【RIP Sir Bobby】歷劫重生，成就英格蘭偉大傳奇 - 卜比查爾頓爵士逝世
曼聯名宿卜比查爾頓爵士（Sir Bobby Charlton）尋日離世，終年86歲。出道冇耐就經歷1958年慕尼黑空難，作為生還者之一嘅卜比sir，肩負起球隊重建嘅重責，之後更加代表英格蘭喺主場取得世界盃冠軍，成就一代功名。
佢生前被譽為最偉大嘅英格蘭足球員，曾經為英格蘭同曼聯創下多項入球記錄，為呢個足球起源國捧起唯一一個世界盃冠軍，佢亦為曼聯奪得第一個屬於英格蘭嘅歐洲冠軍。
卜比sir嘅生涯，由五十年代「Busby Babes」開始，當時曼聯教頭畢樹比爵士（Sir Matt Busby）帶起一班潛力無可限量嘅後生，卜比sir正係其中之一。佢代表曼聯青年軍喺1954至1956年青年足總盃三連奪冠，之後升上成年隊，即刻為曼聯贏得1956-1957年英甲冠軍。
藉英甲冠軍嘅身份，曼聯得到第二年出戰歐冠盃（European Cup，現今歐聯前身）嘅資格，球隊一路殺上八強，次回合作客貝爾格萊德紅星贏波晉級。但飛機回程途中，喺德國慕尼黑入油後發生空難，導致8個球員死亡，重挫曼聯實力同士氣。
大難不死，卜比sir被隊友救起，入院後好快就復出，更喺悲劇嘅陰影下殺上足總盃決賽。教頭畢樹比奇蹟康復，加上卜比sir復出，球隊馬上開始重建。空難後嘅1958-59球季，卜比sir射入29球，係個人喺曼聯時期入波最多嘅一季。
而對英格蘭嚟講，1966年世界盃喺主場捧盃，更令卜比sir成為國家英雄。同樣地，空難事件令英格蘭失去幾個潛力國腳。卜比sir繼承舊友遺志，喺1966年世界盃主場出擊，四強擊敗尤西比奧所在嘅葡萄牙，殺上決賽加時4-2擊敗西德，喺溫布萊球場逾十萬人面前，高舉英格蘭首個世界盃冠軍。返返曼聯，卜比Sir為曼聯取得隊史，乃至英格蘭史上第一個歐冠盃冠軍，咁啱呢個歐冠盃冠軍係喺空難發生後十年取得。曼聯一路殺上決賽，面對葡萄牙勁旅賓菲卡，卜比Sir單人貢獻2球，完場贏4-1，再一次擊敗尤西比奧。
總計所有賽事，卜比Sir為曼聯出戰758場，攻入249個入球。而代表英格蘭嘅12年國家隊生涯，佢亦有106場嘅出場紀錄，攻入49球。兩項入球記錄，之後都被後來嘅曼聯隊長朗尼（Wayne Rooney）打破。而佢燦爛嘅足球生涯，令曼聯為佢立碑記念，更於2016年將南看台命名為Sir Bobby Charlton Stand，記念佢為球會嘅付出。
一代傳奇嘅不死故事，足以留傳百世千世，亦為足球員嘅典範。
佢生前被譽為最偉大嘅英格蘭足球員，曾經為英格蘭同曼聯創下多項入球記錄，為呢個足球起源國捧起唯一一個世界盃冠軍，佢亦為曼聯奪得第一個屬於英格蘭嘅歐洲冠軍。
卜比sir嘅生涯，由五十年代「Busby Babes」開始，當時曼聯教頭畢樹比爵士（Sir Matt Busby）帶起一班潛力無可限量嘅後生，卜比sir正係其中之一。佢代表曼聯青年軍喺1954至1956年青年足總盃三連奪冠，之後升上成年隊，即刻為曼聯贏得1956-1957年英甲冠軍。
藉英甲冠軍嘅身份，曼聯得到第二年出戰歐冠盃（European Cup，現今歐聯前身）嘅資格，球隊一路殺上八強，次回合作客貝爾格萊德紅星贏波晉級。但飛機回程途中，喺德國慕尼黑入油後發生空難，導致8個球員死亡，重挫曼聯實力同士氣。
大難不死，卜比sir被隊友救起，入院後好快就復出，更喺悲劇嘅陰影下殺上足總盃決賽。教頭畢樹比奇蹟康復，加上卜比sir復出，球隊馬上開始重建。空難後嘅1958-59球季，卜比sir射入29球，係個人喺曼聯時期入波最多嘅一季。
而對英格蘭嚟講，1966年世界盃喺主場捧盃，更令卜比sir成為國家英雄。同樣地，空難事件令英格蘭失去幾個潛力國腳。卜比sir繼承舊友遺志，喺1966年世界盃主場出擊，四強擊敗尤西比奧所在嘅葡萄牙，殺上決賽加時4-2擊敗西德，喺溫布萊球場逾十萬人面前，高舉英格蘭首個世界盃冠軍。返返曼聯，卜比Sir為曼聯取得隊史，乃至英格蘭史上第一個歐冠盃冠軍，咁啱呢個歐冠盃冠軍係喺空難發生後十年取得。曼聯一路殺上決賽，面對葡萄牙勁旅賓菲卡，卜比Sir單人貢獻2球，完場贏4-1，再一次擊敗尤西比奧。
總計所有賽事，卜比Sir為曼聯出戰758場，攻入249個入球。而代表英格蘭嘅12年國家隊生涯，佢亦有106場嘅出場紀錄，攻入49球。兩項入球記錄，之後都被後來嘅曼聯隊長朗尼（Wayne Rooney）打破。而佢燦爛嘅足球生涯，令曼聯為佢立碑記念，更於2016年將南看台命名為Sir Bobby Charlton Stand，記念佢為球會嘅付出。
一代傳奇嘅不死故事，足以留傳百世千世，亦為足球員嘅典範。