彭馬2G1A八面玲瓏 車路士以勝利為悲痛一年收尾
今年最後一場比賽，車路士延續又喜又驚嘅本色，喺盧頓最後階段猛攻之下成功守住3分，以勝利結束沉重嘅2023年。
傷患潮一浪接一浪，賽前車路士有輸有贏，不過作客表現已經四連敗。近績令佢哋喺盧頓主場不被看好，但車仔一開波就搶先主導局勢，攻守兩端都有精采表現。
特別係今場打攻中嘅高爾彭馬（Cole Palmer），今場兩個入波、一個助攻嘅表現，堪稱加盟半年以嚟最佳一仗，甚至比4-4絕殺曼城一役打得更出色。佢同出任左翼嘅尼高拉積遜（Nicolas Jackson）互有換位。雖然彭馬今場有出色發揮，但犧牲咗積遜走入中路嘅機會，加上左閘高維唔係插上頻率好高嘅類型，令積遜冇得喺自己最擅長嘅位置。
積遜喺唔適應位置之下，仍有為球隊貢獻，唔單只下半場背身頂住壓力助攻比彭馬，早喺彭馬12分鐘攻入第一球之前，積遜喺冇隊友支援嘅情況下由左路單帶入禁區射門，之後就係盧頓失誤，比車仔領先。彭馬入波後助攻，馬杜亞基（Noni Madueke）喺隊友被嚴密看管之下，決定自己勁抽射門，窄角度比佢博贏咗。
而彭馬兩個入波，盡顯佢喺亂軍之中皮球在腳嘅時候，膽識同冷靜兼備嘅特性，冇浪費到得來不易嘅良機，令車路士嘅領先局面得到入球回報。喺對般尼茅夫嗰場中途腰斬嘅比賽之後，盧頓失去隊長洛耶，反而激發全隊嘅士氣，連續兩場比賽將士用命，先贏勁旅紐卡素，再作客擊敗帶足全場嘅護級對手錫菲聯。今場對陣車路士，70分鐘失咗第三球之後，盧頓奮起反擊，巴克利、艾迪巴約先後追返球，艾迪巴約額外有一次中柱同一次越位入波，追和唔係冇機會。
車路士當然有應對嘅措施，馬杜亞基完成任務後退場，換成安素費南迪斯，加強傳控能力同中場厚度。呢段時間，盧頓掌握60%控球率，射門數8比1，越喺絕境越見精神，可惜嘅係等唔到第三球，完場雞就吹響咗。
論表現，有彭馬爆發嘅車路士更勝一籌，但盧頓主場失利之領，實在值得掌聲。
傷患潮一浪接一浪，賽前車路士有輸有贏，不過作客表現已經四連敗。近績令佢哋喺盧頓主場不被看好，但車仔一開波就搶先主導局勢，攻守兩端都有精采表現。
特別係今場打攻中嘅高爾彭馬（Cole Palmer），今場兩個入波、一個助攻嘅表現，堪稱加盟半年以嚟最佳一仗，甚至比4-4絕殺曼城一役打得更出色。佢同出任左翼嘅尼高拉積遜（Nicolas Jackson）互有換位。雖然彭馬今場有出色發揮，但犧牲咗積遜走入中路嘅機會，加上左閘高維唔係插上頻率好高嘅類型，令積遜冇得喺自己最擅長嘅位置。積遜喺唔適應位置之下，仍有為球隊貢獻，唔單只下半場背身頂住壓力助攻比彭馬，早喺彭馬12分鐘攻入第一球之前，積遜喺冇隊友支援嘅情況下由左路單帶入禁區射門，之後就係盧頓失誤，比車仔領先。彭馬入波後助攻，馬杜亞基（Noni Madueke）喺隊友被嚴密看管之下，決定自己勁抽射門，窄角度比佢博贏咗。
而彭馬兩個入波，盡顯佢喺亂軍之中皮球在腳嘅時候，膽識同冷靜兼備嘅特性，冇浪費到得來不易嘅良機，令車路士嘅領先局面得到入球回報。喺對般尼茅夫嗰場中途腰斬嘅比賽之後，盧頓失去隊長洛耶，反而激發全隊嘅士氣，連續兩場比賽將士用命，先贏勁旅紐卡素，再作客擊敗帶足全場嘅護級對手錫菲聯。今場對陣車路士，70分鐘失咗第三球之後，盧頓奮起反擊，巴克利、艾迪巴約先後追返球，艾迪巴約額外有一次中柱同一次越位入波，追和唔係冇機會。
車路士當然有應對嘅措施，馬杜亞基完成任務後退場，換成安素費南迪斯，加強傳控能力同中場厚度。呢段時間，盧頓掌握60%控球率，射門數8比1，越喺絕境越見精神，可惜嘅係等唔到第三球，完場雞就吹響咗。
論表現，有彭馬爆發嘅車路士更勝一籌，但盧頓主場失利之領，實在值得掌聲。