【倫敦打吡】阿迪達絞盡腦汁，阿仙奴攻力疲弱
阿仙奴作客車路士，上半場被主隊團團防守，更有兩個意外嘅失球。原以為不敗走勢會被打破，拉也嘅失魂傳球，更差啲令球隊陷入落後0-3嘅絕境。好就好在車路士都有門將誤傳，比迪勤懷斯一個倒戈靚射打返起士氣。下半場進攻雖然kick kick哋，但大致形勢都叫做持平返，最終等到末段追平比數嘅入波。
阿仙奴喺國際賽期前，仲煩緊馬天尼利（Gabriel Martinelli）、沙卡（Bukayo Saka）一齊受傷點算，始終阿迪達能夠打出上季以後場組織為主嘅變陣，呢兩位翼鋒嘅拉邊能力缺不可少。而家返到聯賽賽程，馬天尼利同沙卡齊齊正選，總算鬆一口氣。不過一開波就有另一個煩惱，沙卡遇到嘅問題，係古古利拿（Marc Cucurella）將佢封喺邊路，而奧迪加特又比安素費南迪斯看住，後面賓韋治、佐真奴向前衝擊力有限，難以喺皮球進入三閘線後打出支援嘅效果。雖然今日沙卡5次過人3次成功，但佢帶波入禁區嘅次數係0，發揮唔到平時喺右路擾亂對手防線嘅作用。
右邊賓韋治（Ben White）同沙卡嘅攻勢配合比古古利拿完美封鎖，左邊馬天尼利亦唔好得去邊。喺古斯度看守下，馬天尼利空有左翼持球，但難以進一步支援中路捷西斯。喺呢度，懷斯（Declan Rice）已經盡量喺左邊幫手，藉馬天尼利嘅牽引，製造古斯度同施華之間嘅空位，比懷斯向前衝擊，並有身後仙真高保底，用以盡量連結返捷西斯。季初阿迪達嘗試將夏維斯置入中場，同懷斯、奧迪加特去夾。今日將夏維斯換成佐真奴（Jorginho），令阿仙奴防守時能夠形成更厚實嘅中場屏障，並將奧迪加特推前，用佢同捷西斯靈敏嘅走位，嚟干擾車路士中堅嘅後場組織（特別係針對高維）。
上文提到，佐真奴難以走上前支援前線。當然，佐真奴一直都係中後場派牌嘅角色，只有必不得已之時先會上前壓進，幫球隊前線增加一個進攻點。單單係今場，坐陣中後場嘅佢已經成功交出12次傳入前場三閘線嘅傳球，只係前線球員喺車路士嚴防之下，無法更進一步。同時，有佐真奴在陣指揮，令懷斯位置可以踏前，進攻時喺中場前沿，一來隨時支援馬天尼利，二來同奧迪加特形成組合，對位車路士雙防中卡斯度、安素費南迪斯。
總合全場比賽，阿仙奴射門13次（比車路士多2次），但射正只有3次（比車路士少2次）。而整體進攻嘅流向，同車路士巧設變陣相比，更加係相形見絀。
阿仙奴喺國際賽期前，仲煩緊馬天尼利（Gabriel Martinelli）、沙卡（Bukayo Saka）一齊受傷點算，始終阿迪達能夠打出上季以後場組織為主嘅變陣，呢兩位翼鋒嘅拉邊能力缺不可少。而家返到聯賽賽程，馬天尼利同沙卡齊齊正選，總算鬆一口氣。不過一開波就有另一個煩惱，沙卡遇到嘅問題，係古古利拿（Marc Cucurella）將佢封喺邊路，而奧迪加特又比安素費南迪斯看住，後面賓韋治、佐真奴向前衝擊力有限，難以喺皮球進入三閘線後打出支援嘅效果。雖然今日沙卡5次過人3次成功，但佢帶波入禁區嘅次數係0，發揮唔到平時喺右路擾亂對手防線嘅作用。
右邊賓韋治（Ben White）同沙卡嘅攻勢配合比古古利拿完美封鎖，左邊馬天尼利亦唔好得去邊。喺古斯度看守下，馬天尼利空有左翼持球，但難以進一步支援中路捷西斯。喺呢度，懷斯（Declan Rice）已經盡量喺左邊幫手，藉馬天尼利嘅牽引，製造古斯度同施華之間嘅空位，比懷斯向前衝擊，並有身後仙真高保底，用以盡量連結返捷西斯。季初阿迪達嘗試將夏維斯置入中場，同懷斯、奧迪加特去夾。今日將夏維斯換成佐真奴（Jorginho），令阿仙奴防守時能夠形成更厚實嘅中場屏障，並將奧迪加特推前，用佢同捷西斯靈敏嘅走位，嚟干擾車路士中堅嘅後場組織（特別係針對高維）。
上文提到，佐真奴難以走上前支援前線。當然，佐真奴一直都係中後場派牌嘅角色，只有必不得已之時先會上前壓進，幫球隊前線增加一個進攻點。單單係今場，坐陣中後場嘅佢已經成功交出12次傳入前場三閘線嘅傳球，只係前線球員喺車路士嚴防之下，無法更進一步。同時，有佐真奴在陣指揮，令懷斯位置可以踏前，進攻時喺中場前沿，一來隨時支援馬天尼利，二來同奧迪加特形成組合，對位車路士雙防中卡斯度、安素費南迪斯。
總合全場比賽，阿仙奴射門13次（比車路士多2次），但射正只有3次（比車路士少2次）。而整體進攻嘅流向，同車路士巧設變陣相比，更加係相形見絀。