由西甲回歸荷甲第二季，33歲盧克迪莊生涯再爆發
荷蘭中鋒盧克迪莊（Luuk de Jong）上季重返PSV燕豪芬，助球隊守住歐聯預賽席位。今季球隊換帥再戰，保斯（Peter Bosz）執教之下，唔單止令燕豪芬坐穩榜首，盧克迪莊更打出戰術價值，進一步拉高自己嘅表現。
迪莊過往曾經喺英超、西甲等等聯賽打滾過，但表現遠不如喺荷甲嘅時間。佢今季場場正選，交出貢獻之後，大概70分鐘就落場休息，更甚者會打足全場。對一個已經33歲嘅統中鋒嚟講，要打出生涯第二春並唔容易。
迪莊上季全季射入14球，今季前11場聯賽已經交出9個入波，而6個助攻更加係聯賽第2多，僅次隊友韋文（Joey Veerman）嘅7個。數據除開90分鐘，平均射門數字、入球數、xG值等等都有微幅上升，上述數據連同傳球次數、接球次數、關鍵傳球等等，都喺荷甲前鋒裏面名列前茅。
而要有呢個進步，歸因保斯善用迪莊呢個老將，唔單只係傳統Target-Man，更加係前線萬能攻擊手。迪莊喺三閘線後同對方禁區內嘅觸球次數，都優勝於84%嘅荷甲前鋒，顯示佢喺禁區狹窄空間之內嘅現位能力之強，令隊友能夠放心將個波傳比佢，乃至之後嘅調整動作，完成駁腳甚至直接射門，為球隊奠定季初喺排行榜名列前茅嘅基礎。
而齋睇頭槌數據，迪莊今季頭槌攻門係荷甲最多，顯示佢冇因為要配合球隊進攻，而放棄自己作為柱躉中鋒嘅強項。身體質素未降低嘅情況下，佢背身策應嘅功夫、配合隊友喺禁區前後嘅遊弋，足以為球隊喺弱勢時開路。加上閘位泰斯、中堅保斯卡利、中場韋文都有中長距離嘅傳送能力，進一步強化咗迪莊作為Target-Man嘅戰術價值，加上憑經驗判斷跑位、起跳等等嘅時機，增幅球隊進攻戰術嘅效果。而迪莊遠遠唔只守喺陣型頂端做Target-Man，佢喺球隊後場組織時都會幫手褪返後，慢慢將陣型推上去，去到三閘線位就開始增加接球機會。 十月底對阿積士嘅大戰，燕豪芬先落後1-2嘅情況下，下半場開波冇耐執雞追平2-2，再一個後腳助攻為球隊反超前，最後大炒5-2，盡顯迪莊嘅冷靜。
睇返盧克迪莊嘅生涯，佢喺荷蘭嘅聯賽入過超過150球，但出到去五大聯賽就只有20幾球收獲，不過，身高188cm，擅於背身搶位駁腳，作為Target-man嘅佢喺慕遜加柏、西維爾都顯示出自己嘅戰術價值，至少能夠喺主要聯賽「摱車邊」生存到。返到荷蘭，就係佢大顯身手嘅舞台。
迪莊過往曾經喺英超、西甲等等聯賽打滾過，但表現遠不如喺荷甲嘅時間。佢今季場場正選，交出貢獻之後，大概70分鐘就落場休息，更甚者會打足全場。對一個已經33歲嘅統中鋒嚟講，要打出生涯第二春並唔容易。
迪莊上季全季射入14球，今季前11場聯賽已經交出9個入波，而6個助攻更加係聯賽第2多，僅次隊友韋文（Joey Veerman）嘅7個。數據除開90分鐘，平均射門數字、入球數、xG值等等都有微幅上升，上述數據連同傳球次數、接球次數、關鍵傳球等等，都喺荷甲前鋒裏面名列前茅。
而要有呢個進步，歸因保斯善用迪莊呢個老將，唔單只係傳統Target-Man，更加係前線萬能攻擊手。迪莊喺三閘線後同對方禁區內嘅觸球次數，都優勝於84%嘅荷甲前鋒，顯示佢喺禁區狹窄空間之內嘅現位能力之強，令隊友能夠放心將個波傳比佢，乃至之後嘅調整動作，完成駁腳甚至直接射門，為球隊奠定季初喺排行榜名列前茅嘅基礎。
而齋睇頭槌數據，迪莊今季頭槌攻門係荷甲最多，顯示佢冇因為要配合球隊進攻，而放棄自己作為柱躉中鋒嘅強項。身體質素未降低嘅情況下，佢背身策應嘅功夫、配合隊友喺禁區前後嘅遊弋，足以為球隊喺弱勢時開路。加上閘位泰斯、中堅保斯卡利、中場韋文都有中長距離嘅傳送能力，進一步強化咗迪莊作為Target-Man嘅戰術價值，加上憑經驗判斷跑位、起跳等等嘅時機，增幅球隊進攻戰術嘅效果。而迪莊遠遠唔只守喺陣型頂端做Target-Man，佢喺球隊後場組織時都會幫手褪返後，慢慢將陣型推上去，去到三閘線位就開始增加接球機會。 十月底對阿積士嘅大戰，燕豪芬先落後1-2嘅情況下，下半場開波冇耐執雞追平2-2，再一個後腳助攻為球隊反超前，最後大炒5-2，盡顯迪莊嘅冷靜。
睇返盧克迪莊嘅生涯，佢喺荷蘭嘅聯賽入過超過150球，但出到去五大聯賽就只有20幾球收獲，不過，身高188cm，擅於背身搶位駁腳，作為Target-man嘅佢喺慕遜加柏、西維爾都顯示出自己嘅戰術價值，至少能夠喺主要聯賽「摱車邊」生存到。返到荷蘭，就係佢大顯身手嘅舞台。