表現八面玲瓏！曼城紐尼斯把握正選機會，力破年青人
身在賽程輕鬆嘅歐聯G組，衛冕嘅曼城輕描淡寫，3-0擊敗端士勁旅年青人。大勝嘅戰果或者早有預料，但透過強弱懸殊嘅比賽，嚟為隊中非鐵膽正選嘅球員壯膽，先係價值所在。呢場波嘅受惠者，就係曼城今季中場新援，馬菲奧斯紐尼斯（Matheus Nunes）。
紐尼斯喺士砵亭出道，上季被狼隊收購後即刻成為主力，喺英超呢個大舞台展現輕巧靈活嘅腳法。狼隊由降班大熱到成功護級，一直穩守正選位置嘅紐尼斯功勞唔細，中場重奪球權方面嘅表現都唔錯，盤球技術更加係隊中之首。據Opta嘅數據，上季紐尼斯盤球成功嘅次數係英超並列第6多，效力一支唔係主攻嘅球隊，而且要重新適應防守習慣，紐尼斯作為新人打得出呢個數據，實在難能可貴。
根度簡離開、迪布尼受傷，施華位置後撤，令曼城喺八至十號位之間持球推進嘅球員人手變得緊湊，加上科頓、基利殊喺而家呢一套form需要企邊路，令曼城趕喺轉會窗完結前就完成紐尼斯嘅轉會。不過，紐尼斯25歲嘅年紀已經唔細，由狼隊到高手如雲嘅曼城，競爭環境不可同日而語。加盟唔夠一個月，對森林有首次喺英超為曼城正選上陣，交出1個助攻，之後作客倒戈狼隊再度列陣正選十一人，可惜嘅係佢發揮得唔好，半場換走。
之後紐尼斯冇乜點出陣，到上個月底作客年青人時再次正選，今場返返主場就交出加盟以嚟最好嘅表現。
對陣同組實力唔強嘅年青人，曼城大有本錢全陣壓上，甚至史東斯都甚少返返到後防組成四後衛，佢同路易斯呢兩個後衛出身嘅球員直接客串雙防中。而當然，曼城能夠咁做，前提係佢哋身前嘅中場要交得出高頻率嘅壓迫，呢一點紐尼斯就做得到。
身在年青人5-4-1大巴陣嘅中場、後防兩線之間， 紐尼斯走位機警，配合到隊友現位攞波，主動持球上前嘅表現亦具備質素，接球後反應快速，喺人群之中過關斬將，再作出最適合嘅傳球選擇。
曼城喺主場大勝，紐尼斯踢足全場比賽，交出89%傳球成功率，7次創造射門機會、7次帶波入三閘線，進攻表現相當活躍。美中不足嘅係4次射門全部唔中目標，終結能力同射門選擇都要再進步。不過，佢喺中場嘅活躍表現，令科頓、基利殊呢對長駐邊路嘅攻中唔需要時時走入中路支援，能夠專心同後上嘅邊中堅做配合，對付年青人長期多人嘅邊路。
曼城上季奪得三冠王，今季沿用上季體系繼續深化，紐尼斯雖然要面對上陣時間不足嘅問題，特別係之後迪布尼復出後競爭更大。但喺呢班中場大師身邊學嘢，對紐尼斯嘅英超前路肯定受益不淺。
紐尼斯喺士砵亭出道，上季被狼隊收購後即刻成為主力，喺英超呢個大舞台展現輕巧靈活嘅腳法。狼隊由降班大熱到成功護級，一直穩守正選位置嘅紐尼斯功勞唔細，中場重奪球權方面嘅表現都唔錯，盤球技術更加係隊中之首。據Opta嘅數據，上季紐尼斯盤球成功嘅次數係英超並列第6多，效力一支唔係主攻嘅球隊，而且要重新適應防守習慣，紐尼斯作為新人打得出呢個數據，實在難能可貴。
根度簡離開、迪布尼受傷，施華位置後撤，令曼城喺八至十號位之間持球推進嘅球員人手變得緊湊，加上科頓、基利殊喺而家呢一套form需要企邊路，令曼城趕喺轉會窗完結前就完成紐尼斯嘅轉會。不過，紐尼斯25歲嘅年紀已經唔細，由狼隊到高手如雲嘅曼城，競爭環境不可同日而語。加盟唔夠一個月，對森林有首次喺英超為曼城正選上陣，交出1個助攻，之後作客倒戈狼隊再度列陣正選十一人，可惜嘅係佢發揮得唔好，半場換走。
之後紐尼斯冇乜點出陣，到上個月底作客年青人時再次正選，今場返返主場就交出加盟以嚟最好嘅表現。
對陣同組實力唔強嘅年青人，曼城大有本錢全陣壓上，甚至史東斯都甚少返返到後防組成四後衛，佢同路易斯呢兩個後衛出身嘅球員直接客串雙防中。而當然，曼城能夠咁做，前提係佢哋身前嘅中場要交得出高頻率嘅壓迫，呢一點紐尼斯就做得到。
身在年青人5-4-1大巴陣嘅中場、後防兩線之間， 紐尼斯走位機警，配合到隊友現位攞波，主動持球上前嘅表現亦具備質素，接球後反應快速，喺人群之中過關斬將，再作出最適合嘅傳球選擇。
曼城喺主場大勝，紐尼斯踢足全場比賽，交出89%傳球成功率，7次創造射門機會、7次帶波入三閘線，進攻表現相當活躍。美中不足嘅係4次射門全部唔中目標，終結能力同射門選擇都要再進步。不過，佢喺中場嘅活躍表現，令科頓、基利殊呢對長駐邊路嘅攻中唔需要時時走入中路支援，能夠專心同後上嘅邊中堅做配合，對付年青人長期多人嘅邊路。
曼城上季奪得三冠王，今季沿用上季體系繼續深化，紐尼斯雖然要面對上陣時間不足嘅問題，特別係之後迪布尼復出後競爭更大。但喺呢班中場大師身邊學嘢，對紐尼斯嘅英超前路肯定受益不淺。