狀態急轉直下！祖達賽前6場4球，大戰曼城熄火現疲態
利物浦1-1迫和曼城，但球隊表現全場都係落於下風。左路被安排正選重任嘅迪奧高祖達，今場幾乎隱形，交唔出表現。
對曼城嘅大戰之前，祖達喺利物浦6場入4球，狀態理應fit到漏，但今場近乎隱形，只有20分鐘一腳交比蘇保斯禮起腳，但呢個射門本身就難談威脅。據數據網站fbref統計，祖達上陣53分鐘，唔單止冇射門，觸球次數只得11次，喺曼城禁區更加只有1次，低得可憐。
利物浦安排祖達打正選，同森美卡斯一齊攻擊曼城嘅右路。理論上，有出擊型左閘森美卡斯嘅輔助拉邊，祖達能夠喺左邊Half-space乃至紐尼斯身後嘅輔位出現，更多發揮自己輔鋒嘅角色。
但祖達今場走位唔多，隊友都難以將個波交比佢，令佢難以發揮平時嘅進攻威脅，更遑論幫助紐尼斯，佢哋兩個之間今場冇乜合作。另外，曼城嘅壓迫成功將森美卡斯迫喺利物浦後場，令祖達都要成日逗返深，喺自己半場嘅左邊half-space幫手做連結。理應要同時面對森美卡斯、祖達夾攻嘅曼城右閘卡爾獲加，今場反而踢得輕輕鬆鬆，可以留力進攻。
或者有人會問，國際賽期導致球員出現疲態？有別於常規嘅英國時間下晝三點比賽，呢場波係喺星期六中午開波，對於呢個安排，高普之前頗有微言，話國際賽期啱啱完咗冇耐，球員要接住聯賽賽程，話咁嘅大戰唔應該咁早踢，仲要係中午，所有事前安排都會太趕。
不過，呢個理由解釋唔到祖達嘅疲態。葡萄牙早就晉級歐國盃決賽週，今輪國際賽期兩場外圍賽都係「太公波」，主帥馬天尼斯兩場都有戰術實驗，祖達就喺16號對作客列支敦士登嘅比賽出任左翼衛，踢足90分鐘。
但第二場對冰島，祖達就冇上陣，即係話喺佢兩場比賽之間，足足抖咗9日，照道理應該有足夠狀態。不過喺54分鐘換人時，祖達嘅身體姿勢，令人擔心佢有受傷嘅疑慮。
祖達離場後，迪亞斯、加雲貝治呢兩位後備兵，加強利物浦左路嘅攻勢。加雲貝治喺中場嘅跑動範圍比較廣闊，令迪亞斯可以專心留喺前場左路等波，做到祖達上半場做唔到嘅事。80分鐘阿歷山大阿諾入波迫和前，加雲貝治由自己半場直接帶上前，交比迪亞斯喺左路單挑獲加，之後再傳中搵到沙拿，再交出助攻，成功執返分。
對曼城嘅大戰之前，祖達喺利物浦6場入4球，狀態理應fit到漏，但今場近乎隱形，只有20分鐘一腳交比蘇保斯禮起腳，但呢個射門本身就難談威脅。據數據網站fbref統計，祖達上陣53分鐘，唔單止冇射門，觸球次數只得11次，喺曼城禁區更加只有1次，低得可憐。
利物浦安排祖達打正選，同森美卡斯一齊攻擊曼城嘅右路。理論上，有出擊型左閘森美卡斯嘅輔助拉邊，祖達能夠喺左邊Half-space乃至紐尼斯身後嘅輔位出現，更多發揮自己輔鋒嘅角色。
但祖達今場走位唔多，隊友都難以將個波交比佢，令佢難以發揮平時嘅進攻威脅，更遑論幫助紐尼斯，佢哋兩個之間今場冇乜合作。另外，曼城嘅壓迫成功將森美卡斯迫喺利物浦後場，令祖達都要成日逗返深，喺自己半場嘅左邊half-space幫手做連結。理應要同時面對森美卡斯、祖達夾攻嘅曼城右閘卡爾獲加，今場反而踢得輕輕鬆鬆，可以留力進攻。
或者有人會問，國際賽期導致球員出現疲態？有別於常規嘅英國時間下晝三點比賽，呢場波係喺星期六中午開波，對於呢個安排，高普之前頗有微言，話國際賽期啱啱完咗冇耐，球員要接住聯賽賽程，話咁嘅大戰唔應該咁早踢，仲要係中午，所有事前安排都會太趕。
不過，呢個理由解釋唔到祖達嘅疲態。葡萄牙早就晉級歐國盃決賽週，今輪國際賽期兩場外圍賽都係「太公波」，主帥馬天尼斯兩場都有戰術實驗，祖達就喺16號對作客列支敦士登嘅比賽出任左翼衛，踢足90分鐘。
但第二場對冰島，祖達就冇上陣，即係話喺佢兩場比賽之間，足足抖咗9日，照道理應該有足夠狀態。不過喺54分鐘換人時，祖達嘅身體姿勢，令人擔心佢有受傷嘅疑慮。
祖達離場後，迪亞斯、加雲貝治呢兩位後備兵，加強利物浦左路嘅攻勢。加雲貝治喺中場嘅跑動範圍比較廣闊，令迪亞斯可以專心留喺前場左路等波，做到祖達上半場做唔到嘅事。80分鐘阿歷山大阿諾入波迫和前，加雲貝治由自己半場直接帶上前，交比迪亞斯喺左路單挑獲加，之後再傳中搵到沙拿，再交出助攻，成功執返分。