白禮頓歐戰歷史首勝 - 球隊左閘盡傷，37歲占士米拿客串功不可沒
喺白禮頓幾乎冇左閘用嘅情況下，老將占士米拿（James Milner）挺身而出，助球隊喺週中歐霸盃以2-0擊敗阿積士，終結近來所有賽事5場不勝嘅走勢之餘，更取得白禮頓建隊122年以嚟，第一場歐洲賽事嘅勝仗。
睇返白禮頓嘅陣容，能夠出任左閘嘅人選，近期都遭受過大大小小嘅傷患。首選嘅艾斯度邊恩（Pervis Estupiñán），喺1-6大敗予維拉一役後一直養傷到而家，近日啱啱先恢復少少訓練。逆足嘅右閘林迪（Tariq Lamptey）擺喺左路，尚能保持一定程度嘅衝擊力，成為三笘薰喺前場嘅得力助手，歐霸第二場作客馬賽喺兩球落後之下成功迫和，林迪功不可沒。只係，林迪喺呢場波之後都受傷，而能夠客串閘位嘅馬治（Solly March），喺週末嘅英超聯賽事，完場前攔截曼城中場施華嘅時候扭親右腳膝頭，令馬治都唔能夠出阿積士。上場比賽打曼城，米拿已經復出正選打右閘，就正如開季時嘅佈置一樣，作為加強後場傳控嘅選擇。不過，上半場米拿比曼城飛翼杜古以身體質素完全壓住，防守上嘅剋制，令迪沙比要換走米拿，換成韋特文（Joël Veltman）主守。
迪沙比手上三個首選嘅左閘，都唔能夠出戰對阿積士嘅第三場歐霸賽事，惟有請啱啱復出冇耐嘅米拿出山，主守左路。情況同打曼城嗰場完全唔同，37歲嘅米拿對位阿積士嘅年輕翼鋒科布斯（Carlos Forbs），憑經驗、走位同身體質素完全將佢壓制，迫得科布斯半場被換走。甚至米拿喺20分鐘藉科布斯喺禁區嘅失誤，喺阿積士禁區直接射門，差啲攻入加盟以嚟嘅處子入球。出場85分鐘，米拿守住白禮頓領先兩球嘅優勢之餘，佢喺左路中前場對隊友嘅支援，甚至比右閘韋特文更有存在感。
米拿老而彌堅，攻守俱佳，係球隊左閘傷盡之時嘅定海神針。誠然撇除上半場完封科布斯呢一點，白禮頓其他球員嘅表現，比起米拿有過之而無不及。中堅組雲希格同鄧克，合共交出28次傳入三閘線嘅傳球，令球隊攻勢更加直接。雙箭頭柏度、法迪各入一球，令而家喺荷甲排後面嘅阿積士雪上加霜。防中巴列巴喺64分鐘入替中場基摩，助球隊守住呢三分。
呢一場勝仗，令白禮頓打破近期所有賽事五場不勝嘅走勢。嚟緊十月最後一場波係作客富咸，之後十一月嘅比賽都相對輕鬆。英超對愛華頓、諾定咸森林、錫菲聯等等護級份子，歐霸就再對阿積士同AEK雅典，眼前冇一支球隊可以稱得上係強敵。唔敢講白禮頓會成個月不敗，但至少迪沙比有時間等待上述傷兵慢慢復出，同時比球員喺幾個陣式之間適應，一場一場搶救英超聯嘅積分。
睇返白禮頓嘅陣容，能夠出任左閘嘅人選，近期都遭受過大大小小嘅傷患。首選嘅艾斯度邊恩（Pervis Estupiñán），喺1-6大敗予維拉一役後一直養傷到而家，近日啱啱先恢復少少訓練。逆足嘅右閘林迪（Tariq Lamptey）擺喺左路，尚能保持一定程度嘅衝擊力，成為三笘薰喺前場嘅得力助手，歐霸第二場作客馬賽喺兩球落後之下成功迫和，林迪功不可沒。只係，林迪喺呢場波之後都受傷，而能夠客串閘位嘅馬治（Solly March），喺週末嘅英超聯賽事，完場前攔截曼城中場施華嘅時候扭親右腳膝頭，令馬治都唔能夠出阿積士。上場比賽打曼城，米拿已經復出正選打右閘，就正如開季時嘅佈置一樣，作為加強後場傳控嘅選擇。不過，上半場米拿比曼城飛翼杜古以身體質素完全壓住，防守上嘅剋制，令迪沙比要換走米拿，換成韋特文（Joël Veltman）主守。
迪沙比手上三個首選嘅左閘，都唔能夠出戰對阿積士嘅第三場歐霸賽事，惟有請啱啱復出冇耐嘅米拿出山，主守左路。情況同打曼城嗰場完全唔同，37歲嘅米拿對位阿積士嘅年輕翼鋒科布斯（Carlos Forbs），憑經驗、走位同身體質素完全將佢壓制，迫得科布斯半場被換走。甚至米拿喺20分鐘藉科布斯喺禁區嘅失誤，喺阿積士禁區直接射門，差啲攻入加盟以嚟嘅處子入球。出場85分鐘，米拿守住白禮頓領先兩球嘅優勢之餘，佢喺左路中前場對隊友嘅支援，甚至比右閘韋特文更有存在感。
米拿老而彌堅，攻守俱佳，係球隊左閘傷盡之時嘅定海神針。誠然撇除上半場完封科布斯呢一點，白禮頓其他球員嘅表現，比起米拿有過之而無不及。中堅組雲希格同鄧克，合共交出28次傳入三閘線嘅傳球，令球隊攻勢更加直接。雙箭頭柏度、法迪各入一球，令而家喺荷甲排後面嘅阿積士雪上加霜。防中巴列巴喺64分鐘入替中場基摩，助球隊守住呢三分。
呢一場勝仗，令白禮頓打破近期所有賽事五場不勝嘅走勢。嚟緊十月最後一場波係作客富咸，之後十一月嘅比賽都相對輕鬆。英超對愛華頓、諾定咸森林、錫菲聯等等護級份子，歐霸就再對阿積士同AEK雅典，眼前冇一支球隊可以稱得上係強敵。唔敢講白禮頓會成個月不敗，但至少迪沙比有時間等待上述傷兵慢慢復出，同時比球員喺幾個陣式之間適應，一場一場搶救英超聯嘅積分。