奧拿拿犯錯＋組織受壓制 曼聯距離出局一線之差
5場4分墊底，對陣「下把位」球隊都踢得咁辛苦，曼聯今季喺歐聯完全霸氣盡失。週中作客被加拉塔沙雷迫和後，曼聯基本上就係等出局。
呢場生死戰作客出戰，曼聯開波先有隊長般奴費南迪斯（Bruno Fernandes）1G1A拉開兩球優勢，到上半場中段加拉塔沙雷搏得罰球，奧拿拿（Andre Onana）腳步犯錯，薜耶治直射追返一球。之後雙方大致拉成均勢，曼聯55分鐘再由麥湯文尼再下一城。
呢一個鐘頭之內，曼聯雖然成功領先3-1，但實際上處處受制於主隊嘅戰術壓制。加拉塔沙雷牌面佈出4-2-3-1，但中堅巴達斯（Abdülkerim Bardakcı）會稍稍壓前，令防中托利拿（Lucas Torreira）可以壓得更前，進而解放梅頓斯、伊卡迪呢對前鋒，去干擾奧拿拿同曼聯中後場球員之間嘅連結。
曼聯週末大勝愛華頓三球，坦赫今場收起嗰日表現八面玲瓏嘅中場小將文奴，轉用安拉拔同麥湯文尼夾雙防中。當然，咁做嘅用意，係以減慢曼聯運波上前嘅節奏為代價，換嚟降低被反擊時對手成功射門嘅機會，以及封鎖對手今季有態嘅進攻球員艾杜高古（Kerem Aktürkoğlu）。但上場土超踢後備嘅艾杜高古，今場歐聯竟然冇正選，換成梅頓斯打影子前鋒，用另一套game plan嚟對付曼聯，令坦赫有少少失咗預算。
曼聯早段領先嘅兩球，係食中加拉塔沙雷採用嘅壓迫戰術，所形成嘅空位，包括般奴第二球冷箭，托利拿前壓導致佢有遠射空間。但當加拉塔沙雷企穩陣腳後，腳員之間嘅企位慢慢調整，曼聯控球在腳時難以舒服地運過中場，心態亦冇比2球落後嘅局面嚇怕。
曼聯雙防中加般奴嘅中場組合，唔太能夠解放遭受迫搶時嘅壓力，尤其是麥湯文尼會成日企近右路嘅位置，協助雲比沙卡嗰邊嘅傳控，獨留安拉拔一人喺中路，喺連結前場方面更見孤立。之後薜耶治罰球再搏得奧拿拿失誤，最後由艾杜高古後備追平，令曼聯陷入絕境。
完場踢成3-3，今場只要減少1個失球，曼聯令季喺歐洲賽嘅局面就會理想好多，偏偏奧拿拿今場發生2個低級失誤。但成個上半季嘅走勢話比我哋知，用得奧拿拿就預咗會發生呢啲事，而喺轉會窗前曼聯完全冇換走奧拿拿嘅條件，特別係佢有時又會打返幾場爭氣波，令坦赫更傾向唔雪佢。所以，喺傷患潮嘅困擾之中，點樣活用奧拿拿嘅優點，嚟減低佢對球隊嘅傷害，係曼聯今季好重要嘅課題。
好明顯，今場曼聯做咗好差嘅示範，兼斷送歐聯前路。
呢場生死戰作客出戰，曼聯開波先有隊長般奴費南迪斯（Bruno Fernandes）1G1A拉開兩球優勢，到上半場中段加拉塔沙雷搏得罰球，奧拿拿（Andre Onana）腳步犯錯，薜耶治直射追返一球。之後雙方大致拉成均勢，曼聯55分鐘再由麥湯文尼再下一城。呢一個鐘頭之內，曼聯雖然成功領先3-1，但實際上處處受制於主隊嘅戰術壓制。加拉塔沙雷牌面佈出4-2-3-1，但中堅巴達斯（Abdülkerim Bardakcı）會稍稍壓前，令防中托利拿（Lucas Torreira）可以壓得更前，進而解放梅頓斯、伊卡迪呢對前鋒，去干擾奧拿拿同曼聯中後場球員之間嘅連結。
曼聯週末大勝愛華頓三球，坦赫今場收起嗰日表現八面玲瓏嘅中場小將文奴，轉用安拉拔同麥湯文尼夾雙防中。當然，咁做嘅用意，係以減慢曼聯運波上前嘅節奏為代價，換嚟降低被反擊時對手成功射門嘅機會，以及封鎖對手今季有態嘅進攻球員艾杜高古（Kerem Aktürkoğlu）。但上場土超踢後備嘅艾杜高古，今場歐聯竟然冇正選，換成梅頓斯打影子前鋒，用另一套game plan嚟對付曼聯，令坦赫有少少失咗預算。
曼聯早段領先嘅兩球，係食中加拉塔沙雷採用嘅壓迫戰術，所形成嘅空位，包括般奴第二球冷箭，托利拿前壓導致佢有遠射空間。但當加拉塔沙雷企穩陣腳後，腳員之間嘅企位慢慢調整，曼聯控球在腳時難以舒服地運過中場，心態亦冇比2球落後嘅局面嚇怕。
曼聯雙防中加般奴嘅中場組合，唔太能夠解放遭受迫搶時嘅壓力，尤其是麥湯文尼會成日企近右路嘅位置，協助雲比沙卡嗰邊嘅傳控，獨留安拉拔一人喺中路，喺連結前場方面更見孤立。之後薜耶治罰球再搏得奧拿拿失誤，最後由艾杜高古後備追平，令曼聯陷入絕境。
完場踢成3-3，今場只要減少1個失球，曼聯令季喺歐洲賽嘅局面就會理想好多，偏偏奧拿拿今場發生2個低級失誤。但成個上半季嘅走勢話比我哋知，用得奧拿拿就預咗會發生呢啲事，而喺轉會窗前曼聯完全冇換走奧拿拿嘅條件，特別係佢有時又會打返幾場爭氣波，令坦赫更傾向唔雪佢。所以，喺傷患潮嘅困擾之中，點樣活用奧拿拿嘅優點，嚟減低佢對球隊嘅傷害，係曼聯今季好重要嘅課題。
好明顯，今場曼聯做咗好差嘅示範，兼斷送歐聯前路。