手強度同英超列強相差太遠。由於羅拔臣實在難以取代，森美卡斯加盟後呢3年，每季上陣時間都唔多，甚至冇乜連續幾場波出賽嘅機會，特別係羅拔臣受傷撞正快車期，令森美卡斯嘅體能問題，今季遭受大考驗。
《The Athletic》指，羅拔臣其實可以靜養四個星期然後復出，但舊患復發嘅風險會更大。為長遠計，都係開刀好，呢段時間就交比森美卡斯證明自己。
剛剛完結嘅國際賽事，蘇格蘭以0-2作客不敵西班牙，偏偏屋漏兼逢連夜雨，作為主力大將嘅羅拔臣（Andrew Robertson），喺一次同對手門將史蒙相撞時整親右邊膊頭，返到利物浦報到時檢查傷勢，確定要開刀治理。領隊高普表示，羅拔臣至少要養傷至少三個月。為此，預計後備左閘森美卡斯（Konstatinos Tsimikas）會頂上正選，捱過呢段時間。
羅拔臣2017轉會以嚟，除咗加盟第一季上半季之外，一直係利物浦嘅鐵膽主力，形塑高普而家體系嘅重要角色，亦係2019年歐聯、2020年英超冠軍嘅重要功臣，左路前後支援得力，防守勇悍。
而因應利物浦嘅陣容變化，利物浦今年組織攻勢嘅時候時常形成三中堅，羅拔臣更多出現喺左中堅嘅位置，整體防線向右傾側，以配合阿歷山大阿諾移位去中場協助組織嘅戰術。呢個位置，羅拔臣喺蘇格蘭國家隊都發揮過唔少次。上季季尾受利物浦官網訪問時，羅拔臣形容自己之前喺高位出現，更多幫球隊拉邊，而家呢個位置就「保守」少少。
而呢個細節，就係森美卡斯難以複製嘅位。森美卡斯係標榜速度嘅左閘，進攻時，佢喺左路高位壓上靜待傳球突破，作用遠比留喺左路half-space防止對手反擊更大。
用上季英超嘅數據比較，羅拔臣出場超過2500分鐘，森美卡斯都有超過700分鐘嘅時間。據Fbref.com嘅數據，羅拔臣平均90分鐘嘅中、短距離傳球，成功率都比森美卡斯稍稍優勝。反而，森美卡斯比較多斬波，平均近10次出腳，多羅拔臣3次。推進攻勢方面，羅拔臣常常喺左路指揮大局，作出推動攻勢嘅傳球次數平均5.8次，遠比森美卡斯3次高。不過調返轉，森美卡斯透過接球而推進攻勢嘅次數，比羅拔臣就多2次。呢項數據，反映呢兩位左閘，喺利物浦嘅攻勢之中扮演主動同被動方嘅角色比重有唔同。
羅拔臣今季8場聯賽踢足每分每秒，森美卡斯就只有足總盃同2場歐霸上陣（另外有一場英超後備4分鐘），雖然都係踢到盡為球隊贏波，但對手強度同英超列強相差太遠。由於羅拔臣實在難以取代，森美卡斯加盟後呢3年，每季上陣時間都唔多，甚至冇乜連續幾場波出賽嘅機會，特別係羅拔臣受傷撞正快車期，令森美卡斯嘅體能問題，今季遭受大考驗。
《The Athletic》指，羅拔臣其實可以靜養四個星期然後復出，但舊患復發嘅風險會更大。為長遠計，都係開刀好，呢段時間就交比森美卡斯證明自己。