失去左閘主力位置 古古利拿：一有機會就要捉住
車路士左閘古古利拿（Marc Cucurella）今季轉用3號波衫，本應係地位上升嘅象徵，但開季以嚟不受重用，喺隊友受傷嘅時間先有得上陣，有時仲要客串唔慣踢嘅右閘。
「我轉會後，未有發揮本身應有水準，的確係有啲沮喪，但可以去面對。」古古利拿近日接受《Sky Sports》專訪，剖白今季遇上嘅難題，表示今季情況已經比上季剛加盟時好咗好多。
以£60M由白禮頓加盟一年幾以嚟，古古利拿雖然有唔少上陣時間，但面對嘅競爭實在唔細，加上恩師樸達已經唔喺度，令古古利拿嘅機會更難得到保證。
車仔陣中，先有同位置嘅英軍國腳捷維爾（Ben Chilwell），再有今季上位嘅左中堅高維（Levi Colwill），都能夠扼守左路。據《ESPN》指，轉會窗完結前，古古利拿曾經有機會外借到左閘傷哂嘅曼聯，令佢至少短期內有上陣時間，但最後唔成事。
新任主帥普捷天奴（Mauricio Pochettino）今季主打四後衛陣式，4-4-2、4-3-3、4-2-3-1等等陣式同佢哋嘅變體，喺季初十幾場英超比賽都有唔少探索，但佢首選嘅左閘係捷維爾，甚至擺出三中堅之時，捷維爾同高維各據左翼衛、左中堅位置，古古利拿季初只有喺英聯盃上陣。踏入十月，捷維爾腿筋受傷，先有古古利拿嘅上陣機會。但普捷天奴嘅做法，係對古古利拿擺喺唔熟悉嘅右閘位置。「打多啲唔同位置，表示我有多啲機會。」
呢個做法，勉強擺到四後衛嘅陣式，組織時內收高維到左中堅，推高右邊嘅古古利拿。但古古利拿推高攞波，因為唔順腳嘅關係，冇辦法做到喺左路嘅快速分波同突擊，往往要撥橫搵隊友支援，變相拖慢球隊右路進攻。
「我從來冇打過右邊，啲嘢唔同，就需要時間重新適應。佢哋（左右閘）位置一樣，但始終唔同邊，有啲位就要調整。」古古利拿形容，一開始打右閘時有啲怪，例如一心要諗住前衝嘅時候，身體會不自覺地向左邊移動。
客串兩場右閘，車仔雖然贏波，但球隊都係有好多嘢要調整。之後古古利拿去返左閘，但主場對阿仙奴、賓褔特兩場倫敦打吡都贏唔到。到咗作客熱刺，古古利拿喺對手十人應戰之下，先喺下半場上陣，為球隊守住45分鐘不失球。
「一旦有機會，我就會做到最好。」古古利拿今季要作出多啲唔同嘗試，先可以喺競爭之中突圍而出。
「我轉會後，未有發揮本身應有水準，的確係有啲沮喪，但可以去面對。」古古利拿近日接受《Sky Sports》專訪，剖白今季遇上嘅難題，表示今季情況已經比上季剛加盟時好咗好多。
以£60M由白禮頓加盟一年幾以嚟，古古利拿雖然有唔少上陣時間，但面對嘅競爭實在唔細，加上恩師樸達已經唔喺度，令古古利拿嘅機會更難得到保證。
車仔陣中，先有同位置嘅英軍國腳捷維爾（Ben Chilwell），再有今季上位嘅左中堅高維（Levi Colwill），都能夠扼守左路。據《ESPN》指，轉會窗完結前，古古利拿曾經有機會外借到左閘傷哂嘅曼聯，令佢至少短期內有上陣時間，但最後唔成事。
新任主帥普捷天奴（Mauricio Pochettino）今季主打四後衛陣式，4-4-2、4-3-3、4-2-3-1等等陣式同佢哋嘅變體，喺季初十幾場英超比賽都有唔少探索，但佢首選嘅左閘係捷維爾，甚至擺出三中堅之時，捷維爾同高維各據左翼衛、左中堅位置，古古利拿季初只有喺英聯盃上陣。踏入十月，捷維爾腿筋受傷，先有古古利拿嘅上陣機會。但普捷天奴嘅做法，係對古古利拿擺喺唔熟悉嘅右閘位置。「打多啲唔同位置，表示我有多啲機會。」
呢個做法，勉強擺到四後衛嘅陣式，組織時內收高維到左中堅，推高右邊嘅古古利拿。但古古利拿推高攞波，因為唔順腳嘅關係，冇辦法做到喺左路嘅快速分波同突擊，往往要撥橫搵隊友支援，變相拖慢球隊右路進攻。
「我從來冇打過右邊，啲嘢唔同，就需要時間重新適應。佢哋（左右閘）位置一樣，但始終唔同邊，有啲位就要調整。」古古利拿形容，一開始打右閘時有啲怪，例如一心要諗住前衝嘅時候，身體會不自覺地向左邊移動。
客串兩場右閘，車仔雖然贏波，但球隊都係有好多嘢要調整。之後古古利拿去返左閘，但主場對阿仙奴、賓褔特兩場倫敦打吡都贏唔到。到咗作客熱刺，古古利拿喺對手十人應戰之下，先喺下半場上陣，為球隊守住45分鐘不失球。
「一旦有機會，我就會做到最好。」古古利拿今季要作出多啲唔同嘗試，先可以喺競爭之中突圍而出。