英格蘭對馬爾他嘅試陣重點：為左閘、中場尋找Plan B
唔識擅用手上一副好牌，粒粒皆星又如何？英格蘭陣容成熟，但仲有好多不穩定因素，尚待以修夫基（Gareth Southgate）為首嘅教練團去解決。
上個月國際賽期，英格蘭3-1擊敗同組大敵意大利，確定歐國盃出線資格。十一月呢輪對同組兩個魚腩，預期都會連贏兩場，確定埋首名之餘，比主帥修夫基變陣試新嘢，所以戰果唔係重點。啱啱主場對馬爾他贏2-0，主帥修夫基試陣嘅重點係：左閘同中場嘅Plan A組合同時有傷患之時，英格蘭應該點搞？
先講下左路，梳爾、捷維爾呢兩大正統左閘傷患不斷，令修夫基要不斷嘗試plan B。今次英格蘭大軍征召，只有車路士嘅高維勉強可以踢左閘，但佢組織上嘅踢法係內收形成三中堅，而英格蘭不嬲都少用左閘內收嘅踢法。對馬爾他呢場波，修夫基比中堅杜莫利去試，的確試吓係無妨，但本質上唔啱就係唔啱。左右失衡，接連影響進攻流暢度，英格蘭成個上半場都冇中龍射門，只靠一球烏龍波領先，上半場表現唔算合格。
紐卡素右閘查比亞，算係修夫基最鍾意用嘅左閘後備人選。查比亞喺下半場轉打左閘，但佢左腳出波冇右腳咁精準，拖慢進攻嘅同時，令拉舒褔特要由half-space跑到左邊支援，變相令球隊少一個攻擊點，左邊嘅拉邊都唔順暢。
中場方面，上年世界盃，英格蘭算係完成咗中場嘅轉型，比寧咸、懷斯呢兩個攻守兼備、體力上乘、身材兼備嘅年輕中場，基本上坐穩三獅軍團中場兩個正選席位。問題係，4-3-3嘅架構之下，用邊個球員同佢哋夾。
今次國際賽期，比寧咸因傷退隊，對馬爾他嘅正選就收起埋懷斯，比軒達臣打墮後核心，加拉加同阿歷山大阿諾喺兩邊肋位打box-to-box，上落支援。修夫基喺下半場變陣成4-2-3-1，收起加拉加之後，軒達臣同阿歷山大阿諾打雙防中hold住中場，造波嘅任務就交比轉打攻中嘅科頓。
英格蘭右閘多如繁星，早就已經將阿諾視為中場人選，呢位利物浦右閘對馬爾他的確交到表現，修夫基亦唔需要佢好似喺利物浦咁，要喺對手反擊時cover返右路，反而完完全全當佢係八號位中場。但鑑於對手強度唔高，英格蘭放唔放心比佢喺大賽踢中場正選，呢點仲要時間觀察。
修夫基帶領英格蘭三屆大賽，世界盃四強、歐國盃亞軍嘅成績叫做講得過去，但隨住時間過去，球迷對佢執迷不變嘅批評就愈嚟愈多，特別係軒達臣、麥佳亞、拉舒褔特等等有跌watt嘅球員，依然仲有上陣時間，令球迷費解。
不過批評還批評，英格蘭喺唔同嘅位置上，依然有做出一啲新嘅嘗試。英格蘭而家人材輩出，各個位置都可以衍生唔同嘅組合，喺國際大賽都不乏競爭力。關鍵在於手上有決定權嘅修夫基，點樣去運用呢一手好牌。
上個月國際賽期，英格蘭3-1擊敗同組大敵意大利，確定歐國盃出線資格。十一月呢輪對同組兩個魚腩，預期都會連贏兩場，確定埋首名之餘，比主帥修夫基變陣試新嘢，所以戰果唔係重點。啱啱主場對馬爾他贏2-0，主帥修夫基試陣嘅重點係：左閘同中場嘅Plan A組合同時有傷患之時，英格蘭應該點搞？
先講下左路，梳爾、捷維爾呢兩大正統左閘傷患不斷，令修夫基要不斷嘗試plan B。今次英格蘭大軍征召，只有車路士嘅高維勉強可以踢左閘，但佢組織上嘅踢法係內收形成三中堅，而英格蘭不嬲都少用左閘內收嘅踢法。對馬爾他呢場波，修夫基比中堅杜莫利去試，的確試吓係無妨，但本質上唔啱就係唔啱。左右失衡，接連影響進攻流暢度，英格蘭成個上半場都冇中龍射門，只靠一球烏龍波領先，上半場表現唔算合格。
紐卡素右閘查比亞，算係修夫基最鍾意用嘅左閘後備人選。查比亞喺下半場轉打左閘，但佢左腳出波冇右腳咁精準，拖慢進攻嘅同時，令拉舒褔特要由half-space跑到左邊支援，變相令球隊少一個攻擊點，左邊嘅拉邊都唔順暢。
中場方面，上年世界盃，英格蘭算係完成咗中場嘅轉型，比寧咸、懷斯呢兩個攻守兼備、體力上乘、身材兼備嘅年輕中場，基本上坐穩三獅軍團中場兩個正選席位。問題係，4-3-3嘅架構之下，用邊個球員同佢哋夾。
今次國際賽期，比寧咸因傷退隊，對馬爾他嘅正選就收起埋懷斯，比軒達臣打墮後核心，加拉加同阿歷山大阿諾喺兩邊肋位打box-to-box，上落支援。修夫基喺下半場變陣成4-2-3-1，收起加拉加之後，軒達臣同阿歷山大阿諾打雙防中hold住中場，造波嘅任務就交比轉打攻中嘅科頓。
英格蘭右閘多如繁星，早就已經將阿諾視為中場人選，呢位利物浦右閘對馬爾他的確交到表現，修夫基亦唔需要佢好似喺利物浦咁，要喺對手反擊時cover返右路，反而完完全全當佢係八號位中場。但鑑於對手強度唔高，英格蘭放唔放心比佢喺大賽踢中場正選，呢點仲要時間觀察。
修夫基帶領英格蘭三屆大賽，世界盃四強、歐國盃亞軍嘅成績叫做講得過去，但隨住時間過去，球迷對佢執迷不變嘅批評就愈嚟愈多，特別係軒達臣、麥佳亞、拉舒褔特等等有跌watt嘅球員，依然仲有上陣時間，令球迷費解。
不過批評還批評，英格蘭喺唔同嘅位置上，依然有做出一啲新嘅嘗試。英格蘭而家人材輩出，各個位置都可以衍生唔同嘅組合，喺國際大賽都不乏競爭力。關鍵在於手上有決定權嘅修夫基，點樣去運用呢一手好牌。