倒戈演帽子戲法！基斯活特三腳踢沉紐卡素
季中陷入降班危機嘅諾定咸森林，換帥之後唔夠幾日作客勁旅紐卡素，3-1踩場成功。更令人驚喜嘅，係中鋒基斯活特（Chris Wood）倒戈出戰連中三元，包辦球隊所有入球，喺曾經效力過嘅球隊主場盡顯霸氣。
活特係喺紐卡素易手之後，2022年冬季轉會窗嘅第一批新時代引援，作為柱躉嘅佢，同正選嘅哥林威爾遜作用唔同，喺艾迪賀維手下都冇乜上陣機會，效力1年後被借去森林，今個夏天正式買斷加盟。
喺前領隊古柏麾下，活特都唔係成日有應會踢，到近呢個月森林戰績不穩嘅時候，先至開始比佢試一試。到而家新任主帥紐奴出任揸莊，活特就一舉立大功。
紐卡素上季係威係勢，但今季季初傷兵問題日漸嚴重，加上東拿利賭波案，令球隊士氣同實力都有所銳減，連帶歐聯都墊底出局。今場「拆禮物日」出戰啱啱換帥嘅森林，本應係逆轉劣勢嘅一役，加上左中堅斯雲博文復出，令賀維可以擺出上季勇闖前四嘅四人正選防線。伊薩上半場中段嘅十二碼開齋，更紐卡素士氣更加凌厲。甘馬雷斯同米利逗底，朗史達夫四出奔走，進攻上努力付出體能。
不過臨到半場吹雞，森林就憑活特追平，當時艾蘭加喺小禁區右側引開幾個球員注意力，活特就順勢接應撞入空門。換邊後8分鐘，紐卡素陣腳未穩，活特接應艾蘭加直線，幾吓腳法殺入小禁區chip射，梅開二度反超前。
為此，賀維喺55分鐘作出調動，增加更多前線攻勢嘅人手，但換嚟嘅係活特再一次接應中後場長傳，速度壓制紐卡素整條防線形成單刀，fake過門將杜巴夫卡，喺曾經效力嘅紐卡素主場連中三元。賀維幾乎無計可施，80分鐘接連派出祖亞連頓同賀爾，背水一戰而無結果，最後1-3反勝為敗。
森林換帥後第一場波，用返古柏近期嘅4-2-3-1陣式，但中後場球員大舉換人，作風亦更加大膽。而呢個帽子戲法之後，活特今季聯賽錄得7球，奠定自己喺新領隊手下嘅地位，搶分之旅開咗個好頭。
相反，紐卡素就沉上加沉，連同呢場波，近七場比賽錄得1勝6負，狀態極度低迷。賀維再唔諗諗計，分分鐘英超第二個被炒魷嘅主帥就係佢。
活特係喺紐卡素易手之後，2022年冬季轉會窗嘅第一批新時代引援，作為柱躉嘅佢，同正選嘅哥林威爾遜作用唔同，喺艾迪賀維手下都冇乜上陣機會，效力1年後被借去森林，今個夏天正式買斷加盟。
喺前領隊古柏麾下，活特都唔係成日有應會踢，到近呢個月森林戰績不穩嘅時候，先至開始比佢試一試。到而家新任主帥紐奴出任揸莊，活特就一舉立大功。
紐卡素上季係威係勢，但今季季初傷兵問題日漸嚴重，加上東拿利賭波案，令球隊士氣同實力都有所銳減，連帶歐聯都墊底出局。今場「拆禮物日」出戰啱啱換帥嘅森林，本應係逆轉劣勢嘅一役，加上左中堅斯雲博文復出，令賀維可以擺出上季勇闖前四嘅四人正選防線。伊薩上半場中段嘅十二碼開齋，更紐卡素士氣更加凌厲。甘馬雷斯同米利逗底，朗史達夫四出奔走，進攻上努力付出體能。
不過臨到半場吹雞，森林就憑活特追平，當時艾蘭加喺小禁區右側引開幾個球員注意力，活特就順勢接應撞入空門。換邊後8分鐘，紐卡素陣腳未穩，活特接應艾蘭加直線，幾吓腳法殺入小禁區chip射，梅開二度反超前。
為此，賀維喺55分鐘作出調動，增加更多前線攻勢嘅人手，但換嚟嘅係活特再一次接應中後場長傳，速度壓制紐卡素整條防線形成單刀，fake過門將杜巴夫卡，喺曾經效力嘅紐卡素主場連中三元。賀維幾乎無計可施，80分鐘接連派出祖亞連頓同賀爾，背水一戰而無結果，最後1-3反勝為敗。
森林換帥後第一場波，用返古柏近期嘅4-2-3-1陣式，但中後場球員大舉換人，作風亦更加大膽。而呢個帽子戲法之後，活特今季聯賽錄得7球，奠定自己喺新領隊手下嘅地位，搶分之旅開咗個好頭。
相反，紐卡素就沉上加沉，連同呢場波，近七場比賽錄得1勝6負，狀態極度低迷。賀維再唔諗諗計，分分鐘英超第二個被炒魷嘅主帥就係佢。